ABA ណែនាំកម្ចីប្រាក់បៀវត្សភ្លាមៗ គ្មានប្រាក់តម្កល់ក្នុង ABA Mobile
05/Apr/2022
ធនាគារ ABA សូមណែនាំដំណោះស្រាយកម្ចីរហ័សហៅថា កម្ចីប្រាក់បៀវត្ស ក្នុងកម្មវិធី ABA Mobile ដើម្បីសម្រួលដល់អតិថិជនដែលត្រូវការ ទឹកប្រាក់បន្ទាន់។ កម្ចីបៀវត្សត្រូវបានរចនាឡើងដើម្បីផ្ដល់ហិរញ្ញប្បទានរហ័ស និងងាយស្រួលសម្រាប់ការប្រើប្រាស់ផ្ទាល់ខ្លួនដោយគ្មាន លក្ខខណ្ឌតម្រូវប្រាក់តម្កល់ ហើយអាចប្រើបានដោយបុគ្គលិកក្រុមហ៊ុនដែលបានប្រើសេវាបើកប្រាក់បៀវត្ស ABA។ មុខងារនេះ ក្លាយជាការបន្ថែមគុណតម្លៃដល់ក្រុមហ៊ុន និងបណ្ដាអាជីវកម្មក្នុងការផ្ដល់ជូននូវអត្ថប្រយោជន៍ដល់បុគ្គលិក។
កម្ចីប្រាក់បៀវត្ស អាចខ្ចីបានរហូតដល់ 50% នៃប្រាក់ខែសុទ្ធរបស់បុគ្គលិក 2 ខែចុងក្រោយ (អប្បបរមា $100) ខណៈដែលរយៈពេលកម្ចី អាចបន្ដរហូតដល់ 12 ខែ។
ដើម្បីទទួលបានកម្ចីប្រាក់បៀវត្ស អ្នកប្រើ ABA ត្រូវធ្វើតាមជំហានងាយៗដូចខាងក្រោម៖
- បើកកម្មវិធី ABA ហើយចុចលើប៊ូតុង កម្ចី លើអេក្រង់ដើម
- ជ្រើសរើស កម្ចីលើប្រាក់បៀវត្ស ហើយ យល់ព្រមតាមខ និងលក្ខខណ្ឌ
- កំណត់ទឹកប្រាក់ និងរយៈពេលសងកម្ចីដោយរំកិលប៊ូតុង
- ចុច យកកម្ចី ហើយបញ្ជាក់ជាមួយលេខសម្ងាត់ ABA 4 ខ្ទង់។
ប្រាក់កម្ចីអាចប្រើបានសម្រាប់អតិថិជនមានតម្រូវការកម្ចីភ្លាម ដោយមិនប្រើពេលរង់ចាំ។ បន្ទាប់ពីកម្ចីត្រូវបានចេញដោយជោគជ័យ អតិថិជនអាចដោនឡូតកិច្ចព្រមព្រៀងកម្ចី ហើយរក្សាទុកវានៅលើស្មាតហ្វូនរបស់ពួកគេសម្រាប់ជាឯកសារយោងនាពេលអនាគត។
លោក ម៉ី ប៉ូលីន នាយកផ្នែកប្រតិបត្តិការរបស់ធនាគារ ABA មានប្រសាសន៍ថា៖ "យើងខ្ញុំជឿជាក់ថាក្រុមហ៊ុន ឬអាជីវកម្មត្រូវបានលើកទឹកចិត្តឱ្យថែរក្សាបុគ្គលិករបស់ពួកគេ។ ក្នុងនាមជាដៃគូដ៏ឥតខ្ចោះសម្រាប់ការប្តេជ្ញាចិត្តបែបនេះ កម្ចីប្រាក់បៀវត្សនៅក្នុង ABA Mobile ជួយបុគ្គលិកទទួលបានប្រាក់សម្រាប់ការចំណាយដែលមិនបានគ្រោងទុក (ឧ. ឈឺភ្លាមៗ)។ ការទទួលបានកម្ចីគ្មានទ្រព្យតម្កល់ ជួយបុគ្គលិកក្នុងការប្រើធនធានដែលខ្លួនមានស្រាប់ ជំនួសឲ្យការពឹងផ្អែកលើប្រភពមិនច្បាស់លាស់ ឬមិនផ្លូវការ។
លោកបានបន្ថែមថា "យើងខ្ញុំលើកទឹកចិត្តឱ្យក្រុមហ៊ុន និងម្ចាស់អាជីវកម្មចូលរួមជាមួយអាជីវកម្មជាច្រើនផ្សេងទៀត ដែលបានប្រើសេវាបើកប្រាក់បៀវត្ស ABA រួចមកហើយ មិនត្រឹមតែសម្រាប់មធ្យោបាយទូទាត់ប្រាក់ងាយស្រួល និងសុវត្ថិភាពប៉ុណ្ណោះទេ ប៉ុន្តែសម្រាប់មុខងារបន្ថែមតម្លៃដូចជា កម្ចីប្រាក់បៀវត្សជាដើម"។
សូមចូលទៅកាន់ទំព័រ សេវាបើកប្រាក់បៀវត្ស យើងខ្ញុំសម្រាប់ព័ត៌មានបន្ថែម។ ដើម្បីដំណើរការសេវាបើកប្រាក់បៀវត្សជូនបុគ្គលិកលោកអ្នក សូមទូរស័ព្ទទៅលេខ 023 225 333 ឬអ៊ីមែល info@ababank.com សម្រាប់ការណាត់ជួប។ ចុចលើរូបតំណាងខាងក្រោមដើម្បីដូនឡូតកម្មវិធី ABA Mobile ពី app store ស្មាតហ្វូនរបស់អ្នក។ បន្ទាប់ពីដោនឡូតរួច សូមធ្វើតាមការណែនាំលើអេក្រង់ ដើម្បីចាប់ផ្តើមសេវាធនាគារតាមទូរស័ព្ទ!
