ABA បញ្ជាក់ពីយុទ្ធសាស្ត្ររីកចម្រើនដោយបើកដំណើរការសាខាថ្មី ក្នុងស្រុកស្រែអំបិល
06/Feb/2026
ធនាគារ ABA បានប្រកាសការបើកជាផ្លូវការសាខាដំបូងរបស់ខ្លួន ក្នុងស្រុកស្រែអំបិល ខេត្តកោះកុង ដោយនាំយកនូវសេវាធនាគារជាទីទុកចិត្តមកកាន់សហគមក្នុងភូមិភាគនិរតី នៃប្រទេសកម្ពុជា ដែលធានានូវភាពងាយស្រួល និងផ្គត់ផ្គង់សេវាធនាគារបានទូទាំងប្រទេស។
សាខាស្រែអំបិលនេះ មានទីតាំងស្ថិតនៅក្នុងតំបន់សេដ្ឋកិច្ចពិសេសខេត្តកោះកុង ចេជាង ដែលផ្តល់នូវសេវាកម្ម និងផលិតផលពេញលេញរបស់ធនាគារ ABA សម្រាប់សហគ្រាស និងបុគ្គលិកក្នុងតំបន់។ ដោយមិនចាំបាច់ធ្វើដំណើរដល់សាខាខេត្ត អតិថិជនក៏អាចទទួលបានបទពិសោធធនាគារទំនើប ជាមួយចំណតឡានធំទូលាយ ទីកន្លែងអង្គុយរង់ចាំប្រកបដោយផាសុកភាព និងបន្ទប់ VIP សម្រាប់ឯកជនភាពអតិថិជន។
សាខាថ្មីនេះ ក៏មានផ្នែកស្វ័យសេវា 24/7 ដោយមានបំពាក់នូវម៉ាស៊ីនទំនើបៗដូចជា ម៉ាស៊ីន ATM, ម៉ាស៊ីនដាក់ប្រាក់, ម៉ាស៊ីនដាក់មូលប្បទានបត្រ (CDM), ម៉ាស៊ីនដកឥដាក់ប្រាក់ (CRM), ដែលអាចឲ្យអតិថិជនបំពេញតម្រូវការធនាគាររបស់ខ្លួនយ៉ាងងាយស្រួល គ្រប់ពេលវេលា និង មានម៉ាស៊ីនបើកកាត ដែលអតិថិជនអាចបើកកាត CSS និងកាតអន្តរជាតិ Visa, Mastercard, UPI ភ្លាមៗ។
សាខាស្រែអំបិលនេះ មានទីតាំងស្ថិតនៅក្នុងតំបន់សេដ្ឋកិច្ចពិសេសខេត្តកោះកុង ចេជាង Wanneng Commercial Plaza ប្លុកអា ជាន់ផ្ទាល់ដី បន្ទប់លេខ 118, 119, 120, 121, 122 និង 123 មហាវិថីស៊ីដនីទី2 ភូមិឈើនាង ឃុំជ្រោយស្វាយ ស្រុកស្រែអំបិល ខេត្តកោះកុង។ លោកអ្នកអាចស្វែងរកទីតាំងនៅទីនេះ។
សាខានេះ បើកបម្រើអតិថិជនរៀងរាល់ថ្ងៃចន្ទ ដល់ថ្ងៃសុក្រ ចាប់ពីម៉ោង 8ព្រឹក ដល់ 4រសៀល និងថ្ងៃសៅរ៍ ចាប់ពីម៉ោង 8ព្រឹក ដល់ 11:30ព្រឹក។ លោកអ្នកអាចទាក់ទងសាខាតាមលេខទូរស័ព្ទ 098 206 624។
សូមអញ្ជើញអតិថិជនមកកាន់ សាខាស្រែអំបិល និងសូមទទួលយកភាពងាយស្រួលនៃការប្រើប្រាស់ សេវាធនាគារនៅទីតាំងថ្មីនេះ!
