ខេត្តកំពង់ធំសូមស្វាគមន៍សាខាទី 3 របស់ធនាគារ ABA
25/Dec/2019
ដោយបន្តផែនការពង្រីកបណ្តាញរបស់ខ្លួន ដើម្បីនាំមកនូវសេវាដ៏ល្អបំផុតនៅទៅកាន់គ្រប់តំបន់ទូទាំងប្រទេស ធនាគារ ABA សូមប្រកាសបើក សាខាស្រុកស្ទោង ជាផ្លូវការដែលជាសាខាទីបីនៅក្នុងខេត្តកំពង់ធំ។
នៅថ្ងៃនេះ សាខាស្រុកស្ទោងបានបើកទ្វាររបស់ខ្លួនជាផ្លូវការក្នុងការស្វាគមន៍អតិថិជន ដែលអញ្ជើញមកទទួលផលិតផល និងសេវាជាច្រើនរបស់ ABA ។ អតិថិជនអាចមកបើកគណនីបញ្ញើ និងគណនីសន្សំ, ប្រឹក្សាយោបល់ជាមួយអ្នកជំនាញឥណទានរបស់យើងសម្រាប់កម្ចីអាជីវកម្ម, បើកកាតធនាគារ, ធ្វើប្រតិបត្តិការផ្ទេរប្រាក់, ស្នើសុំប្រើប្រាស់សេវាធនាគារតាមអនឡាញ និងសេវាកម្មជាច្រើនទៀត។
លើសពីនេះទៀត សាខាថ្មីនេះក៏ត្រូវបានបំពាក់ដោយឧបករណ៍ស្វ័យសេវាទំនើបៗដូចជា ម៉ាស៊ីន ATM និងម៉ាស៊ីនដាក់/ដកប្រាក់ (CRM) និងម៉ាស៊ីនដាក់ប្រាក់ ដែលអនុញ្ញាតឲ្យអតិថិជនរបស់យើង អាចចូលប្រើប្រាស់គណនីរបស់ខ្លួនបានគ្រប់ពេលវេលា។ បុគ្គលិកជំនាញរបស់យើងក៏មានវត្តមាននៅទីនេះផងដែរដើម្បីឆ្លើយតបរាល់ចម្ងល់ ឬការសម្រួលការងារណាមួយនៅសាខាផ្ទាល់ ចាប់ពីម៉ោង 8ព្រឹក ដល់ 4ល្ងាច រៀងរាល់ថ្ងៃចន្ទ ដល់ថ្ងៃសុក្រ។
ចាប់ពីថ្ងៃនេះតទៅអតិថិជនអាចចូលទៅកាន់សាខាថ្មីនេះ ដែលមានទីតាំងស្ថិតនៅ ភូមិត្នោត ឃុំកំពង់ចិនជើង ស្រុកស្ទោង ខេត្តកំពង់ធំ។ លេខទំនាក់ទំនងសាខា គឺ 081 204 355។
គិតត្រឹមថ្ងៃទី 25 ខែធ្នូ 2019 បណ្តាញធនាគារ ABA ពង្រីកសាខារហូតដល់ 77 សាខានៅទូទាំងប្រទេស។ ធនាគារយើងខ្ញុំគ្រោងនឹងបើកសាខាថ្មីចំនួន 5បន្ថែមទៀត នៅឆ្នាំ2020ខាងមុខនេះ។
