​អតិថិជន​ ABA​ ឥឡូវ​អាច​បង់​កម្ចី​​ តាម​ភ្នាក់ងារ​ផ្ទេរ​ប្រាក់​ TrueMoney

19/10/2018

​អតិថិជន​ ABA​ ឥឡូវ​អាច​បង់​កម្ចី​​ តាម​ភ្នាក់ងារ​ផ្ទេរ​ប្រាក់​ TrueMoney

ធនាគារ​ ABA​ ដែល​ជា​គ្រឹះស្ថាន​ហិរញ្ញវត្ថុ​ឈានមុខ​របស់​កម្ពុជា​ និង​ជា​សមាជិក​នៃ​សម្ពន្ធ​ធនាគារជាតិ​កា​ណា​ដា​ ថ្ងៃនេះ​សូម​ប្រកាស​ពី​កិច្ចសហការ​ជា​ដៃគូ​ជាមួយ​ TrueMoney​ ដែល​ជា​ភ្នាក់ងារ​ផ្ទេរ​ប្រាក់​ដ៏​ធំ​មួយ​នៅ​កម្ពុជា​ ដើម្បី​ផ្ដល់​សេវា​ផ្ទេរ​ប្រាក់​ប្រកបដោយ​ភាព​ងាយស្រួល​ដល់​អតិថិជន​។​ ​

ក្នុង​ភាព​ជា​ដៃគូ​នេះ​ អតិថិជន​របស់​ធនាគារ​ ABA​ អាច​ដាក់​ប្រាក់​ចូល​គណនី​ ABA​ របស់​ខ្លួន​តាម​រយៈ​ភ្នាក់ងារ​ផ្ទេរ​ប្រាក់​របស់​ TrueMoney​ ណាមួយ​ក៏​បាន​ក្នុង​ចំណោម​ភ្នាក់ងារ​ជាង​ 7,000​ កន្លែង​។​ សេវា​នេះ​ ជួយ​ឲ្យ​អតិថិជន​ឥណទាន​ ABA​ អាច​បង់​កម្ចី​របស់​ខ្លួន​នៅ​តាម​ភ្នាក់ងារ​ផ្ទេរ​ប្រាក់​ TrueMoney​ ដែល​មា​នទី​តាំងនៅ​ជិត​ផ្ទះ​ ឬ​ជិត​កន្លែង​ការងារ​ជាង​សាខា​របស់​ ABA​។​

​ដំណើរការ​នៃ​ការដាក់​ប្រាក់​ចូល​គណនី​ ABA​ នេះ​ មាន​ភាព​ងាយស្រួល​ និង​លឿន​រហ័ស​ ដោយ​អតិថិជន​ គ្រាន់តែ​ផ្ដល់​លេខ​គណនី​ទាំង​9​ខ្ទង់​,​ លេខ​ទូរស័ព្ទ​ និង​ប្រាក់​ត្រូវ​ដាក់​ជា​ប្រាក់​រៀល​ ឬ​ប្រាក់​ដុល្លារ​ ជា​ការ​ស្រេច​។​ ក្រោយ​ដាក់​ប្រាក់​រួច​ អតិថិជន​នឹង​ទទួល​បាន​សារ​ជូនដំណឹង​តាម​ SMS​ និង​ ABA​ Mobile​ app​។​ សម្រាប់​ព័ត៌មាន​លំអិត​ សូម​ចូល​ទៅ​កាន់​ភ្នាក់ងារ TrueMoney ​។​

សម្រាប់​ថ្ងៃ​ខាង​មុខ​ អតិថិជន​ ABA​ នឹង​អាច​ធ្វើការ​ផ្ទេរ​ប្រាក់​ភ្លាមៗ​ រវាង​ ABA​ និង​ TrueMoney​ តាម​ ABA​ Mobile​ app​ និង​ TrueMoney​ វ៉​ល​ឡែ​ត​។​

អំពី​ TrueMoney
TrueMoney​ គឺជា​ក្រុមហ៊ុន​បច្ចេកវិទ្យា​ហិរញ្ញវត្ថុ​ឈានមុខ​មួយ​នៅ​អាស៊ី​អាគ្នេយ៍​ ដែល​ផ្ដល់​សេវា​ហិរញ្ញវត្ថុ​សម្រាប់​អតិថិជន​ឌី​ជី​ថ​ល​ និង​អតិថិជន​មិន​ប្រើប្រាស់​សេវា​ធនាគារ​ទាំងអស់​នៅ​តាម​បណ្ដា​ប្រទេស​ទាំង ​6​ ដែល​រួម​មាន​ កម្ពុជា​,​ ថៃ​,​ មី​យ៉ា​ន់​ម៉ា​,​ វៀតណាម​,​ ហ្វី​លី​ពី​ន​ និង​ឥណ្ឌូ​នេ​ស៊ី​។​
TrueMoney ផ្ដល់​សេវា​អ៊ី​វ៉​ល​ឡែ​ត​ និង​បណ្ដាញ​ទូទាត់​ដ៏​ធំ​ទូលាយ​ ដែល​ជួយ​ឲ្យ​អតិថិជន​អាស៊ី​អាគ្នេយ៍​ មាន​លទ្ធភាព​ប្រើប្រាស់​សេវា​សេវា​ហិរញ្ញវត្ថុ​បែប​ថ្មី​។​
​នៅ​កម្ពុជា​ TrueMoney​ ត្រូវ​បាន​ទទួលស្គាល់​ថា​ជាក្រុមហ៊ុន​ផ្គត់ផ្គង់​សេវា​ទូទាត់​ ដែល​ផ្ដល់​លទ្ធភាព​ឲ្យ​អតិថិជន​ដែល​​មិន​ប្រើ​សេវា​ធនាគារ​ អាច​ប្រើប្រាស់​សេវា​ហិរញ្ញវត្ថុ​ តាម​រយៈ​ទូរស័ព្ទ​ ឬ​ ​បណ្ដាញ​ភ្នាក់ងារ​ទូទាត់​ TrueMoney​ (​ម៉ាស៊ីន​ទូទាត់​ POS)​។​