សូមណែនាំ កម្មវិធី ABA Mobile 5.0 – មុខមាត់ថ្មីសម្រាប់សេវាធនាគារ!
01/Aug/2023
ABA ដែលជាធនាគារពាណិជ្ជធំជាងគេបំផុតនៅកម្ពុជា1 និងត្រូវបានទទួលស្គាល់ថាជាធនាគារ ដែលផ្តល់ដំណោះស្រាយសេវាធនាគារឌីជីថលប្រកបដោយនវានុវត្តន៍ បានប្រកាសដាក់ដំណើរការផ្ទៃអន្ដរកម្ម (interface) រូបរាងថ្មី នៃអេប ABA Mobile របស់ខ្លួន ដើម្បីផ្ដល់នូវការប្រើប្រាស់ឲ្យកាន់តែមានលក្ខណៈផ្ទាល់ខ្លួន និងងាយស្រួលជូនអតិថិជន។
ផ្ទៃអន្ដរកម្មថ្មីនេះ ត្រូវបានរចនាឡើង ដើម្បីបំពេញតម្រូវការរបស់អ្នកប្រើប្រាស់ ដែលអាចឲ្យពួកគាត់ទទួលបានផលប្រយោជន៍កាន់តែច្រើន និងរីករាយជាមួយភាពងាយស្រួលក្នុងប្រើប្រាស់ជាងមុន ព្រមទាំងគ្រប់គ្រងលើសកម្មភាពនៃការប្រើប្រាស់សេវាធនាគាររបស់ពួកគេ នៅក្នុងអេបតែមួយ។ អតិថិជនអាចទទួលបាននូវបទពិសោធន៍ ក្នុងការប្រើប្រាស់សេវាធនាគារ ប្រកបដោយភាពងាយស្រួល និងកំណត់បានទៅតាមការពេញចិត្តរបស់ខ្លួន ព្រមទាំងទទួលបាននូវការធានាសុវត្ថិភាពនៃព័ត៌មានហិរញ្ញវត្ថុផងដែរ ដោយមានវិធានសុវត្ថិភាពកាន់តែប្រសើរ។
ក្នុងកម្មវិធី ABA Mobile 5.0 អតិថិជនអាចបន្ថែម និងលុបផ្ទាំងវិចិត្រ, ប្តូរផ្ទៃខាងក្រោយ និងម៉ូដប៊ូតុង ប្តូរទំហំអក្សរកាន់តែភាពងាយស្រួលមើលជាងមុន និងប្តូររវាងផ្ទៃភ្លឺ និងងងឹត។ ការកែលម្អផ្សេងទៀតរួមមានមធ្យោបាយងាយស្រួលជាងក្នុងការផ្ញើ និងទទួលប្រាក់ជាមួយ ABA Mobile ក៏ដូចជាការចូលប្រើការផ្សព្វផ្សាយ និងការផ្តល់ជូនពីធនាគារ និងដៃគូរបស់ខ្លួន។
ផ្ទៃអន្ដរកម្ម ABA Mobile ថ្មី ផ្ដោតសំខាន់លើភាពងាយស្រួលរបស់អតិថិជន ដែលអនុញ្ញាតឲ្យពួកគេគ្រប់គ្រងហិរញ្ញវត្ថុប្រកបដោយប្រសិទ្ធភាព និងទទួលបានព័ត៌មានផ្សេងៗអំពីផលិតផល/សេវាកម្មធនាគារ ក៏ដូចជាធ្វើប្រតិបត្តិការយ៉ាងងាយស្រួល។ ក្នុងអេបតែមួយនេះ មានមុខងារគ្រប់បែបយ៉ាងរួមបញ្ចូលគ្នា ដែលផ្តល់ជូនអ្នកប្រើប្រាស់នូវ ប្រព័ន្ធអេកូឡូស្ស៊ីធនាគារពេញលេញ ដែលធ្វើឲ្យបទពិសោធប្រើប្រាស់សេវារបស់អតិថិជនកាន់តែមានផលិតភាព។
