ABA PayWay ក្លាយជាសេវាទូទាត់ដំបូងគេបង្អស់របស់កម្ពុជា ក្នុង ផ្លែតហ្វម Shopify
21/Oct/2025
ធនាគារ ABA ដែលជាគ្រឹះស្ថានហិរញ្ញវត្ថុប្រកបដោយនវានុវត្តឈានមុខរបស់កម្ពុជា មានមោទនភាពសូមប្រកាសពីភាពជោគជ័យក្នុងការភ្ជាប់ ABA PayWay ជាមួយ Shopify ដែលជាផ្លែតហ្វម ពាណិជ្ជកម្មអនឡាញឈានមុខរបស់ពិភពលោក។ វឌ្ឍនភាពនេះ បានធ្វើឲ្យ ABA PayWay ក្លាយជា សេវាទូទាត់ដំបូងគេបង្អស់របស់កម្ពុជា ដាក់ឲ្យប្រើប្រាស់ជាផ្លូវការក្នុង Shopify ដែលជាជំហានទៅមុខដ៏សំខាន់មួយទៀត ក្នុងការពង្រឹងអេកូស៊ីស្ទែមពាណិជ្ជកម្មឌីជីថលរបស់កម្ពុជា។
ជាមួយការរួមបញ្ចូលនេះ ម្ចាស់អាជីវកម្មក្នុងស្រុក អាចបង្កើតហាងអនឡាញ និងគ្រប់គ្រងប្រតិបត្តិការលក់ដូររបស់ពួកគេលើ Shopify ដោយទទួលប្រាក់ទូទាត់យ៉ាងសុវត្ថិភាព លឿនរហ័ស និងងាយស្រួល ជាមួយ ABA PayWay ដែលភ្ញៀវ ឬអ្នកទិញ អាចធ្វើការទូទាត់តាម ABA KHQR, WeChat Pay, Visa, Mastercard, UPI និង JCB។ រាល់ប្រតិបត្តិការទាំងអស់ទូទាត់ចូលគណនីធនាគារ ABA របស់ម្ចាស់អាជីវកម្មផ្ទាល់ ដែលផ្តល់នូវភាពងាយស្រួល និងលឿនរហ័ស ក្នុងការគ្រប់គ្រងការលក់ និងរំហូរទឹកប្រាក់ក្នុងផ្លែតហ្វមហិរញ្ញវត្ថុតែមួយគួរជាទីទុកចិត្ត។ជាមួយការរួមបញ្ចូលនេះ ម្ចាស់អាជីវកម្មក្នុងស្រុក អាចបង្កើតហាងអនឡាញ និងគ្រប់គ្រងប្រតិបត្តិការលក់ដូររបស់ពួកគេលើ Shopify ដោយទទួលប្រាក់ទូទាត់យ៉ាងសុវត្ថិភាព លឿនរហ័ស និងងាយស្រួល ជាមួយ ABA PayWay ដែលភ្ញៀវ ឬអ្នកទិញ អាចធ្វើការទូទាត់តាម ABA KHQR, WeChat Pay, Visa, Mastercard, UPI និង JCB។ រាល់ប្រតិបត្តិការទាំងអស់ទូទាត់ចូលគណនីធនាគារ ABA របស់ម្ចាស់អាជីវកម្មផ្ទាល់ ដែលផ្តល់នូវភាពងាយស្រួល និងលឿនរហ័ស ក្នុងការគ្រប់គ្រងការលក់ និងរំហូរទឹកប្រាក់ក្នុងផ្លែតហ្វមហិរញ្ញវត្ថុតែមួយគួរជាទីទុកចិត្ត។
