ABA ចូលរួមក្នុងព្រឹត្តិការណ៍ជិះកង់ Bankers’ Cycling 2022 នៅខេត្តសៀមរាប
01/Nov/2022
ធនាគារ ABA ដែលជាធនាគារពាណិជ្ជធំបំផុតនៅកម្ពុជា1 មានមោទនភាពចូលរួមសហការឧបត្ថម្ភក្នុងកម្មវិធី Bankers’ Cycling 2022 នៅខេត្តសៀមរាប។ សមាគមធនាគារនៅកម្ពុជា បានរៀបចំកម្មវិធីនេះឡើងដើម្បីផ្សព្វផ្សាយអំពីនិរន្ដរភាពនៃវិស័យធនាគារ និងលើកកម្ពស់ប្រាក់រៀល។
កម្មវិធីនេះ បានប្រមូលផ្ដុំគ្រឹះស្ថានហិរញ្ញវត្ថុ និងភាគីពាក់ព័ន្ធនៅខេត្តសៀមរាប ក្នុងការជំរុញស្មារតីសហគមន៍ និងចំណងមិត្តភាព។ យើងខ្ញុំក៏សូមអបអរសាទរដល់សមាជិកគ្រួសារ ABA ដែលបានក្លាយជាម្ចាស់ជ័យលាភីម្នាក់ក្នុងចំណោមនោះ។
ការចូលរួមនេះ គូសបញ្ជាក់អំពីកិច្ចបន្ដគាំទ្ររបស់ធនាគារ ចំពោះកិច្ចប្រឹងប្រែងរបស់ធនាគារជាតិនៃកម្ពុជា (NBC) និងសមាគមធនាគារនៅកម្ពុជា(ABC) ដែលរួមចំណែកដល់កំណើន និងស្ថិរភាពសេដ្ឋកិច្ចរបស់ប្រទេស ក្នុងការលើកកម្ពស់រូបិយប័ណ្ណជាតិ។
1 ABA ជាធនាគារពាណិជ្ជកម្ពុជាដ៏ធំបំផុតគិតលើទ្រព្យសកម្ម, ប្រាក់បញ្ញើ, កម្ចីដុល, ប្រាក់បញ្ញើអតិថិជននិងប្រាក់ចំណេញ ផ្អែកលើរបាយការណ៍ត្រួតពិនិត្យប្រចាំឆ្នាំ 2021 របស់ធនាគារជាតិនៃកម្ពុជា។
