ABA ទទួលបានពានរង្វាន់ចំនួន 3 ពី Mastercard សម្រាប់ភាពឈានមុខក្នុងទីផ្សារ
05/Dec/2023
ធនាគារ ABA ដែលជាធនាគារពាណិជ្ជធំបំផុតនៅកម្ពុជា មានមោទនភាពប្រកាសពីការទទួលស្គាល់ពី Mastercard ដែលបង្ហាញនៅក្នុងកម្មវិធី Mastercard Customer Year-End Appreciation 2023។
Mastercard បានទទួលស្គាល់ភាពឈានមុខក្នុងទីផ្សាររបស់ ABA និងការរួមចំណែកដ៏ឆ្នើមចំពោះវិស័យទូទាត់។ ព្រឹត្តិការណ៍នេះបានបម្រើការជាវេទិកាមួយដើម្បីរំលឹកដល់ឆ្នាំនៃការសហការប្រកបដោយផ្លែផ្កា និងជោគជ័យក្នុងចំណោមធនាគារជាច្រើនដែលផ្តល់ជូននូវផលិតផល Mastercard នៅក្នុងប្រទេសកម្ពុជា។
ធនាគារ ABA លេចធ្លោនៅក្នុងព្រឹត្តិការណ៍នេះ ជាមួយនឹងពានរង្វាន់ 3 ប្រភេទ៖
- Leadership in Prepaid Volume 2023
- Leadership in Debit Volume 2023
- Leadership in Cross-Border Volume 2023
ពានរង្វាន់ ពី Mastercard បង្ហាញពីការទទួលស្គាល់ ឈានមុខគេក្នុងសេវាកម្មហិរញ្ញវត្ថុ និងបង្ហាញពីទំនុកចិត្តរបស់អតិថិជនចំពោះផលិតផលកាតរបស់ធនាគារ ABA ។
លោក Sanzhar Abdullayev នាយកកាត និងសេវាទូទាត់អេឡិកត្រូនិក មានប្រសាសន៍ថា៖ "យើងមានកិត្តិយសដែលបានទទួលរង្វាន់ពី Mastercard ។ ការទទួលស្គាល់នេះជំរុញឲ្យយើងបន្តផ្តល់ជូនអតិថិជនរបស់យើងនូវដំណោះស្រាយកាត ដែលធ្វើឲ្យជីវិតហិរញ្ញវត្ថុរបស់ពួកគេកាន់តែងាយស្រួល"។
ថ្មីៗនេះ ABA បានក្លាយជាធនាគារដំបូងគេក្នុងប្រទេសកម្ពុជា ដែលដាក់ឲ្យប្រើប្រាស់ម៉ាស៊ីនកាត ដែលអាចបើកកាតបានភ្លាមៗ។ ម៉ាស៊ីននេះអនុញ្ញាតឲ្យអ្នកប្រើប្រាស់ ABA Mobile ទទួលបានកាតក្នុងរយៈពេលតិចជាង 2 នាទី ដោយមិនត្រូវការជំនួយពីបុគ្គលិកសាខាឡើយ។