កន្លងមក ម្ចាស់អាជីវកម្មនៅកម្ពុជាដែលលក់ដូរលើ Shopify ត្រូវពឹងផ្អែកទៅលើសេវាទូទាត់ក្រៅស្រុក ឬដំណោះស្រាយផ្សេងៗ ដែលជាទូទៅ មានតម្លៃថ្លៃ មានភាពស្មុគស្មាញ និងមិនមានភាពបត់បែនតាមទីផ្សារក្នុងស្រុក។ ឥឡូវ ជាមួយការភ្ជាប់ ABA PayWay ជាផ្លូវការ អាជីវកម្មនានានៅកម្ពុជា – ចាប់ពីធុរកិច្ចថ្មី ដល់សហគ្រាសធំៗ – អាចទទួលបានអត្ថប្រយោជន៍ពីសេវាទូទាត់ឌីជីថលក្នុងស្រុកផ្ទាល់ បង្កើតឡើងសម្រាប់កម្ពុជា ដែលសុវត្ថិភាព និងមានតម្លៃសមរម្យ។
លោក Zokhir Rasulov នាយកឌីជីថលនៃធនាគារ មានប្រសាសន៍ថា “ភាពជាដៃគូនេះ គឺជាវឌ្ឍនភាពថ្មីសន្លាង នាំមកនូវការផ្លាស់ប្ដូរដ៏ធំសម្រាប់បណ្ដាសហគ្រាសនានានៅកម្ពុជា។ តាមរយៈការភ្ជាប់ ABA PayWay ជាមួយ Shopify យើងខ្ញុំនឹងផ្តល់ដល់អាជីវកម្មក្នុងស្រុក នូវផ្លែតហ្វមពាណិជ្ជកម្ម អនឡាញដែលរួមបញ្ចូលជាមួយសេវាទូទាត់ក្នុងស្រុកគួរជាទីទំនុកចិត្ត។ ការណ៍នេះ បានពង្រីក ឱកាសជូនសហគ្រិន និងសហគ្រាសធុនតូចនិងមធ្យម ក្នុងការលក់ដូរអនឡាញប្រកបដោយវិជ្ជាជីវៈ ប្រសិទ្ធភាព និងសុវត្ថិភាព ទាំងទីផ្សារក្នុងស្រុក និងទីផ្សារអន្តរជាតិ។”
លោកក៏បានបន្ថែមថា “នៅ ABA យើងខ្ញុំជឿជាក់ក្នុងការលើកកម្ពស់ម្ចាស់អាជីវកម្មជំនាន់ក្រោយ ជាមួយឧបករណ៍ឌីជីថលដ៏ត្រឹមត្រូវ។ កិច្ចសហការនេះ មិនត្រឹមតែពន្លឿនការប្រើប្រាស់មធ្យោបាយ លក់ដូរដ៏ទំនើបប៉ុណ្ណោះទេ ប៉ុន្តែក៏នឹងរួមចំណែកជំរុញកំណើនសេដ្ឋកិច្ចឌីជីថលរបស់កម្ពុជាផងដែរ តាមរយៈការផ្ដល់លទ្ធភាពដល់ពាណិជ្ជកម្មអនឡាញក្នុងការពង្រីកវិសាលភាពដល់អតិថិជនកាន់តែច្រើន មានបរិយាបន្ន និងមានភាពប្រកួតប្រជែង”។
ជាប្រព័ន្ធទូទាត់អនឡាញដែលឈ្នះពានរង្វាន់ផងនោះ ABA PayWay ត្រូវបានជឿទុកចិត្តដោយអាជីវកម្មរាប់ពាន់នាក់ទូទាំងប្រទេស។
តាមរយៈកិច្ចសហការជាមួយ Shopify ធនាគារ ABA បានបង្ហាញឲ្យឃើញកាន់ច្បាស់បន្ថែមទៀតពីតួនាទីឈានមុខរបស់ខ្លួនលើនវានុវត្តឌីជីថល ក៏ដូចជាការប្តេជ្ញាចិត្តរបស់ខ្លួនក្នុងការជួយឲ្យអាជីវករខ្មែរ មានលទ្ធភាពបោះជំហានរីកចម្រើនក្នុងទីផ្សារអនឡាញពិភពលោក។
