ABA ផ្សព្វផ្សាយអំពីចំណេះដឹងហិរញ្ញវត្ថុ ដោយគាំទ្រដល់ទិវាសន្សំប្រាក់អាស៊ាន 2023
02/Nov/2023
ABA ជាធនាគារពាណិជ្ជធំបំផុតនៅកម្ពុជា1 បានគាំទ្រទិវាសន្សំប្រាក់អាស៊ាន 2023 ក្នុងនាមជាអ្នកឧបត្ថម្ភធំ ដើម្បីលើកកម្ពស់ការយល់ដឹងជាសាធារណៈអំពីសារៈសំខាន់នៃការសន្សំ និងបរិយាប័នហិរញ្ញវត្ថុនៅក្នុងតំបន់អាស៊ាន។ ព្រឹត្តិការណ៍នេះត្រូវបានរៀបចំដោយ ធនាគារជាតិនៃកម្ពុជាកាលពីថ្ងៃទី៣១ ខែតុលា ឆ្នាំ២០២៣ នៅខេត្តកំពង់ធំ។
ប្រធានបទនៃទិវាសន្សំអាស៊ាន 2023 គឺ "ទម្លាប់សន្សំប្រាក់ ដើម្បីអ្នក និងគ្រួសារអ្នក"។ ទិវានេះធ្វើឡើងក្នុងគោលបំណងលើកទឹកចិត្តដល់ប្រជាជនគ្រប់រូបឲ្យចាប់ផ្តើមទម្លាប់នៃការសន្សំ និងយល់ពីអត្ថប្រយោជន៍នៃការសន្សំប្រាក់។ ក្នុងព្រឹត្តិការណ៍នោះ បុគ្គលិក ABA បានផ្តល់ព័ត៌មានទាក់ទងនឹងផលិតផល និងសេវាកម្មរបស់ធនាគារដល់អ្នកចូលរួម និងជួយបង្កើតគណនីរហ័ស និងព្រមទាំងមានការលេងហ្គេមយករង្វាន់ជាច្រើនផងដែរ។
ABA ប្តេជ្ញាគាំទ្រគំនិតផ្តួចផ្តើមដ៏សំខាន់នេះ និងជឿថាទន្លាប់សន្សំ មានសារៈសំខាន់សម្រាប់សន្តិសុខហិរញ្ញវត្ថុ និងសុខុមាលភាព។ ធនាគារផ្តល់ជូននូវផលិតផល និងសេវាកម្មសន្សំជាច្រើនប្រភេទ ដើម្បីបំពេញតម្រូវការរបស់អតិថិជនទាំងអស់។
1 ធនាគារ ABA ជាធនាគារពាណិជ្ជធំបំផុតនៅកម្ពុជា គិតលើទ្រព្យសកម្ម, កម្ចីដុល, ប្រាក់បញ្ញើ និងប្រាក់ចំណេញ ផ្អែកលើរបាយការណ៍ត្រួតពិនិត្យប្រចាំឆ្នាំ 2021 និង 2022 របស់ធនាគារជាតិនៃកម្ពុជា។