អ្នកនាង ប្លុង ម៉ាលីពណ៌ ប្រធានអង្គភាពអភិវឌ្ឍន៍ផលិតផលឌីជីថល របស់ ABA មានប្រសាសន៍ថា “យើងខ្ញុំ មានសេចក្ដីសោមនស្ស ក្នុងការផ្តល់ជូនអតិថិជនរបស់យើង នូវបទពិសោធសេវាធនាគារដែលមានលក្ខណៈផ្ទាល់ខ្លួន និងងាយស្រួលប្រើ នៅលើកម្មវិធី ABA Mobile។ ផ្ទៃអន្ដរកម្មថ្មីនេះ គឺស្របតាមការប្តេជ្ញាចិត្តរបស់ធនាគារយើងខ្ញុំ ក្នុងការបម្រើអតិថិជនឲ្យបានល្អបំផុត តាមរយៈការប្រើប្រាស់បច្ចេកវិទ្យាថ្មីៗ”។
អ្នកនាងក៏បានបន្ដថា “ក្នុងនាមជាធនាគារមួយ ដែលត្រួសត្រាយផ្លូវក្នុងវិស័យធនាគារឌីជីថល ABA បន្តធ្វើឲ្យបទពិសោធរបស់អតិថិជនក្នុងការប្រើសេវាធនាគារជាមួយ ABA Mobile កាន់តែប្រសើរឡើង ដោយផ្តល់នូវបទពិសោធសេវាកម្មធនាគារគ្រប់ជ្រុងជ្រោយ និងមានលក្ខណៈផ្ទាល់ខ្លួន ដែលផ្តល់នូវផលិតភាព និងភាពងាយស្រួលបំផុត។ យើងខ្ញុំសូមអញ្ជើញអតិថិជនទាំងអស់ បន្តស្វែងយល់បន្ថែមអំពីផ្ទៃអន្ដរកម្មជំនាន់ថ្មីរបស់ ABA Mobile និងចេះពីរបៀបប្រើប្រាស់សេវាធនាគារ ដែលបានលក្ខណៈផ្ទាល់ខ្លួន និងងាយស្រួល”។
បច្ចេកវិទ្យាទំនើបរបស់យើងខ្ញុំ ជំរុញឲ្យអតិថិជនយល់ដឹងពីហិរញ្ញវត្ថុបានកាន់តែច្រើន និងចេះគ្រប់គ្រងហិរញ្ញវត្ថុរបស់ពួកគាត់យ៉ាងងាយស្រួល និងមានប្រសិទ្ធភាពជាងមុន។ ABA សូមលើកទឹកចិត្តដល់អតិថិជនទាំងអស់ ឲ្យសាកល្បងប្រើផ្ទៃអន្ដរកម្មថ្មី នៃកម្មវិធីធនាគារលើទូរស័ព្ទ ព្រមទាំងរីករាយជាមួយផ្លែតហ្វមសេវាធនាគារនវានុវត្តន៍ ដែលអាចប្រើប្រាស់បាន ប្រកបដោយភាពងាយស្រួល និងមានលក្ខណៈផ្ទាល់ខ្លួន។
ទទួលយកអត្ថប្រយោជន៍នៃផ្ទៃអន្ដរកម្មថ្មីរបស់ ABA Mobile រួចបើក គណនីរហ័ស ដោយគ្រាន់តែមានស្មាតហ្វូន និងអត្តសញ្ញាណប័ណ្ណសញ្ជាតិខ្មែរមានសុពលភាព! ដោនឡូតឥឡូវនេះ ដើម្បីស្វែងយល់អំពីអត្ថប្រយោជន៍ជាច្រើននៃសេវាធនាគារឌីជីថលជាមួយ ABA Mobile៕
1 ABA គឺជាធនាគារពាណិជ្ជធំជាងគេ ផ្អែកលើទ្រព្យសកម្មសរុប, កម្ចី, បញ្ញើ និងប្រាក់ចំណេញ យោងតាមរបាយការណ៍ត្រួតពិនិត្យប្រចាំឆ្នាំ 2022 របស់ធនាគារជាតិនៃកម្ពុជា។
