ឌី​ជី​ថ​ល​នវានុវត្តន៍​ជំរុញ​ឲ្យ​មាន​សន្ទុះ​ប្រើប្រាស់​ សេវា​ធនាគារ​ដ៏​សម្បើម​

10/Oct/2024

aba newsweek kh

ប្រែក្លាយពីស្ថាប័ន ដែលត្រួសត្រាយបច្ចេកវិទ្យាឌីជីថល និងនវានុវត្តន៍ថ្មីៗ ទៅជាធនាគារពាណិជ្ជដ៏ធំបំផុតមួយរបស់ប្រទេស – ដោយផ្ដោតចម្បងលើអតិថិជនជាអាទិភាព។

ABA​ ត្រូវ​បាន​បង្កើត​ឡើង​ក្នុង​ឆ្នាំ​ 1996​ ក្នុង​គោលបំណង​ បង្កើត​សេវាកម្ម​របស់​ខ្លួន​ឲ្យ​ស្រប​ទៅ​តាម​តម្រូវការ​របស់​អតិថិជន​។​ ដោយ​ផ្តោត​លើ​ដំណោះស្រាយ​ឌី​ជី​ថ​ល​ និង​ស្វ័​យ​សេវា​ នវានុវត្តន៍​ដូច​ជា​ កម្មវិធី​ធនាគារ​លើ​ទូរស័ព្ទ​ដៃ​របស់​ខ្លួន​ និង​ការ​បើក​គណនី​ដ៏​រលូន​ បាន​កែប្រែ​មុខមាត់​នៃ​សេវា​ធនាគារ​នៅ​កម្ពុជា​។

​ដោយ​ផ្តល់​អាទិភាព​លើ​លទ្ធភាព​ចូល​ប្រើប្រាស់​ដ៏​ងាយស្រួល​ និង​បរិ​យា​បន្ន​ហិរញ្ញវត្ថុ​ ABA​ បាន​ក្លាយជា​ធនាគារពាណិជ្ជ​ដ៏​ធំ​បំផុត​នៅ​កម្ពុជា​ ដោយ​ផ្អែក​លើ​ទ្រព្យសកម្ម​ ប្រាក់​បញ្ញើ​ ប្រាក់​កម្ចី​ និង​ប្រាក់​ចំណេញ​។​ នាយក​ប្រតិបត្តិ​របស់​ធនាគារ​ ABA​ លោក​ Askhat​ Azhikhanov​ បាន​លើក​ឡើង​អំពី​ភាព​ជោគជ័យ​ទាំងនេះ​ ដែល​សម្រេច​បាន​ដោយសារ​យុទ្ធសាស្ត្រ​របស់​ធនាគារ​ ដែល​ជា​យុទ្ធសាស្ដ្រ​ផ្ដោត​លើ​អតិថិជន​ជា​គោល​ចម្បង​។​ លោក​ពន្យល់​ថា​ "​យើងខ្ញុំ​តែងតែ​ផ្តោត​លើ​អតិថិជន​របស់​យើង​ រាល់ពេល​ធ្វើការ​កែប្រែ​ ឬ​សម្រេចចិត្ត​ណាមួយ​។​ ប្រសិនបើ​យើង​បន្ត​ស្តាប់​តម្រូវការ​អតិថិជន​ យើង​នឹង​ទទួល​បាន​ជោគជ័យ​"​។

​តើ​អ្វី​ទៅ​ជា​អាថ៌​កំបាំង​នៃ​ភាព​ជោគជ័យ​របស់​ ABA?

លោក Askhat​ Azhikhanov:​ អាថ៌​កំបាំង​នៃ​ភាព​ជោគជ័យ​របស់​យើង​ គឺ​ការ​ខិតខំ​ប្រឹងប្រែង​ និង​ចំណូលចិត្ត​របស់​ក្រុមការងារ​យើង​។​ ក្រុមការងារ​យើង​បាន​រួម​គ្នា​កសាង​ធនាគារ​នេះ​តាំងពី​កកើត​ដំបូង​ និង​បន្ត​អភិវឌ្ឍ​។​ យើង​បង្កើត​សេវាកម្ម​នានា​ដោយ​ខ្លួនឯង​ផ្ទាល់​ ព្រោះ​វា​អនុញ្ញាត​ឲ្យ​យើង​ឆ្លើយ​តប​បាន​រហ័ស​ បត់បែន​ និង​ផ្តោត​លើ​អតិថិជន​។​ ធនាគារ​យើង​ នឹង​ មិន​ អាច​ ផ្លាស់​ ប្តូ​ រ​ សេវាកម្ម​ របស់​ យើង​ ផ្អែក​ លើ​ តម្រូវ​ ការ​ របស់​ អតិថិជន​បាន​ទេ​ ប្រ​សិន​ បើ​ យើង​ ពឹង​ទាំងស្រុង​ពី​បច្ចេកវិទ្យា​ ខាងក្រៅ​ ។​ យុទ្ធសាស្ដ្រ​នេះ​មាន​សារៈសំខាន់​ណាស់​ ពីព្រោះ​ផ្លែ​ត​ហ្វ​ម​មួយ​ចំនួន​ យើង​ធ្វើការ​ផ្លាស់​ប្ដូរ​ និង​កែប្រែ​ពីរ​ដង​ក្នុង​មួយ​ខែ​។​ ​

តើ​ទិស​ដៅ​យុទ្ធសាស្ដ្រ​របស់​ធនាគារ​បាន​វិវត្តន៍​យ៉ាងណា​ខ្លះ​?

