សូមជូនពរ សិរីសួស្ដី បុណ្យចូលឆ្នាំថ្មីប្រពៃណីខ្មែរ ពី ABA!
12/Apr/2022
អតិថិជន ABA ជាទីគោរព!
ពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំនេះអាចប្រារព្វធ្វើឡើងពេញលេញវិញហើយ។ យើងខ្ញុំ សូមឆ្លៀតឱកាសនេះ បង្ហាញនូវសេចក្ដីសោមនស្សយ៉ាងជ្រាលជ្រៅចំពោះទំនុកទុកចិត្ត និងការជឿជាក់របស់លោកអ្នក ក្នុងការប្រើប្រាស់សេវាកម្មធនាគារ ABA។ យើងខ្ញុំសូមថ្លែងអំណរគុណ ចំពោះការបន្តគាំទ្រជាបន្តបន្ទាប់ ហើយយើងខ្ញុំ សូមជូនពរលោកអ្នក ឲ្យជួបតែវិបុលសុខគ្រប់ប្រការ និងសុខភាព ល្អបរិបូរណ៍!
សូមជម្រាបថា សាខា ABA ទាំងអស់នឹងឈប់សម្រាកពីថ្ងៃទី 14 ដល់ 17 ខែមេសា ហើយនឹងបើកបម្រើសេវាវិញនៅថ្ងៃចន្ទ ទី18 ខែមេសា (លើកលែងតែសាខា ABA 12/7 ដែលនឹងបើកប្រតិបត្តិការវិញនៅថ្ងៃទី 17 ខែមេសា)។ អំឡុងពិធីបុណ្យបីថ្ងៃនេះ សាខា AEON Mall 2 របស់យើងខ្ញុំ នៅបើកសម្រាប់សេវាមួយចំនួនប៉ុណ្ណោះ ដូចជា ការបើកគណនីសន្សំ និងដោះស្រាយចម្ងល់ផ្សេងៗរបស់អតិថិជន។
ដើម្បីចូលប្រើប្រាស់គណនីរបស់អ្នកដោយរលូន សូមប្រើកម្មវិធី ABA Mobile និងបណ្តាញទីតាំងស្វ័យសេវា ដែលមាននៅក្រៅសាខានីមួយៗ និងទីតាំង ABA 24/7 ដែលបើកបម្រើជូន 24 ម៉ោង លើ 24 ម៉ោង។
សូមគោរពជូនពរលោកអ្នក ឲ្យប្រកបតែសេចក្ដីរីករាយ និងវិបុលសុខ នាឱកាសបុណ្យចូលឆ្នាំថ្មីប្រពៃណីខ្មែរ!
ដោយក្តីគោរពពី
ធនាគារ ABA
