ABA បានដាក់ដំណើរការគណនីកាលកំណត់ ជាមួយធានារ៉ាប់រងជីវិត និងគ្រោះថ្នាក់ដោយឥតគិតថ្លៃពី Manulife
12/Oct/2022
ABA ដែលជាធនាគារពាណិជ្ជធំជាងគេនៅកម្ពុជា1 បានណែនាំ គណនីកាលកំណត់ ជាមួយធានារ៉ាប់រងជីវិត និងគ្រោះថ្នាក់ ពី ក្រុមហ៊ុន មេនូឡាយហ្វ៍ (Manulife) ដើម្បីផ្តល់អត្ថប្រយោជន៍នៃការសន្សំប្រាក់ដែលមានអត្រាការប្រាក់ប្រកួតប្រជែង និងផ្តល់កញ្ចប់ធានារ៉ាប់រងដោយឥតគិតថ្លៃ។
អតិថិជន ABA ដែលបើកគណនីកាលកំណត់រយៈពេល 1 ឆ្នាំ នៅតាមសាខា ឬតាមរយៈ ABA Mobile នឹងទទួលបានប័ណ្ណសន្យារ៉ាប់រងភ្លាមៗពី មេនូឡាយហ្វ៍ ខេមបូឌា ដែលផ្ដល់សំណងករណីបាត់បង់ជីវិត និងពិការភាពទាំងស្រុង ក្នុងចំនួនទឹកប្រាក់ ស្នើនឹងប្រាក់បញ្ញើដែលបានដាក់ (កំណត់អតិបរមា 50,000 ដុល្លារ ឬ 200,000,000 រៀល)។
អតិថិជន ABA មានសិទ្ធិទទួលបានធានារ៉ាប់រងដោយមិនចាំបាច់មានការត្រួតពិនិត្យសុខភាពឡើយ ដែលជាធម្មតាទាមទារឲ្យមានការត្រួតពិនិត្យសុខភាព នៅពេលទិញធានារ៉ាប់រងពីក្រុមហ៊ុន។ ប័ណ្ណសន្យារ៉ាប់រង មាននៅក្នុងលីង ដែល Manulife នឹងផ្ញើជូនតាមសារ SMS។
លោក Askhat Azhikhanov នាយកប្រតិបត្តិនៃធនាគារ ABA បានមានប្រសាសន៍ថា "យើងជឿជាក់ថា ការរួមបញ្ចូលសេវាកម្មរបស់ធនាគារ ABA និង មេនូឡាយហ្វ៍ ខេមបូឌា នេះ គឺសមស្របសម្រាប់អតិថិជនដែលស្វែងរកផែនការហិរញ្ញវត្ថុដ៏ល្អ រួមជាមួយនឹងកញ្ចប់ធានារ៉ាប់រងជីវិតពេញលេញ។ ឥឡូវ អតិថិជនអាចបើកគណនីកាលកំណត់ ABA ជាមួយនឹងអត្រាការប្រាក់ដ៏ទាក់ទាញ ហើយទទួលបានកញ្ចប់ធានារ៉ាប់រងជីវិត និងគ្រោះថ្នាក់ពេញលេញពី Manulife ដៃគូរបស់យើង ដោយឥតគិតថ្លៃ"។
លោកបានបន្ថែមថា "ការរួមបញ្ចូលនេះ បានគូសបញ្ជាក់ពីការបន្តគាំទ្រ សុខុមាលភាពរបស់អតិថិជន និងភាពជាដៃគូរបស់ធនាគារជាមួយ មេនូឡាយហ្វ៍ ខេមបូឌា ក្នុងការផ្ដល់ជូនអតិថិជននូវការប្រើប្រាស់ផលិតផលធានារ៉ាប់រងដ៏ងាយស្រួល" ។
សូមចូលទៅកាន់ទំព័រ គណនីកាលកំណត់ ជាមួយធានារ៉ាប់រងជីវិត និងគ្រោះថ្នាក់ សម្រាប់ព័ត៌មានបន្ថែមអំពីផលិតផល។ មានចម្ងល់មែនទេ? ទូរស័ព្ទទៅ ABA លេខ 1 800 203 203 (ប្រព័ន្ធទូរស័ព្ទឥតគិតថ្លៃសម្រាប់ការហៅក្នុងប្រទេសកម្ពុជា) ឬក្រុមការងារ Manulife តាមលេខទូរស័ព្ទប្រចាំការ 023 965 999។
មិនទាន់មានគណនី ABA មែនទេ? ប្រើស្មាតហ្វូនរបស់អ្នក ដើម្បីដោនឡូត ABA Mobile រួចបើក គណនីរហ័ស ឥឡូវ (តម្រូវមានអត្តសញ្ញាណប័ណ្ណ និងលេខទូរស័ព្ទ)។
1 ABA ជាធនាគារពាណិជ្ជកម្ពុជាដ៏ធំបំផុតគិតលើទ្រព្យសកម្ម, ប្រាក់បញ្ញើ, កម្ចីដុល និងប្រាក់ចំណេញ ផ្អែកលើរបាយការណ៍ត្រួតពិនិត្យប្រចាំឆ្នាំ 2021 របស់ធនាគារជាតិនៃកម្ពុជា។
