សូមប្រយ័ត្នចំពោះអំពើឆបោកតាមអនឡាញ!
05/Jul/2018
ធនាគារ ABA សូមជំរាបជូនដល់អតិថិជនស្តីអំពីការប្រុងប្រយត្ន័ចំពោះអ៊ីម៉ែលណាមួយ ដែលអះអាងថាផ្ញើចេញពីធនាគារ ABA។
សូមលោកអ្នកមេត្តាជ្រាបថា ធនាគារ ABA មិនធ្លាប់មានការផ្ញើចេញជាអ៊ីម៉ែលសារជាអក្សរ SMS ឬក៏គេហទំព័រ Link ដែលសុំឲ្យលោកអ្នកវាយបញ្ចូលលេខកាត ឬ Internet banking ឬ ព័ត៌មានលំអិតណាមួយឡើយ។
សកម្មភាពបែបនេះត្រូវបានជនខិលខូចមួយចំនួន ប្រើប្រាស់ជាញឹកញាប់ចំពោះជនរងគ្រោះដោយការផ្ញើអ៊ីម៉ែល, គេហទំព័រក្លែងក្លាយផ្ញើសារ ឬហៅទូរស័ព្ទហើយសុំឲ្យជនរងគ្រោះផ្តល់ដល់ពួកគេនូវព័ត៌មានដូចជាលេខសម្ងាត់, ពាក្យសម្ងាត់កាត ឬគណនីធនាគារ និងពត៌មានលម្អិត ដែលអាចប្រើដើម្បីប្រព្រឹត្តការលួចបន្លំ។
សូមកត់ចំណាំវិធានការខាងក្រោមដើម្បីជៀសវាងការលួចបន្លំ៖
- សូមប្រុងប្រយ័ត្នឲ្យបានខ្ពស់ចំពោះអ៊ីមែល និងទិន្នន័យផ្ទាល់ខ្លួន។ សូមកុំឆ្លើយតបទៅនឹងអ៊ីមែល ឬសារណាមួយ ដែលស្នើសុំព័ត៌មានហិរញ្ញវត្ថុ ឬព័ត៌មានផ្ទាល់ខ្លួនជាថ្នូរនឹងការវេរប្រាក់ជូននោះជាដាច់ខាត។
- សូមប្រុងប្រយ័ត្នឲ្យបានខ្ពស់ចំពោះអ៊ីមែល ដែលជនខិលខូចយកទៅប្រើប្រាស់ ដោយតាំងខ្លួនជាតំណាងរបស់ធនាគារ។ សូមជ្រាបថា ធនាគារ ABA មិនដែលប្រើប្រាស់អ៊ីមែល advancebankasia.xyz, ababankofasia.xyz, advancebankofasia.xyz, ababnkofasia.xyz, accountant.com ឬក៏អ៊ីមែលផ្សេងៗទៀតឡើយ។ ធនាគារ ABA ក៏មិនដែលស្នើឲ្យភាគីទី៣ណាផ្សេងទៀត ទាក់ទងអតិថិជនដើម្បីទៅទទួលយករង្វាន់ បណ្តាំមរតក និងអំណោយនានានោះឡើយទេ។
- សូមចូលមកកាន់វិបសាយធនាគារ ABA ដោយវាយអាសយដ្ឋានវិសាយឲ្យបានត្រឹមត្រូវក្នុងប្រអប់អាសយដ្ឋាន ឬអាច Bookmark ទុកក្នុង Browser របស់អ្នក។ វិបសាយរបស់យើង គឺមានអាសយដ្ឋានដែលចាប់ផ្តើមពី "https://" (ដែល "s" ខាងចុងមានន័យថា សុវត្ថិភាព) បន្ទាប់មកគឺ ababank.com។ ដូច្នេះវិបសាយផ្សេងៗ ដែលមានអាសយដ្ឋាន ababkonline.com, ababnkonline.com ជាវិបសាយក្លែងក្លាយ ហើយមិនមានជាប់ពាក់ព័ន្ធអ្វីនឹងធនាគារ ABA ឡើយ។
- ចូលទៅក្នុងគណនីអនឡាញរបស់អ្នកតាមទម្លាប់ធម្មតា និងពិនិត្យមើលរបាយការណ៏គណនីរបស់អ្នក ដើម្បីពិនិត្យថាតើមានប្រតិបត្តិការណាមួយគួរឱ្យសង្ស័យ ឬអត់។
- សូមរក្សាសុវត្ថិភាពកុំព្យូទ័ររបស់អ្នកដោយដោយដំឡើងកម្មវិធីកម្ចាត់មេរោគដែលមានសុពលភាព ដើម្បីការពាររាល់ពេលមានអ៊ីម៉ែលបន្លំណាមួយ ឬក៏មេរោគផ្សេងៗ ដែលអាចកត់ត្រាព័ត៌មានអំពីសកម្មភាពអុីនធើណិតរបស់អ្នក។
ប្រសិនបើអ្នកទទួលបានអ៊ីមែលដូចបានរៀបរាប់ខាងលើ សូមរាយការណ៏ជាបន្ទាន់មកកាន់ info(at)ababank.com។
ប្រសិនបើអ្នកគិតថាអ្នកប្រហែលជាអាចធ្លាក់ក្នុងអន្ទាក់នៃការលួចបន្លំទាំងនេះ សូមមេត្តាទូរស័ព្ទភ្លាមមកលេខ 023 225 333។
ដោយភក្តីភាពពី
ធនាគារABA
