ABA ប្រកាសបើកសាខាថ្មី ក្នុងអគារអគ្គនាយកដ្ឋានពន្ធដារ ដើម្បីសម្រួលបន្ថែមដល់អតិថិជនបុគ្គល និងសាជីវកម្ម
12/Jan/2026
ធនាគារ ABA មានសេចក្តីសោមនស្សរីករាយ សូមប្រកាសបើកសាខាថ្មី ស្ថិតនៅក្នុងអគារអគ្គនាយកដ្ឋានពន្ធដារ (GDT Tower) ដោយ ពង្រឹងបណ្តាញរូបវន្ដរបស់ខ្លួនបន្ថែម និងផ្តល់ភាពងាយស្រួលជូនអតិថិជនក្នុងការប្រើប្រាស់ទាំងសេវាធនាគារ និងសេវាបង់ពន្ធ។
សាខាថ្មីនេះ មានផលិតផល និងសេវាកម្មរបស់ធនាគារជាច្រើន ដើម្បីបម្រើជូនទៅតាមតម្រូវការដ៏សម្បូរបែបរបស់អតិថិជនជារូបវន្តបុគ្គល និងសាជីវកម្ម។ ជាមួយកន្លែងអង្គុយរង់ចាំធំទូលាយប្រកបដោយផាសុកភាព បន្ទប់ VIP សម្រាប់ឯកជនភាពរបស់អតិថិជន និងបុគ្គលិកប្រកបដោយជំនាញវិជ្ជាជីវៈ ទីតាំងថ្មីនេះ រៀបចំឡើងដើម្បីផ្តល់នូវបទពិសោធប្រើប្រាស់សេវាធនាគារដ៏រលូនស្រួល មានប្រសិទ្ធភាពនិងផាសុកភាព។
អតិថិជនកាន់តែងាយស្រួលបន្ថែមជាមួយទីតាំងស្វ័យសេវាប្រចាំសាខានេះ ដោយមានម៉ាស៊ីនទំនើបៗរួមមានជាអាទិ៍ ម៉ាស៊ីន ATM, ម៉ាស៊ីនដក-ដាក់ប្រាក់, ម៉ាស៊ីនដាក់មូលប្បទានបត្រ ដែលអនុញ្ញាតឲ្យអតិថិជនធ្វើប្រតិបត្តិការនានាដោយរលូន។ សាខាថ្មីនេះ ក៏មានបំពាក់ ម៉ាស៊ីនបើកកាត សម្រាប់ការបើកកាតអន្តរជាតិរួមមាន Visa, Mastercard, UnionPay និង កាត CSS ក្នុងស្រុក បានដោយខ្លួនឯងភ្លាមៗផងដែរ។
សាខា ABA ជីឌីធី ថៅវើ នេះ មានទីតាំងស្ថិតនៅជាន់ទី 2 នៃអគារអគ្គនាយកដ្ឋានពន្ធដារ ស្ថិតនៅលើផ្លូវ OCIC ភូមិដើមគរ ខណ្ឌជ្រោយចង្វារ សង្កាត់ជ្រោយចង្វារ រាជធានីភ្នំពេញ។ លោកអ្នកអាចស្វែងរកទីតាំងនៅ ទីនេះ។
សាខានេះ បើកបម្រើអតិថិជនរៀងរាល់ថ្ងៃចន្ទ ដល់ថ្ងៃសុក្រ ចាប់ពីម៉ោង 8ព្រឹក ដល់ 5ល្ងាច និងអាចទាក់ទងតាមលេខទូរស័ព្ទ 098 206 440។
សូមអញ្ជើញប្រើប្រាស់សេវានៅទីតាំងថ្មីរបស់យើងខ្ញុំ នៅក្នុងអគារ អគ្គនាយកដ្ឋានពន្ធដារ ដោយក្ដីរីករាយ!
