ធនាគារ ABA ប្តូរទីតាំងសាខាស្រុកមេមត់ ទៅកន្លែងធំទូលាយជាងមុន
22/Sep/2026
ធនាគារ ABA បានប្តូរទីតាំង សាខាស្រុកមេមត់ ទៅកាន់ទីតាំងធំជាងមុន ប្រសើរជាងមុន ដើម្បីផ្ដល់នូវបទពិសោធសេវាធនាគារទំនើបងាយស្រួលជូនអតិថិជននៅក្នុងតំបន់នេះ។
ដោយមានចម្ងាយប្រមាណជា 1 គីឡូម៉ែត្រពីទីតាំងចាស់ ទីតាំងថ្មីនេះមានបន្ថែមឧបករណ៍បរិក្ខារទំនើបៗច្រើនជាងមុន ដោយធានានូវបទពិសោធដ៏រលូនស្រួលសម្រាប់អតិថិជនក្នុងការបំពេញ តម្រូវការហិរញ្ញវត្ថុរបស់ខ្លួន។ ជាមួយសេវាកម្ម និងផលិតផលពេញលេញសម្បូរបែបរបស់ ABA អតិថិជនអាចអញ្ជើញមកប្រើប្រាស់សេវានៅក្នុងសាខាដែលមានកន្លែងអង្គុយរង់ចាំប្រកបដោយផាសុកភាព ចំណតឡានធំទូលាយ និងបន្ទប់ VIP ធំជាងមុន សម្រាប់ឯកជនភាពអតិថិជន។
ផ្នែកស្វ័យសេវានៅទីតាំងថ្មីនេះ ក៏បានពង្រីក ដោយមានបំពាក់នូវម៉ាស៊ីនទំនើបៗដូចជា ម៉ាស៊ីន ATM, ម៉ាស៊ីនដាក់ប្រាក់, ម៉ាស៊ីនដាក់មូលប្បទានបត្រ (CDM) និងម៉ាស៊ីនដកដាក់ប្រាក់ (CRM) ដែល អាចឲ្យអតិថិជនធ្វើប្រតិបត្តិការគ្រប់ពេលវេលា។ ទីតាំងថ្មីនេះ ក៏មានម៉ាស៊ីនបើកកាត ដែលអតិថិជនអាចបើកកាត CSS និងកាតអន្តរជាតិ រួមមាន Visa, Mastercard, UPI ភ្លាមៗផងដែរ។
ទីតាំងថ្មី ABA សាខាស្រុកមេមត់ ស្ថិតនៅដីឡូត៍លេខ 51 & 963 ផ្លូវជាតិលេខ7 ភូមិមេមត់ផ្សារ ឃុំមេមត់ ស្រុកមេមត់ ខេត្តត្បូងឃ្មុំ។ លោកអ្នកអាចស្វែងរកទីតាំង នៅទីនេះ។
សាខានេះ បើកបម្រើអតិថិជនរៀងរាល់ថ្ងៃច័ន្ទ ដល់ថ្ងៃសុក្រ ចាប់ពីម៉ោង 8ព្រឹក ដល់ 4រសៀល និងអាចទាក់ទងតាមលេខទូរស័ព្ទ 098 203 639។
សូមអញ្ជើញអតិថិជនមកកាន់ ABA ស្រុកមេមត់ និងសូមប្រើប្រាស់សេវាធនាគារប្រកបដោយភាពងាយស្រួល។
