​សាខា​ ចោម​ចៅ​ 2​ ឥឡូវ​បើក​បម្រើសេវា​ 12/7

30/Aug/2021

chaom chao 2 become 12/7 kh

​ដើម្បី​ឆ្លើយ​តប​តាម​កំណើន​នៃ​តម្រូវការ​សេវា​ធនាគារ​ប្រកបដោយ​ភាព​ងាយស្រួល​ និង​គុណភាព​ខ្ពស់​នៅ​តំបន់​ចោម​ចៅ​នៃ​រាជធានី​ភ្នំពេញ​ ថ្ងៃនេះ​ ធនាគារ​ ABA​ សូម​ប្រកាស​ជា​ផ្លូវការ​អំពី​ការ​ដំឡើង​សាខា​ចោម​ចៅ​ 2​ ទៅ​ជា​សាខា​ប្រតិបត្តិ​ 12/7​។​ ​

ដោយ​ស្ថិត​នៅ​តាម​បណ្ដោយ​មហាវិថី​ វេ​ង​ស្រេង​ ចន្លោះ​តំបន់​មមាញឹក​នៃ​សង្កាត់​ចោម​ចៅ​ និង​ស្ទឹង​មាន​ជ័យ​ សាខា​នេះ​ មានផ្នែក​ធនាគារ​ស្វ័​យ​សេវា​ ដែល​​បំពាក់​ម៉ាស៊ីន​ ATM,​ ម៉ាស៊ីន​ដាក់​ប្រាក់​,​ ម៉ាស៊ីន​ដក​-​ដាក់​ប្រាក់​,​ និង​ម៉ាស៊ីន​ដាក់​មូល​ប្ប​ទា​នប​ត្រ​ ដើម្បី​ផ្ដល់​ភាព​ងាយស្រួល​ដល់​អតិថិជន​ក្នុង​អញ្ជើញ​ចូល​ប្រើប្រាស់​បាន​គ្រប់ពេលវេលា​។

​បន្ថែម​លើ​នេះ​ទៀត​ សាខា​មាន​ចំណត​ធំ​ទូលាយ​,​ កន្លែង​រង់ចាំ​,​ និង​បុគ្គលិក​ប្រចាំការ​មាន​វិជ្ជាជីវៈ​ ដើម្បី​ឆ្លើយ​តប​ និង​សម្រួល​រាល់​សំណើ​ ឬ​ច​ម្ង​ល់​ផ្សេងៗ​របស់​អតិថិជន​ រួម​មាន​បញ្ជរ​បង់ពន្ធ​ដាច់​ដោយឡែក​ ដើម្បី​ផ្ដល់​សេវា​គ្រប់គ្រាន់​ និង​កាន់តែ​លឿន​រហ័ស​។

​​លោក​ ​លី ម៉ាលីស ប្រធាន​សាខា​ចោម​ចៅ​ 2​ មាន​ប្រសាសន៍​ថា​ “​នៅ​សាខា​នេះ​ យើង​ទទួល​បាន​កំណើន​ប្រតិបត្តិការ​ និង​អតិថិជន​កាន់តែ​ច្រើន​ឡើងៗ​ ដោយសារ​កំណើន​សកម្មភាព​អាជីវកម្ម​នៅ​ក្នុង​តំបន់​ដ៏​មមាញឹក​នេះ​។​ ដោយ​ធ្វើការ​ពង្រីក​បន្ថែម​ម៉ោង​បម្រើសេវា​ប្រចាំ​ថ្ងៃ​ ដល់ ​12 ​ម៉ោង​ រួម​ទាំង​សៅរ៍​អាទិត្យ​ សាខា​នេះ​នឹង​លើកទឹកចិត្ត​ឲ្យ​អតិថិជន​អញ្ជើញ​មក​ទទួល​ឬ​ប្រើប្រាស់​សេវា​អំឡុង​ក្រោយ​ម៉ោង​ការងារ​ និង​អនុវត្ត​តាម​វិធានការ​រក្សា​គម្លាត​សុវត្ថិភាព​ ក៏​ដូច​ជា​តម្រូវ​តាម​អតិថិជន​ដែល​រវល់​ក្នុង​កិច្ច​ការងារ​អំឡុង​ម៉ោង​ធ្វើការ​ទូទៅ​។​”

​​សាខា​ចោម​ចៅ​ 2​ ដែល​មាន​អាសយដ្ឋាន​ អគារ​លេខ​ 01-03​ មហាវិថី​វេ​ង​ស្រេង​ ភូមិ​ត្រពាំង​ថ្លឹង​ 4​ សង្កាត់​ចោម​ចៅ​ 1​ ខណ្ឌ​ពោធិ៍​សែន​ជ័យ​ រាជធានី​ភ្នំពេញ​ ឥឡូវនេះ​ បើ​ម​ប្រើ​សេវា​ជា​រៀងរាល់ថ្ងៃ​ ចាប់ពី​ម៉ោង​ 8​ ព្រឹក​ ដល់​ 8​យប់​។​ ទីតាំង​អាច​រក​មើល​តាម​ផែនទី​ត្រង់នេះ​។

​​គិត​ត្រឹម​ថ្ងៃ​ទី​ 31​ ខែសីហា​ ឆ្នាំ ​2021​ ធនាគារ​ មាន​សាខា​ 79​ និង​ ទីតាំង​ស្វ័​យ​សេវា​ ABA​ 24/7​ ចំនួន​ 10​ កំពុង​បម្រើ​អតិថិជន​ទូ​ទាំង​ប្រទេស​។​