ABA ដាក់ឲ្យប្រើប្រាស់មុខងារ GiftCard លើកម្មវិធី ABA Mobile នាំមកនូវបទពិសោធផ្ញើកាដូឌីជីថលភ្លាមៗ នៅកម្ពុជា
09/Apr/2026
ធនាគារ ABA បានដាក់ដំណើរការមុខងារ GiftCard ដែលជាមុខងារថ្មីនៅលើកម្មវិធី ABA Mobile បង្កើតឡើងដើម្បីធ្វើឲ្យការផ្ញើកាដូមានភាពសាមញ្ញ រហ័សទាន់ចិត្ត និងមានលក្ខណៈឌីជីថលពេញលេញ។
តាមរយៈមុខងារ GiftCard អ្នកប្រើប្រាស់អាចជ្រើសរើសហាងល្បីៗជាច្រើន រួមមាន ភោជនីយដ្ឋាន/អាហារដ្ឋាន ហាងកាហ្វេ សណ្ឋាគារ កន្លែងស្ប៉ា ហាងលក់សម្ភារៈសិក្សា និងហាងជាច្រើនទៀត - រួចផ្ញើជាកាដូដ៏មានអត្ថន័យទៅកាន់មិត្តភក្តិ ក្រុមគ្រួសារ ឬអ្នករួមការងារភ្លាមៗ ត្រឹមតែពីរបីប៉ក់ប៉ុណ្ណោះ។
មុខងារនេះ មាននៅក្នុងកំណែចុងក្រោយរបស់ ABA Mobile និងអាចចូលប្រើបានពីផ្នែក មីនីអេប ឬប៊ូតុង កាដូ។ ផ្ញើ GiftCard គឺលឿនស្រួល - អ្នកផ្ញើ អាចជ្រើសរើសអ្នកទទួលពី “គំរូទូទាត់ប្រចាំ” របស់ខ្លួន ឬផ្ញើ GiftCard តាមអេបឆាតណាមួយ។ GiftCard នីមួយៗនឹងត្រូវផ្ញើជូនដោយសុវត្ថិភាពជាទម្រង់កូដ QR Code ឌីជីថល ដែលអាចទទួល និងប្រើប្រាស់បានគ្រប់ពេលវេលា។
របៀបប្រើប្រាស់មុខងារ GiftCard
សម្រាប់អ្នកផ្ញើ៖
- ចូលទៅកាន់កម្មវិធី ABA Mobile, ចុចប៊ូតុង កាដូ ឬ មីនីអេប បន្ទាប់មកចុចពាក្យ GiftCard
- ជ្រើសរើសហាង និងចំនួនទឹកប្រាក់
- តុបតែងកាដូ ដោយជ្រើសរើស ម៉ូតកាដូ និងសរសេរពាក្យពេចន៍
- ជ្រើសរើសភាគីទទួល ឬផ្ញើជាកូដ QR តាមអេបឆាត
- បញ្ជាក់ការទូទាត់ ដើម្បីផ្ញើភ្លាមៗ។
សម្រាប់អ្នកទទួល៖
- ទទួល GiftCard ផ្ទាល់នៅក្នុងកម្មវិធី ABA Mobile ឬតាមកូដ QR
- ប្រសិនបើអ្នកទទួលបានជាកូដ QR សូមស្គែនកូដនេះ ជាមួយកម្មវិធី ABA Mobile ដើម្បីទទួលយក
- GiftCard ទាំងអស់នឹងត្រូវរក្សាទុកក្នុង ABA MyPass (ស្ថិតនៅផ្នែកខាងស្តាំខាងលើនៃអេក្រង់ដើម)
- ប្រើ GiftCard ដើម្បីទិញអីវ៉ាន់ ឬទូទាត់ថ្លៃសេវាកម្មរបស់អាជីវករដែលមានម៉ាកសញ្ញានៅលើ GiftCard នោះ – មិនថា ទូទាត់នៅហាងផ្ទាល់, អនឡាញ ឬការទូទាត់វិក្កយបត្រ។
ការពង្រីកបទពិសោធឌីជីថលប្រចាំថ្ងៃ
ជាមួយនឹងការដាក់ឲ្យប្រើប្រាស់មុខងារ GiftCard នេះ ធនាគារ ABA បន្តពង្រីកប្រព័ន្ធអេកូស៊ីស្ទែមឌីជីថលរបស់ខ្លួន ដោយផ្តល់ជូនអតិថិជននូវមធ្យោបាយថ្មីៗក្នុងការផ្សារភ្ជាប់ទំនាក់ទំនង ការចែករំលែក និងការធ្វើប្រតិបត្តិការ។ មុខងារនេះឆ្លុះបញ្ចាំងពីការប្តេជ្ញាចិត្តរបស់ ABA ក្នុងការផ្តល់នូវដំណោះស្រាយប្រកបដោយភាពច្នៃប្រឌិត និងងាយស្រួល ដែលជួយលើកកម្ពស់គុណភាពរស់នៅប្រចាំថ្ងៃ ព្រមទាំងគាំទ្រដល់វឌ្ឍនភាពឌីជីថលកម្ពុជាដែលបន្ដរីកចម្រើនទៅមុខជាលំដាប់។