លោក Askhat​ Azhikhanov:​ កន្លង​មក​ យើង​ផ្តោត​ចម្បង​លើ​អតិថិជន​រូបវន្ដបុគ្គល​របស់​យើង​។​ បច្ចុប្បន្ន​ ABA​ បាន​ចាត់​ទុក​ខ្លួន​ជា​ធនាគារ​កម្រិត​សកល​ ដោយ​បម្រើសេវា​ជូន​អតិថិជន​គ្រប់​ប្រភេទ​ ចាប់តាំងពី​អ្នក​លក់ដូរ​តាម​ផ្លូវ​ រហូត​ដល់​ក្រុមហ៊ុន​ពហុ​ជាតិ​ ដូច​ជា​ Coca-Cola,​ Unilever,​ DHL​ និង​ Chevron​ ។​ យើង​ផ្តល់​ជូន​ផ្លែ​ត​ហ្វ​ម​ឌី​ជី​ថ​ល​ ដំណោះស្រាយ​ និង​ផលិតផល​ជាក់លាក់​ផ្សេង​ទៀត​ សម្រាប់​តែ​សាជីវកម្ម​ពហុ​ជាតិ​ប្រើប្រាស់​ប៉ុណ្ណោះ​ ខណៈ​ដែល​ផ្តល់​ជូន​ផលិតផល​ទូទៅ​ដូច​ជា​ កូដ​ KHQR​ ដែល​ជា​ មធ្យោបាយ​ទូទាត់​ក្នុងស្រុក​ សម្រាប់​អាជីវកម្ម​តូចៗ​។​ យើង​អាច​វិវត្តន៍​ខ្លួន​យ៉ាង​ងាយស្រួល​ ស្រប​តាម​តម្រូវការ​របស់​សហគមន៍​សកល​ ដោយសារ​យើង​ជា​ធនាគារ​វ័យក្មេង​ ហើយ​វា​ងាយស្រួល​សម្រាប់​យើង​ក្នុង​ការ​សម្រប​ទៅ​នឹង​បច្ចេកវិទ្យា​ និង​នវានុវត្តន៍​។​ ​

តើ​អ្នក​បាន​ជួយ​ឲ្យ​ក្រុមហ៊ុន​ពហុ​ជាតិ​កាន់តែ​ច្រើន​ចូល​មក​ប្រទេស​កម្ពុជា​យ៉ាងណា​ខ្លះ​?

លោក Askhat​ Azhikhanov:​ យើង​ជួយ​សម្រួល​ដល់​តម្រូវការ​ប្រតិបត្តិការ​ ការ​ទូទាត់​ វិ​បា​រូប​ហ៍​ និង​ហិរញ្ញប្បទាន​ ហើយ​ផ្តល់​ជូន​ ផលិតផល​ហិរញ្ញវត្ថុ​ពេញលេញ​ដែល​អាជីវកម្ម​ត្រូវការ​សម្រាប់​ភាព​ជោគជ័យ​។​ សារ​របស់​យើង​ទៅ​កាន់​សាជីវកម្ម​អា​មេ​រិ​ក​ និង​វិនិយោគិន​អន្តរជាតិ​នោះ​គឺ​ ពួក​គេ​ត្រូវ​បាន​ស្វាគមន៍​ជា​និច្ច​ ក្នុង​ការ​វិនិយោគ​នៅ​ក្នុង​សេដ្ឋកិច្ច​កម្ពុជា​ ព្រោះ​យើង​អាច​ពិភាក្សា​ និង​ផ្ដល់​ដំណោះស្រាយ​នវានុវត្តន៍​សម្រាប់​ភាព​ជោគជ័យ​រួម​គ្នា​។​ គិតតែ​ក្នុង​ឆ្នាំ​ 2023​ អាជីវកម្ម​ក្នុងស្រុក​ និង​អន្តរជាតិ​បាន​ដំណើរការ​ប្រតិបត្តិការ​តាម​ផ្លែ​ត​ហ្វ​ម​ ABA​ Business​ ចំនួន​ 6.5​ លាន​ប្រតិបត្តិការ​ ស្មើនឹង​ទំហំ​ទឹកប្រាក់​ជាង​ 10​ ពាន់​លាន​ដុល្លារ​អា​មេ​រិ​ក​។​ ក្រុមហ៊ុន​ដែល​ចូល​មក​កម្ពុជា​ នឹង​មិន​ចាំបាច់​បារម្ភ​ពី​បញ្ហា​ប្រព័ន្ធ​ធនាគារ​នោះ​ទេ​ ដោយសារ​យើង​មាន​អ្នក​ជំនាញការ​ប្រកបដោយ​វិជ្ជាជីវៈ​,​ ចំណេះដឹង​អំពី​ទីផ្សារ​ក្នុងស្រុក​ និង​ជា​អ្នក​ជំរុញ​នវានុវត្តន៍​ដ៏​សកម្ម​មួយ​។​ ​

