ABA ឈ្នះពានរង្វាន់ធនាគារដ៏ឆ្នើម បំផុតក្នុងប្រទេសកម្ពុជាប្រចាំឆ្នាំ 2017 ពីទស្សនាវដ្តី Global Finance

02/May/2017

ធនាគារ ABA ត្រូវបានប្រសិទ្ធនាមជា“ធនាគារដ៏ឆ្នើមបំផុតក្នុងប្រទេសកម្ពុជាប្រចាំឆ្នាំ2017”ពីទស្សនាវដ្តីហិរញ្ញវត្ថុ Global Finance ក្នុងពិធីប្រគល់ពានរង្វាន់ប្រចាំឆ្នាំលើកទី23 ដែលផ្តល់ចំណាត់ថ្នាក់ដល់ធនាគារលើពិភពលោកក្នុងការស្វែងរកធនាគារដែលល្អបំផុតក្នុងប្រទេសនីមួយៗ។ នេះជាជ័យលាភីលើកទី3 ដែលធនាគារ ABA បានឈ្នះក្នុងរយៈពេល3 ឆ្នាំជាប់ៗគ្នាពីស្ថាប័នហិរញ្ញវត្ថុដ៏ល្បីល្បាញនេះ។

ក្នុងការជ្រើសរើសធនាគារដែលល្អជាងគេបំផុតក្នុងប្រទេសកម្ពុជាទស្សនាវដ្តីហិរញ្ញវត្ថុ Global Finance ផ្តោតលើកត្តាសំខាន់ៗជាច្រើនដូចជា ការរីកចម្រើននៃទ្រព្យសកម្ម ប្រាក់ចំណេញ យុទ្ធសាស្ត្រទំនាក់ទំនង សេវាកម្មបម្រើអតិថិជន ដំណើរការអភិវឌ្ឍអាជីវកម្មថ្មី និងការច្នៃប្រឌិតផលិតផលធនាគារជាច្រើន។ បន្ថែមពីលើនេះទៀត លក្ខខណ្ឌវិនិច្ឆ័យ មតិយោបល់វិភាគលើមូលធនចំណាត់ថ្នាក់ឥណទាន ការផ្តល់ប្រឹក្សាសេវាធនាគារ និងចំណុចពាក់ព័ន្ធផ្សេងៗទៀតក្នុងឧស្សាហកម្មនេះ ក៏មានរួមបញ្ចូលផងដែរ។

ស្ថិតក្នុងឳកាសដ៏ជោគជ័យនេះ លោក Askhat Azhikhanov នាយកប្រតិបត្តិរបស់ធនាគារ ABA បានមានប្រសាសន៍ថា៖ “ការទទួលបានជ័យលាភីនេះសបញ្ជាក់ពីការប្តេជ្ញាចិត្តរបស់បុគ្គលិក និងគណៈគ្រប់គ្រងទាំងអស់ដែលបានបានធ្វើការយ៉ាងពេញទំហឹងផ្តល់នូវដំណោះស្រាយហិរញ្ញវត្ថុដ៏ច្នៃប្រឌិតបំផុតជូនអតិថិជន។ បើយោងតាមទស្សនាវដ្តីហិរញ្ញវត្ថុ Global Finance ការផ្តល់ពានរង្វាន់ដល់ធនាគារដែលឈ្នះក្នុងឆ្នាំនេះគឺផ្តល់ជូនដល់ធនាគារដែលបានផ្តល់សេវាកម្មជូនអតិថិជនយ៉ាងពេញលេញ និងទទួលបានសមិទ្ធផលជោគជ័យប្រកបដោយគ្រឹះយ៉ាងរឹងមាំឆ្ពោះ ទៅរកការអភិវឌ្ឍជានិរន្តរភាព។ គោលការណ៍ ជាអ្វីដែលយើងផ្តោតលើ ហើយខ្ញុំពិតជារីករាយយ៉ាងខ្លាំងដែលគណៈវិនិច្ឆ័យផ្តល់ការវាយតម្លៃខ្ពស់លើ យុទ្ធសាស្ត្រនេះ។”

