ABA សហការជាមួយ BizAdvisor ដើម្បីផ្សព្វផ្សាយការទូទាត់បែបឌីជីថលដល់ពាណិជ្ជករ
17/Oct/2022
ធនាគារ ABA ដែលជាធនាគារពាណិជ្ជកម្ពុជាធំបំផុត1 បានសហការជាមួយ BizAdvisor ដែលជាក្រុមហ៊ុនក្នុងស្រុកផ្ដល់សេវាកម្មលើកម្មវិធីគ្រប់គ្រងតាមប្រព័ន្ធកុំព្យូទ័រ ដើម្បីផ្សព្វផ្សាយការទូទាត់បែបឌីជីថលដល់ពាណិជ្ជករ។
កិច្ចប្រជុំរវាងស្ថាប័នទាំងពីរ បានធ្វើឡើងកាលពីថ្ងៃទី 13 ខែតុលា នៅការិយាល័យកណ្ដាលធនាគារ ABA។ លោក Zokhir Rasulov នាយកឌីជីថល ABA និងលោក ម៉ង់ វណ្ណឌី ស្ថាបនិក និងជានាយកប្រតិបត្តិ BizAdvisor បានគូសបញ្ជាក់ពីសារៈសំខាន់នៃកិច្ចសហការបន្ថែមក្នុងការផ្ដល់ជូនដំណោះស្រាយទូទាត់ទំនើបដល់អតិថិជន ក៏ដូចជាបណ្ដាអាជីវកម្មនានា។
អតិថិជន BizAdvisor អាចទទួលប្រាក់ទូទាត់ពីអតិថិជនរបស់ខ្លួនតាមរយៈ PayWay ដែលជាផ្លែតហ្វមទូទាត់អនឡាញងាយស្រួល និងមានសុវត្ថិភាពរបស់ធនាគារ ABA។
ផ្លែតហ្វម PayWay គាំទ្រដល់បណ្ដាក្រុមហ៊ុន និងអាជីវកម្មជាច្រើន ដែលជួយបង្កើនចំណូល និងការលក់ដូរអនឡាញរបស់ពួកគាត់។ ផ្លែតហ្វមនេះ ដំណើរការការទូទាត់បែបឌីជីថលរាប់លានប្រតិបត្តិការ តាមរយៈមុខងារ ABA PAY KHQR របស់ខ្លួន Alipay និង WeChat ព្រមទាំងទទួលទូទាត់តាមកាត Visa, Mastercard, UnionPay និង JCB ផងដែរ។
សូមចូលទៅកាន់វិបសាយ PayWay ឬទំនាក់ទំនងតាមប្រព័ន្ធទូរស័ព្ទឥតគិតថ្លៃ ABA តាមលេខទូរស័ព្ទ 1 800 203 203 (សម្រាប់ការហៅក្នុងប្រទេសកម្ពុជា) សម្រាប់ព័ត៌មានបន្ថែមអំពីផ្លែតហ្វមទូទាត់អនឡាញ PayWay។
1 ABA ជាធនាគារពាណិជ្ជកម្ពុជាដ៏ធំបំផុតគិតលើទ្រព្យសកម្ម, ប្រាក់បញ្ញើ, កម្ចីដុល, ប្រាក់បញ្ញើអតិថិជន និងប្រាក់ចំណេញ ផ្អែកលើរបាយការណ៍ត្រួតពិនិត្យប្រចាំឆ្នាំ 2021 របស់ធនាគារជាតិនៃកម្ពុជា។