តើ​កិច្ចសហការ​របស់​ធនាគារ​ ជាមួយ​ធនាគារជាតិ​កា​ណា​ដា​ (BNC)​ វិវត្តន៍​ទៅ​យ៉ាងណា​ខ្លះ​?​

លោក Askhat​ Azhikhanov:​ BNC​ បាន​ជ្រើសរើស​យើង​ធ្វើ​ជា​ដៃគូ​ ដោយសារ​យើង​មាន​ទស្សនៈវិស័យ​ និង​បេសកកម្ម​ដូច​គ្នា​។​ យើង​មានការ​សហការ​យ៉ាង​ល្អ​ពេញ​មួយ​ទស​វត្ស​កន្លង​មកនេះ​ ដោយសារ​ចំណាប់អារម្មណ៍​របស់​យើង​ចំពោះ​នវានុវត្តន៍​ និង​ការ​បន្ដ​ផ្តោត​ការ​យកចិត្តទុកដាក់​លើ​សហគ្រាស​មីក្រូ​ ខ្នាត​តូច​ និង​មធ្យម​។​ ការណ៍​ដែល​មាន​ BNC​ ជា​ម្ចាស់​ភាគហ៊ុន​របស់​យើង​ ក៏​បាន​ជួយ​ពង្រឹង​ទំនុកចិត្ត​ និង​ជំនឿ​ជាក់​លើ​ទីផ្សារ​របស់​យើង​ផង​ដែរ​។

​តើ​អ្នកមាន​ផែនការ​ពង្រីក​អ្វីខ្លះ​សម្រាប់​ ABA?

​យើង​នឹង​បន្ត​អនុវត្ត​យុទ្ធសាស្ត្រ​ផ្តោត​លើ​អតិថិជន​ជា​គោល​ ហើយ​ប្ដេជ្ញា​ផ្តល់​សេវាកម្ម​ និង​ផលិតផល​ដែល​ពួក​គាត់​ត្រូវការ​។​ ចំណែក​ទីផ្សារ​ គឺជា​រឿង​ចុង​ក្រោយ​ដែល​យើង​គិតគូរ​ នៅ​ពេល​យើង​ផ្ដល់​ ឬ​បង្កើត​សេវាកម្ម​ ឬ​ផលិតផល​អ្វីមួយ​។​ វា​គ្រាន់តែ​ជា​លទ្ធផល​នៃ​កិច្ចការ​របស់​យើង​។​ ទោះបីជា​យើង​បម្រើសេវា​ជូន​ដល់​សាជីវកម្ម​ធំ​ ៗ​ តាម​រយៈ​សេវាកម្ម​ប្រតិបត្តិការ​ក៏​ដោយ​ ក៏​យើង​នៅ​តែ​ផ្តោត​លើ​សហគ្រាស​ធុន​តូច​ និង​មធ្យម​ដែរ​។​ ប្រមាណ​ 90%​ នៃ​ផលប​ត្រ​របស់​យើង​នៅ​តែ​ជា​ សហគ្រាស​ធុន​តូច​ និង​មធ្យម​។​ ខណៈ​ដែល​សេដ្ឋកិច្ច​កម្ពុជា​បន្ដ​រីក​ចម្រើន​ យើង​ក៏​រីក​ចម្រើន​ទៅ​តាម​នោះ​ដែរ​។​

ការច្នៃប្រឌិតនាពេលអនាគត?

លោក Askhat​​ Azhikhanov: ធនាគារ ABA កំពុងធ្វើការលើការរៀនម៉ាស៊ីន និងបញ្ញាសិប្បនិម្មិត រួមជាមួយនឹងវិធានការសុវត្ថិភាពតាមអ៊ីនធឺណិត។ ដោយសារយើងធ្វើប្រតិបត្តិការធនាគារឌីជីថលជាច្រើន យើងរក្សាផ្នត់គំនិតក្នុងការនាំយកដំណោះស្រាយប្រកបដោយភាពច្នៃប្រឌិតសម្រាប់អតិថិជនរបស់យើង និងផ្តល់នូវការចង់បានរបស់ពួកគេ។

ដោយ Diane Nowell

អានបន្ថែម៖ https://bit.ly/480PdNz