លោក Joseph D. Giarraputo ដែលជានិពន្ធនាយក និងនាយកផ្នែកបោះពុម្ពផ្សាយនៃទស្សនាវដ្តី ហិរញ្ញវត្ថុ Global Finance បានមានប្រសាសន៍ថា៖ “នៅក្នុងប្រទេសកម្ពុជា ធនាគារ ABA បន្តការអភិវឌ្ឍរីកចម្រើនលើភាពរឹងមាំជាធនាគារដែលជាជម្រើសដ៏ល្អបំផុតប្រចាំប្រទេស។ ការយកចិត្តទុកដាក់ជាចំបងលើអតិថិជន ទាំងបុគ្គល និងអាជីវកម្ម ដោយផ្តោតលើការ ផ្តល់ដំណោះស្រាយហិរញ្ញវត្ថុបែបឌីជីថល និងដំណោះស្រាយបែបអនឡាញ តាមកម្មវិធីទូរស័ព្ទដៃ អាចសម្រេចបានជោគជ័យដោយការគាំទ្រយ៉ាងខ្លាំងក្លាពីអាជីវកម្មខ្នាតតូច និងមធ្យមក្នុងស្រុក។”

របាយការណ៍ទាំងស្រុងស្តីពីការជ្រើសរើសធនាគារដែលល្អបំផុតរបស់ Global Finance នឹងមានផ្សាយនៅលើទស្សនាវដ្តីលេខខែឧសភា និងតាមអនឡាញ GFMag.com ។ ពិធីទទួលពានរង្វាន់នឹងប្រារព្ធឡើងនៅថ្ងៃទី 14 ខែតុលា ឆ្នាំ 2017 ក្នុងអំឡុងកិច្ចប្រជុំប្រចាំឆ្នាំរបស់ IMF/World Bank និង ធនាគារពិភពលោក ក្រុងវ៉ាស៊ីនតោន ស្ថិតក្នុង National Press Club។

កាលពីដើមឆ្នាំនេះធនាគារ ABA ត្រូវបានប្រសិទ្ធនាមជា ធនាគារហិរញ្ញវត្ថុពាណិជ្ជកម្មដ៏ឆ្នើមបំផុត ប្រចាំឆ្នាំ 2017 ពីទស្សនាវដ្តីហិរញ្ញវត្ថុ Global Finance។ បន្ថែមពីលើនេះទៀតធនាគារ ABA ក៏ទទួលបានជ័យលាភីពីទស្សនាវដ្តីហិរញ្ញវត្ថុ Euromoney នូវពានរង្វាន់ “ធនាគារដ៏ឆ្នើមបំផុតក្នុងប្រទេសកម្ពុជា” រយៈពេល បីឆ្នាំជាប់គ្នាៗ និងទទួលបានពានរង្វាន់”ធនាគារដ៏ឆ្នើមបំផុតក្នុងប្រទេសកម្ពុជា” ពីស្ថាប័នហិរញ្ញវត្ថុ The Banker ក្នុងឆ្នាំ2014 និង 2016ផងដែរ។

_{អំពីទស្សនាវដ្តី Global Finance
Global Finance គឺជាទស្សនាវដ្តីចេញផ្សាយប្រចាំខែ ដែលបង្កើតឡើងតាំងពីឆ្នាំ 1987 ទស្សនាវដ្តីនេះមានបេសកកម្មជួយដល់អ្នកដឹកនាំ សាជីវកម្ម ធនាគារ និងវិនិយោគិនក្នុងការធ្វើផែនការតម្រង់ទិសតាមហិរញ្ញវត្ថុនិងពាណិជ្ជកម្មសកល។ ទស្សនាវដ្តី Global Finance មានអ្នកអានក្នុងប្រទេសចំនួន 163 និងមានស្នាក់ការកណ្តាលក្នុងទីក្រុងញូយ៉ក និងការិយាល័យនៅទីក្រុងឡុង និងមីឡាន។
ជារៀងរាល់ឆ្នាំ Global Finance បានធ្វើការជ្រើសរើសស្ថាប័នហិរញ្ញវត្ថុដែលល្អបំផុតនៅទូទាំងពិភពលោក។ ពានរង្វាន់ទាំងនេះត្រូវបានទទួលស្គាល់និងមានជឿទុកចិត្តតាមឧត្តមភាពស្តង់ដាររបស់សហគមន៍ហិរញ្ញវត្ថុសកល។}