កម្មវិធី ABA Mobile ពង្រីកសេវា ទូទាត់វិក្កយបត្រអគ្គិសនីរបស់ខ្លួនបន្ថែមទៅកាន់ខេត្តមួយចំនួនទៀត
12/Jul/2021
ដើម្បីឲ្យអតិថិជនកាន់តែច្រើនមានភាពងាយស្រួល និងភាពបត់បែនក្នុងការទូទាត់អនឡាញ ធនាគារ ABA មានសេចក្តីរីករាយសូមប្រកាសថា ប្រជាពលរដ្ឋខេត្តបន្ទាយមានជ័យ ខេត្តកំពត និងខេត្តកំពង់ស្ពឺ ឥឡូវនេះ អាចទូទាត់វិក្កយបត្រអគ្គិសនីឲ្យអគ្គិសនីកម្ពុជា (EDC) តាមរយៈកម្មវិធី ABA Mobile បានហើយ។
ខេត្តទាំងបីនេះ ត្រូវបានបន្ថែមពីលើខេត្តក្រុងដែលអគ្គិសនីកម្ពុជាមានស្រាប់ ដូចជា៖
- ភ្នំពេញ
- បាត់ដំបង
- កំពង់ចាម
- ក្រចេះ
- សៀមរាប
- ក្រុងព្រះសីហនុ និង
- ក្រចេះសាខាស្នួល។
អតិថិជនប្រើ ABA Mobile អាចទូទាត់វិក្កយបត្រអគ្គិសនីប្រចាំខែរបស់ខ្លួនជាប្រាក់រៀល/ប្រាក់ដុល្លារ បានយ៉ាងងាយស្រួល និងឥតគិតថ្លៃសេវា ដោយមិនបាច់ធ្វើដំណើរ ឬត្រូវរង់ចាំលេខរៀងនៅតាមសាខាអគ្គិសនីកម្ពុជា (EDC) ហើយក៏មិនបាច់ប៉ះពាល់ផ្ទាល់នឹងក្រដាសប្រាក់ទៀតដែរ។
វិក្កយបត្រអាចបង់បាន ដោយគ្រាន់តែចុចពីរបីប៉ក់តែប៉ុណ្ណោះ តាមជំហានងាយៗដូចខាងក្រោម៖
- បើកកម្មវិធី ABA Mobile និងចុចលើប៊ូតុង ទូទាត់ប្រាក់
- ចុចលើប៊ូតង ទឹកភ្លើង & សំរាម និងជ្រើសរើស អគ្គិសនីកម្ពុជា EDC
- ជ្រើសរើស ខេត្តឬក្រុង បញ្ចូល លេខទីតាំងប្រើប្រាស់ចរន្ត ចំនួនទឹកប្រាក់1 និងចុច បង់ឥឡូវ ជាការស្រេច។
1 យើងសូមណែនាំឲ្យបង្កើតគំរូសម្រាប់ការទូទាត់លើកក្រោយដោយគ្រាន់តែចុចលើប៊ូតុង “បង្កើតគំរូ” នៅលើផ្ទាំងអេក្រង់ ទូទាត់ប្រាក់។
ជាមួយកម្មវិធី ABA Mobile អ្នកអាចទូទាត់បែបឌីជីថលពេញលេញសម្រាប់ប្រតិបត្តិការប្រចាំថ្ងៃរបស់អ្នក។ ដើម្បីដឹងបន្ថែមអំពីកម្មវិធី ABA Mobile សូមចូលទៅកាន់ ត្រង់នេះ។
ប្រសិនបើអ្នកមិនទាន់មានគណនី ABA ទេ សូមដោនឡូតកម្មវិធី ABA Mobile ដើម្បី បើកគណនីរហ័ស ដោយខ្លួនឯងតាមទូរស័ព្ទដៃ (ត្រូវមានអត្តសញ្ញាណប័ណ្ណសញ្ជាតិខ្មែរ និងលេខទូរស័ព្ទ) ឬអញ្ជើញទៅបើកនៅសាខា ABA ណាមួយដែលនៅជិតអ្នកនៅថ្ងៃនេះ។
