កម្មវិធីសប្បុរសធម៌ 2025 ផ្តល់ការគាំទ្រផ្នែកអប់រំដល់កុមារចំនួន 200 នាក់
06/Jan/2026
ជាផ្នែកមួយនៃការប្តេជ្ញាចិត្តជាបន្ដបន្ទាប់របស់ធនាគារចំពោះកិច្ចការទទួលខុសត្រូវសង្គម ធនាគារ ABA បានគាំទ្រ អង្គការអច្ឆរិយពិភពលោកកម្ពុជា ដែលជាអង្គការមិនមែនរដ្ឋាភិបាលរបស់ប្រទេសសិង្ហបុរី ដោយឧបត្ថម្ភដល់សិស្សានុសិស្សចំនួន 200 នាក់ មកពីគ្រួសារដែលមានជីវភាពខ្វះខាត ក្នុងខេត្តចំនួនពីរ។
កម្មវិធីសប្បុរសធម៌នេះ បានធ្វើឡើងនៅក្នុងខេត្តព្រៃវែង និងកំពង់ចាម ដោយសិស្សម្នាក់ៗ ទទួលបានកង់ សម្ភារសិក្សា និងសម្ភារថែរក្សាអនាម័យមួយចំនួន។ ជំនួយជាសម្ភារៈទាំងនេះ ជួយធានាថា កុមារតូចៗអាចមានមធ្យោបាយធ្វើដំណើរទៅសាលារៀនដោយសុវត្ថិភាព និងបន្តការសិក្សារៀនសូត្រជាមួយធនធាន និងសម្ភារៈគ្រប់គ្រាន់។
កិច្ចសហការនេះ ឆ្លុះបញ្ចាំងពីការបន្ដផ្តោតការយកចិត្តទុកដាក់របស់ ABA ចំពោះកិច្ចអភិវឌ្ឍន៍សហគម ការអប់រំ និងការពង្រឹងសមត្ថភាពរបស់ យុវជន។ តាមរយៈកិច្ចសហការជាដៃគូជាមួយ អង្គការអច្ឆរិយពិភពលោកកម្ពុជា ធនាគារបញ្ជាក់ជាថ្មីនូវការប្តេជ្ញារបស់ខ្លួនក្នុងការបង្កើត គម្រោង/គំនិតផ្ដួចផ្ដើមប្រកបដោយចីរភាព ដែលផ្តល់នូវអត្ថន័យ និងអត្ថប្រយោជន៍ជាសារវន្ដដល់កុមារ ក្រុមគ្រួសារ និងសហគមនានា នៅទូទាំងប្រទេសកម្ពុជា។
