អតិថិជនកំពង់ចាម និងបន្ទាយមានជ័យ ទទួលបានសាខាបន្ថែម
16/Oct/2018
ជាផ្នែកមួយនៃយុទ្ធសាស្ត្រពង្រីកអាជីវកម្មរបស់ខ្លួន ធនាគារ ABA ថ្ងៃនេះសូមប្រកាសបើកសាខាថ្មីចំនួនពីរទៀតនៅក្នុងស្រុកព្រៃឈរខេត្តកំពង់ចាម និងស្រុកមង្គលបូរីខេត្តបន្ទាយមានជ័យ។ សាខាថ្មីនេះនឹងជួយសម្រួលការងារយ៉ាងច្រើនដល់ការិយាល័យ ABA ដែលមានស្រាប់នៅក្នុងខេត្តទាំងពីរនេះក្នុងការបំពេញនូវតម្រូវការកើនឡើងរបស់អតិថិជន។
ចាប់ពីពេលនេះទៅ អតិថិជនក្នុងស្រុកព្រៃឈរនិងមង្គលបូរីទាំងអស់ អាចទទួលបាននូវផលិតផលនិងសេវាធនាគាររបស់ ABA យ៉ាងពេញលេញ ដូចជា សេវាបញ្ញើ ប្រាក់កម្ចីសម្រាប់អាជីវកម្ម សេវាផ្ទេរប្រាក់ ធនាគារអនឡាញ និង ការចូលប្រើប្រាស់គណនីរបស់ពួកគេ 24ម៉ោងលើ24ម៉ោងតាមរយៈម៉ាស៊ីនដាក់ប្រាក់ និងម៉ាស៊ីនដកប្រាក់ដ៏ទំនើប។ សាខាក៏មានកន្លែងសម្រាប់ចតរថយន្ត កន្លែងរងចាំ និងបញ្ជរសម្រាប់បម្រើអតិថិជនតាមស្តង់ដារផងដែរ។ បុគ្គលិកដែលមានការបណ្តុះបណ្តាល និងវិជ្ជាជីវៈខ្ពស់ត្រូវបានដាក់ឲ្យបម្រើអតិថិជនដើម្បីធានាឲ្យបាននូវផាសុកភាព និងភាពងាយស្រួល ក៏ដូចជាតម្រូវការដែលមានលក្ខណៈឯកជនរបស់អតិថិជនផងដែរ។
សូមអញ្ជើញមកកាន់សាខាថ្មីរបស់យើងខ្ញុំ ដែលមានអាសយដ្ឋានដូចខាងក្រោម៖
- សាខាស្រុកព្រៃឈរ៖ ភូមិដូនដី ឃុំជ្រៃវៀន ស្រុកព្រៃឈរ ខេត្តកំពង់ចាម។ លេខទំនាក់ទំនង 098 204 189។
- សាខាស្រុកមង្គលបូរី៖ ភូមិចំការតាដោក ឃុំឫស្សីក្រោក ស្រុកមង្គលបូរី ខេត្តបន្ទាយមានជ័យ។ លេខទំនាក់ទំនង 098 204 029។
គិតមកត្រឹមខែតុលា ឆ្នាំ2018នេះ ធនាគារ ABA មានសាខាទាំងអស់ចំនួន 63 បើកដំណើរការនៅទូទាំងប្រទេស ខណៈពេលដែល 2 សាខាទៀតកំពុងគ្រោងបើកត្រឹមដំណាច់ឆ្នាំនេះ។
