ABAត្រូវបានទទួលស្គាល់ជាធនាគារហិរញ្ញវត្ថុពាណិជ្ជកម្មឆ្នើមបំផុតប្រចាំឆ្នាំ2017
20/Jan/2017
ធនាគារ ABA ត្រូវបានឧទ្ទេសនាមជា ធនាគារហិរញ្ញវត្ថុពាណិជ្ជកម្មដ៏ឆ្នើមបំផុតប្រចាំឆ្នាំ 2017 ក្នុងប្រទេសកម្ពុជាពីទស្សនាវដ្ដីលំដាប់ថ្នាក់ពិភពលោក ដ៏ល្បីឈ្មោះគឺ Global Finance។
ក្រុមប្រឹក្សាវិនិច្ឆ័យរបស់ ទស្សនាវដ្ដី Global Finance បានជ្រើសរើសអ្នកទទួលជ័យលាភីដោយផ្អែកលើសមិ្ធផលរបស់ធនាគារ និងការវិភាគ អមដោយអ្នកជំនាញនានា។ លក្ខខ័ណ្ឌសម្រាប់ជ្រើសរើសជ័យលាភីរួមមាន បរិមាណនៃប្រតិ្តបត្តិការ វិសាលគមនៃការគ្របដណ្តប់ជាសកល សេវាកម្មអតិថិជន តម្លៃដែលបានការប្រកួតប្រជែងខ្ពស់ និងបច្ចេកវិទ្យាដែលពោរពេញដោយការច្នៃប្រឌិតខ្ពស់។
ជ័យលាភីនេះសឲ្យឃើញពីការតាំងចិត្តដ៏ខ្ពស់របស់បុគ្គលិក ABA ក្នុងការគាំទ្រសហគ្រិនក្នុងប្រទេស និងសក្តានុពលក្នុងការនាំចេញទំនិញទៅក្រៅប្រទេសកម្ពុជា។ អាស្រ័យដោយការប្រាស្រ័យ ទាក់ទងយ៉ាងជិតស្និទជាមួយអតិថិជនរបស់ខ្លួន ធនាគារអាចផ្តល់ការប្រឹក្សាយោបល់ចំគោលដៅ និងដំណោះស្រាយបែបច្នៃប្រឌិតជូនដល់អតិថិជនដែលមានតម្រូវការផ្នែកហិរញ្ញវត្ថុ។
ពាក់ព័ន្ធនឹងការ ផ្ដល់ពានរង្វាន់នេះ អគ្គនាយកផ្នែកទំនាក់ទំនង អន្តរជាតិរបស់ធនាគារលោក Zhiger Atchabarov បានមានប្រសាសន៍ថា "ការទទួលស្គាល់លក្ខណៈអន្តរជាតិឆ្លុះបញ្ជាំងពីជំហរដ៏រឹងមាំរបស់យើងក្នុងទីផ្សារក្នុងស្រុក សម្រាប់ពាណិជ្ជកម្ម និងការនាំចេញទៅក្រៅប្រទេស។ យើងនឹងបន្តខិតខំប្រឹងប្រែងអភិវឌ្ឍន៍ផ្នែកនេះ ហើយបន្តណែនាំជូននូវដំណោះស្រាយថ្មីៗ និងផ្តល់ជូននូវសេវាកម្មប្រកបដោយគុណភាពខ្ពស់ដល់អតិថិជនរបស់យើង។"
ក្នុងឆ្នាំ 2016 ធនាគារ ABA បានបំពេញនូវប្រតិបត្តិការនាំចេញ នាំចូលចំនួន ៣០០ប្រតិបត្តិការ ដែលមានតម្លៃលើសពី 66 លានដុល្លារអាមេរិក ដែលសហការណ៍ជាមួយដៃគូរមកពីបណ្តាប្រទេសនានាក្នុង អាស៊ាន អឺរ៉ុប និងអាមេរិកខាងជើង។ ធនាគារ ABA ផ្តល់នូវប្រសិទ្ធភាពដំណោះស្រាយក្នុងការគាំទ្រដំណើរការពាណិជ្ជកម្មរបស់អតិថិជនដោយផ្តល់ជូននូវបទពិសោធន៍ដ៏ល្អបំផុតក្នុងទីផ្សារ ការសហការណ៍យ៉ាងសកម្មរវាងស្ថាប័នក្នុងស្រុក និងអន្តរជាតិ ព្រមទាំងការគាំទ្រយ៉ាងសកម្មពីភាគទុនិកដ៏ធំបំផុតរបស់យើងគឺ ធនាគារជាតិកាណាដា។ លើសពីនេះ នៅក្នុងរយៈពេល 3 ឆ្នាំចុងក្រោយនេះ ធនាគារ ABA បានពង្រីកក្រុមការងារហិរញ្ញវត្ថុ ពាណិជ្ជកម្មរបស់ខ្លួន ដោយជួលបុគ្គលិកវិជ្ជាជីវៈ ដែលមានបទពិសោធន៍ខ្ពស់។
សម្រាប់ព័ត៍មានបន្ថែមអំពីដំណោះស្រាយហិរញ្ញវត្ថុពាណិជ្ជកម្មរបស់ធនាគារ សូមចុចនូវតំណរភា្ជប់នេះ
អំពីទស្សនាវដ្ដី Global Finance៖
ទស្សនាវដ្ដី Global Finance គឺជា ទស្សនាវដ្ដីប្រចាំខែ ហើយត្រូវបានបង្កើតឡើងក្នុងឆ្នាំ 1987។ បេសកម្មរបស់ទស្សាវដ្ដីគឺជួយដល់អ្នកដឹកនាំសាជីវកម្ម ធនាគារិក និងអ្នកវិនិយោគទុនរៀបគម្រោងអាជីវកម្ម និងហិរញ្ញវត្ថុ។ ទស្សនាវដ្ដី Global Finance មានអ្នកចូលអានចំនួន 163ប្រទេស។ មានទីស្នាក់ការកណ្តាល នៅទីក្រុង ញូយ៉ក ទីក្រុងឡុងដ៏ និងទីក្រុងមីឡាន។ ជារៀងរាប់ឆ្នាំ ទស្សនាវដ្ដី Global Finance ធ្វើការជ្រើសរើសស្ថាប័នហិរញ្ញវត្ថុលើពិភពលោក។ ពានរង្វាន់ទាំងនេះត្រូវបានទទួលស្គាល់ និងទុកចិត្តជាលក្ខណៈស្តង់ដា បញ្ជាក់ពីភាពឆ្នើមក្នុងសហគមន៍ហិរញ្ញវត្ថុទូទាំងពិភពលោក។
