ABA សាខាព្រៃវែង ផ្លាស់ប្តូរទីតាំងធំជាងមុន ដើម្បីផ្តល់ភាពងាយស្រួលបន្ថែមជូនអតិថិជន
06/Nov/2024
ធនាគារ ABA មានសេចក្តីសោមនស្ស ប្រកាសប្តូរទីតាំងសាខាខេត្តព្រៃវែង របស់ខ្លួន ទៅកាន់ទីតាំងថ្មីដែលធំទូលាយ និងមានផាសុកភាព ដើម្បីផ្តល់បទពិសោធន៍ធនាគារប្រសើរជាងមុនជូនអតិថិជនគ្រប់រូប។
សាខាថ្មីនេះ មានការផ្តល់នូវសេវាកម្ម និងផលិតផលពេញលេញរបស់ ABA កន្លែងអង្គុយរង់ចាំប្រកបដោយផាសុកភាព ចំណតធំទូលាយ បន្ទប់ VIP ធំ និងបុគ្គលិកបន្ថែមដើម្បីឆ្លើយតបទៅនឹងកំណើនអតិថិជន។
មានទីតាំងស្វ័យសេវាដែលបម្រើសេវា 24/7 រួមជាមួយសេវាកម្មជាច្រើន ដូចជា ម៉ាស៊ីន ATM ម៉ាស៊ីនដាក់ប្រាក់ ម៉ាស៊ីនដាក់មូលប្បទានបត្រ(CDM) ម៉ាស៊ីនដាក់ ដកប្រាក់ (CRM)។ ម៉ាស៊ីនទាំងនេះនឹងជួយសម្រួលដល់ការប្រើប្រាស់សេវារបស់ធនាគារ និងផ្តល់ភាពងាយស្រួលបន្ថែមទៀតដល់អតិថិជន រួមទាំងកាត់បន្ថយពេលវេលារង់ចាំយូរ។ ធនាគារក៏បានបំពាក់ម៉ាស៊ីនបើកកាតនៅសាខាផ្ទាល់ផងដែរ ដែលអាចឲ្យអតិថិជនបើកកាត Visa, Mastercard, UPI, និងកាត CSS បានភ្លាមៗ តាមរយៈស្មាតហ្វូនរបស់ខ្លួន។
សាខាព្រែវែងថ្មី ស្ថិតនៅផ្លូវប្រសព្វរវាងផ្លូវ 9m និង ផ្លូវ 11m ភូមិលេខប្រាំ សង្កាត់កំពង់លាវ ក្រុងព្រៃវែង ខេត្តព្រៃវែង។
សាខានេះបម្រើអតិថិជនរៀងរាល់ថ្ងៃចន្ទ-សុក្រ ពីម៉ោង 8ព្រឹក ដល់ ម៉ោង 4រសៀល។ លោកអ្នកអាច ស្វែងរកទីតាំងនៅ ទីនេះ។ លេខទូរស័ព្ទទំនាក់ទងរបស់សាខាគឺ 098 203 059។
យើងខ្ញុំសូមស្វាគមន៍អតិថិជនមកកាន់សាខាព្រែវែង ទីតាំងថ្មីរបស់ធនាគារ ABA!