សាខាស្រុកកំពង់ត្រឡាចបើកទ្វារថ្ងៃដំបូងសូមស្វាគមន៍អតិថិជន
01/Nov/2018
ថ្ងៃនេះ ធនាគារ ABA បានបើកដំណើរការជាផ្លូវការ សាខាស្រុកកំពង់ត្រឡាច ដោយពិចារណាទៅលើការកើនឡើង នូវតម្រូវការរបស់ប្រជាជននៅក្នុងខេត្តកំពង់ឆ្នាំង។
ចាប់ពីពេលនេះទៅ អតិថិជនក្នុងស្រុកកំពង់ត្រឡាចមិនចាំបាច់ធ្វើដំណើរផ្លូវឆ្ងាយដើម្បីទទួលបានសេវា ABA ទៀតឡើយ។ សាខាថ្មីនេះក៏មានកន្លែងសម្រាប់ចតរថយន្ត, កន្លែងរង់ចាំ, និងបញ្ជរសម្រាប់បម្រើអតិថិជនតាមស្តង់ដារផងដែរ។ សាខាក៏ផ្តល់ជូនអតិថិជននូវផលិតផល និងសេវាទំនើបៗរបស់ ABA ជាច្រើនដូចជា សេវាបញ្ញើ, ប្រាក់កម្ចីសម្រាប់អាជីវកម្ម, សេវាផ្ទេរប្រាក់, កាតធនាគារ, ធនាគារអនឡាញនិងតាមទូរស័ព្ទ, និងការចូលប្រើប្រាស់គណនីរបស់ពួកគេ24ម៉ោងលើ24ម៉ោងតាមរយៈម៉ាស៊ីនដាក់ប្រាក់ និងម៉ាស៊ីនដកប្រាក់ដ៏ទំនើប។ បុគ្គលិកដែលមានការបណ្តុះបណ្តាល និងវិជ្ជាជីវៈខ្ពស់ត្រូវបានដាក់ឲ្យបម្រើអតិថិជនដើម្បីធានាឲ្យបាននូវផាសុកភាព និងភាពងាយស្រួល ក៏ដូចជាតម្រូវការដែលមានលក្ខណៈឯកជនរបស់អតិថិជនផងដែរ។
សាខាស្រុកកំពង់ត្រឡាច ស្ថិតនៅក្នុង ភូមិសុបិន ឃុំពានី ស្រុកកំពង់ត្រឡាច ខេត្តកំពង់ឆ្នាំង។ លោកអ្នកអាចទំនាក់ទំនងតាមរយៈលេខទូរស័ព្ទ 098 204 149។
គិតមកត្រឹមខែវិច្ឆិកា ឆ្នាំ2018នេះ ធនាគារ ABA មានសាខាទាំងអស់ចំនួន 64 បើកដំណើរការនៅទូទាំងប្រទេស ខណៈពេលដែលសាខាមួយទៀតកំពុងគ្រោងបើកបន្ថែមត្រឹមដំណាច់ឆ្នាំនេះ។
