ABA ផ្សព្វផ្សាយអំពីអក្ខរកម្មហិរញ្ញវត្ថុក្នុងឱកាសអបអរទិវាសន្សំអាស៊ាន 2022
02/Nov/2022
ធនាគារ ABA ដែលជាធនាគារពាណិជ្ជធំជាងគេនៅកម្ពុជា1 បានក្លាយជា Diamond Sponsor ក្នុងកម្មវិធីអបអរសាទរ ទិវាសន្សំអាស៊ាន ក្រោមប្រធានបទ “សន្សំតិចប្រសើរជាងមិនបានសន្សំ"។ ដោយរៀបចំឡើងដោយធនាគារជាតិនៃកម្ពុជា កាលពីថ្ងៃទី 31 ខែតុលាកន្លងទៅ កម្មវិធីនេះមានគោលដៅផ្សព្វផ្សាយឲ្យកាន់តែទូលំទូលាយដល់សាធារណជន ដើម្បីបង្កើនការយល់ដឹងអំពីសារសំខាន់នៃការសន្សំ ក៏ដូចជាបរិយាបន្នហិរញ្ញវត្ថុនៅក្នុងតំបន់អាស៊ាន។
កម្មវិធីនេះបានប្រារព្ធឡើងក្រោមអធិបតីភាពរបស់ ឯកឧត្តម រ័ត្ន សុវណ្ណនរៈ ឧបការីទេសាភិបាល និងជាអគ្គនាយកត្រួតពិនិត្យ ធនាគារជាតិនៃកម្ពុជា និង ឯកឧត្តម យុន លីនណេ អភិបាលរងនៃគណៈអភិបាលខេត្តសៀមរាប និងមានការចូលរួមពីតំណាងសមាគមធនាគារនៅកម្ពុជា សមាគមមីក្រូហិរញ្ញវត្ថុកម្ពុជា មន្ត្រីរាជការ និងសាធារណជនយ៉ាងច្រើនកុះករ។
ទិវាសន្សំអាស៊ាន មានគោលបំណងលើកទឹកចិត្តប្រជាជនកម្ពុជាឲ្យមានទម្លាប់ល្អក្នុងការចាត់ចែងលុយកាក់ និងយល់ដឹងអំពីសារៈសំខាន់នៃការសន្សំសម្រាប់អនាគត។ នៅក្នុងកម្មវិធីផ្ទាល់ ក្រុមការងារ ABA បានណែនាំដល់អ្នកចូលរួម អំពីគណនី ABA ច្រើនប្រភេទ សម្រាប់ការសន្សំប្រាក់ ការបើក គណនីរហ័ស ការចាប់ឆ្នោតផ្សងសំណាង និងលេងហ្គេមយករង្វាន់ជាច្រើន។
ABA ក៏បានគូសបញ្ជាក់អំពីអត្ថប្រយោជន៍នៃ គណនីបញ្ញើកាលកំណត់ ដែលមានការប្រាក់សមរម្យជូនអ្នកចូលរួមផងដែរ ដែលអតិថិជនអាចសន្សំជាប្រាក់រៀល/ដុល្លារ ហើយបានការប្រាក់ក្នុងកម្រិតអតិបរមា។
សម្រាប់ព័ត៌មានបន្ថែមអំពីរបៀបដែល ABA អាចជួយអ្នកឲ្យបានចំណេញច្រើន សូមទំនាក់ទំនងមកប្រព័ន្ធទូរស័ព្ទឥតគិតថ្លៃ 1 800 203 203 (សម្រាប់ការហៅក្នុងប្រទេសកម្ពុជា)។
1 ABA ជាធនាគារពាណិជ្ជកម្ពុជាដ៏ធំបំផុតគិតលើទ្រព្យសកម្ម, ប្រាក់បញ្ញើ, កម្ចីដុល, ប្រាក់បញ្ញើអតិថិជននិងប្រាក់ចំណេញ ផ្អែកលើរបាយការណ៍ត្រួតពិនិត្យប្រចាំឆ្នាំ 2021 របស់ធនាគារជាតិនៃកម្ពុជា។
