ABA បើកសាខាដំបូង ក្នុងខេត្តប៉ៃលិន
01/Dec/2021
ធនាគារ ABA បើកដំណើរការជាផ្លូវការសាខាថ្មីរបស់ខ្លួនក្នុងខេត្តប៉ៃលិន ដើម្បីពង្រីកបណ្ដាញសាខា បន្ថែមក្នុងប្រទេស។ សាខាដ៏ធំនេះមានគោលបំណងផ្ដល់ជូននូវសេវាកម្ម និងផលិតផលធនាគារដែល ទំនើប និងផ្ដល់ភាពងាយស្រួលដល់ប្រជាពលរដ្ឋក្នុងខេត្តនេះ ដែលត្រូវបានគេស្គាល់ពីភាពល្បីល្បាញ ផ្នែកធនធានធម្មជាតិ និងកសិកម្ម។
ការិយាល័យថ្មីនេះត្រូវបានរចនាដោយមានកន្លែងអង្គុយរង់ចាំប្រកបដោយផាសុកភាព រួមជាមួយនឹង បញ្ជរបម្រើអតិថិជន និងកន្លែងចតយានយន្ដធំទូលាយ។ សាខានេះបានបំពាក់គ្រឿងបរិក្ខារស្វ័យធនាគារ ដែលទំនើបដូចជា មាស៊ីន ATMs, ម៉ាស៊ីនដាក់ប្រាក់ (Cash-in) និងម៉ាស៊ីនដកដាក់ប្រាក់ (CRM) ដើម្បីសម្រួលដល់ការប្រើប្រាស់គណនីធនាគាររបស់អតិថិជនគ្រប់ពេលវេលា។ ជាមួយនឹងបុគ្គលិកប្រកប ដោយវិជ្ជាជីវៈរបស់យើង ដែលត្រៀមខ្លួនរួចជាស្រេចបំពេញតួនាទី អតិថិជនអាចអញ្ជើញមកសាខា ដើម្បី បើកគណនីដាក់ប្រាក់ និងគណនីសន្សំ, ប្រឹក្សាជាមួយអ្នកជំនាញលើផលិតផលកម្ចីអាជីវកម្ម, បើកកាត ឥណពន្ធ និងឥណទាន, កម្មវិធី ABA Mobile និងធនាគារអនឡាញ, ការផ្ទេរប្រាក់ និងសេវាកម្មផ្សេងៗ ជាច្រើនទៀត។
ចាប់ពីថ្ងៃនេះតទៅ អតិថិជនអាចមកសាខាថ្មីនេះដើម្បីបំពេញតម្រូវការធនាគារពីថ្ងៃច័ន្ទ ដល់ថ្ងៃសុក្រ ម៉ោង 8 ព្រឹក ដល់ 4 ល្ងាច។
ABA សាខាខេត្តប៉ៃលិនស្ថិតលើផ្លូវជាតិលេខ 57 ភូមិវត្ត សង្កាត់ប៉ៃលិន ក្រុងប៉ៃលិន ចុចមើលទីតាំង។ សូមទាក់ទងតាមទូរស័ព្ទ 081 204 659 សម្រាប់ព័ត៌មានបន្ថែម។
គិតត្រឹមថ្ងៃនេះ ធនាគារ ABA ធ្វើប្រតិបត្តិការសរុប 80 សាខា ជាមួយនឹងទីតាំងស្វ័យសេវា ABA 24/7 ចំនួន 14 ម៉ាស៊ីនស្វ័យធនាគារ 750+ ទូទាំងប្រទេស។