កម្រិតទឹកប្រាក់សម្រាប់ការបង់សងកម្ចី ABA តាមភ្នាក់ងារវីងច្រើនជាងមុន
21/May/2021
ធនាគារ ABA និងក្រុមហ៊ុនវីង ប្រកាសពីការដំឡើងកម្រិតទឹកប្រាក់ផ្ទេរសម្រាប់បង់សងកម្ចីសម្រាប់អតិថិជន ABA តាមភ្នាក់ងារវីង។ ចាប់ពីថ្ងៃទី 21 ឧសភា 2021 កម្រិតទឹកប្រាក់ការបង់សងកម្ចីបង្កើនពី 1,000 ដុល្លារអាមេរិក/ 4,000,000 រៀល ដល់ 2,500 ដុល្លារអាមេរិក/ 10,000,000 រៀល ដោយនាំមកភាពងាយស្រួល និងអាចឲ្យអតិថិជនយើងប្រើប្រាស់បាន។
ជាមួយថ្លៃសេវាចាប់ពី 0.65 ដុល្លារអាមេរិក/ 2,600 រៀល អតិថិជនកម្ចី ABA អាចដាក់ប្រាក់បានយ៉ាងងាយស្រួលចូលទៅក្នុងគណនី ABA នៅតាមភ្នាក់ងារវីង ជាង 7,500 កន្លែង ទូទាំងប្រទេស។
ដើម្បីដាក់ប្រាក់ចូលទៅក្នុងគណនី ABA នៅតាមភ្នាក់ងារ វីង៖
- 1អញ្ជើញទៅភ្នាក់ងារ វីង ដែលនៅជិតអ្នកបំផុត
- ផ្តល់ឲ្យភ្នាក់ងារ វីង នូវលេខគណនី ABA 9 ខ្ទង់របស់អ្នក លេខទូរស័ព្ទផ្ទាល់ខ្លួនរបស់អ្នក និងចំនួនទឹកប្រាក់ជាប្រាក់ដុល្លារអាមេរិក ឬប្រាក់រៀល រួមទាំងថ្លៃសេវាប្រតិបត្តិការផងដែរ
- ទទួលយកវិក្កយបត្រពីភ្នាក់ងារ វីង ជាមួយនឹងសារបញ្ជាក់ពីប្រតិបត្តិការជោគជ័យ
ដឹងបន្ថែមអំពីសេវាដាក់ប្រាក់របស់ធនាគារ ABA ជាមួយភ្នាក់ងារ វីង និងថ្លៃសេវា ត្រង់នេះ។
