​ធនាគារ​ ABA​ ក្លាយជា​អ្នកគាំទ្រ​ផ្លូវការ​ របស់​ក្រុមបាល់ទាត់​ជម្រើសជាតិ​កម្ពុជា​

06/06/2019

ABA​ becomes​ official​ supporter 2ABA​ becomes​ official​ supporter 2

ធនាគារ​ ABA​ ដែល​ជា​សមាជិក​នៃ​សម្ពន្ធ​ធនាគារជាតិ​កា​ណា​ដា​ និង​សហព័ន្ធ​កីឡាបាល់ទាត់​កម្ពុជា​ (FFC)​ បាន​ចុះហត្ថលេខា​លើ​កិច្ចព្រមព្រៀង​ ដែល​ក្នុង​នោះ​ធនាគារ​ ABA​ គឺជា​អ្នកគាំទ្រ​ផ្លូវការ​របស់​ក្រុមបាល់ទាត់​ជម្រើសជាតិ​កម្ពុជា​។​

ដោយ​ចាត់​ទុក​កីឡា​ជាស​រសរ​ស្តម្ភ​មួយ​ក្នុង​គោលនយោបាយ​វិភាគទាន​សង្គម​របស់​ខ្លួន​ ធនាគារ​ ABA​ ផ្តល់​មូលនិធិ​ឧបត្ថម្ភ​របស់​ខ្លួន​ ដើម្បី​ចូលរួម​ជួយ​គាំទ្រ​ដល់​ការ​ហ្វឹកហាត់​ ប្រតិបត្តិការ​និង​ការ​ចំណាយ​ទូទៅ​របស់​ក្រុម​កីឡាករ​ជាតិ​ ដើម្បី​ប្រជែង​ក្នុង​ការ​ប្រកួត​បាល់ទាត់​មិត្តភាព​អន្តរជាតិ​នៅ​ឆ្នាំ​ 2019-2020​ ។

ក្នុងឆ្នាំនេះ​ ក្រុមកីឡា​បាល់ទាត់​ជម្រើសជាតិ​កម្ពុជា​ នឹង​ចូលរួម​ប្រកួត​មិត្តភាព​បែប​អន្តរជាតិ​ ជាមួយ​ក្រុម​ជម្រើសជាតិ​ចំនួន​បួន​មក​ពី​បណ្តា​ប្រទេស​អាស៊ី​។​ ការ​ប្រកួត​នឹង​ប្រព្រឹត្ត​ទៅ​នៅ​ខែ​ មិថុនា​ កញ្ញា​ តុលា​ និង​វិច្ឆិកា​។​ ការ​ប្រកួត​លើក​ដំបូង​ជាមួយនឹង​ក្រុម​ជម្រើសជាតិ​ប៉ា​គី​ស្ថាន​នឹង​ចាប់ផ្តើម​នៅ​ថ្ងៃ​ទី​ 6​ ខែមិថុនា​នេះ​ វេលា​ម៉ោង​ 6:30​ ល្ងាច​នៅ​ពហុ​កីឡដ្ឋាន​ជាតិ​អូ​ឡាំ​ពិ​ក​ក្នុង​រាជធានី​ភ្នំពេញ​។​

​ធនាគារ​ ABA​ បាន​នឹង​កំពុង​គាំទ្រ​យ៉ាង​ពេញទំហឹង​ចំពោះ​វិស័យ​កីឡា​។​ ក្រៅពី​ក្រុមបាល់ទាត់​ជម្រើសជាតិ​ ធនាគារ​ក៏​ឧបត្ថម្ភ​សហព័ន្ធ​កីឡា​វាយ​កូន​បាល់​កម្ពុជា​ និង​ ITF​ Juniors​ Cup​ ក៏​ដូច​ជា​បាន​គាំទ្រ​កីឡា​យូ​ដូ​និង​កីឡា​ជិះសេះ​ផង​ដែរ​។​