ABA ខេត្តបន្ទាយមានជ័យទទួលបាន សាខាក្នុងស្រុកបន្ថែម ដើម្បីបម្រើអតិថិជន
04/Nov/2019
ដោយបន្តការប្តេជ្ញាចិត្ត ក្នុងការនាំយកសេវាធនាគារដែលមានគុណភាព ជូនដល់ប្រជាជននៅក្នុងតំបន់ជនបទ ធនាគារ ABA ថ្ងៃនេះ សូមប្រកាសបើកជាផ្លូវការ នូវសាខាថ្មីមួយទៀត ដើម្បីបម្រើអតិថិជននៅក្នុងស្រុក ព្រះនេត្រព្រះ ខេត្តបន្ទាយមានជ័យ។ វត្តមានរបស់សាខាថ្មីនេះ នឹងផ្តល់ភាពងាយស្រួលបន្ថែមដល់ប្រជាជនរស់នៅក្នុងតំបន់ ក៏ដូចជាជួយសន្សំពេលរបស់ពួកគេ ដោយមិនចាំបាច់ធ្វើដំណើរជាង 20គីឡូមែត្រ ដើម្បីមកប្រើប្រាស់សេវាធនាគារនៅក្នុងទីរួមខេត្តទៀតឡើយ។
ចាប់ពីពេលនេះតទៅ អ្នកស្រុកព្រះនេត្រព្រះ និងអ្នករស់នៅតំបន់ក្បែរៗនោះ អាចប្រើប្រាស់ផលិតផល និងសេវារបស់ធនាគារ ABA បានយ៉ាងពេញលេញ ដែលមានដូចជា កម្ចីអាជីវកម្មខ្នាតតូច កម្ចីសហគ្រាសខ្នាតតូចនិងមធ្យម គណនីបញ្ញើនិងសន្សំ កាតធនាគារ សេវាផ្ទេរប្រាក់ ធនាគារអនឡាញនិងតាមទូរស័ព្ទ និងការចូលប្រើប្រាស់គណនីរបស់ពួកគេតាមរយៈម៉ាស៊ីន ATM និងម៉ាស៊ីនដាក់ប្រាក់ដ៏ទំនើប 24ម៉ោងលើ 24ម៉ោង។ បុគ្គលិកជំនាញរបស់យើង ក៏មានវត្តមាននៅនឹងកន្លែងជាស្រេច ដើម្បីស្វាគមន៍អតិថិជន ផ្តល់ព័ត៌មាន ក៏ដូចជាជួយដល់អតិថិជនខណៈពេលដែលពួកគេមកប្រើសេវានៅក្នុងសាខាផងដែរ។
សាខាស្រុកថ្មីនេះ មានទីតាំងនៅក្នុងភូមិជប់ ឃុំជប់វារី ស្រុកព្រះនេត្រព្រះ ខេត្តបន្ទាយមានជ័យ។ លេខទំនាក់ទំនងសាខា 081 204 262។
គិតមកត្រឹមថ្ងៃទី4 ខែវិច្ឆិកា ឆ្នាំ2019 ធនាគារ ABA មានសាខាសរុបចំនួន 71 បំរើការជូនអតិថិជនទូទាំងប្រទេស។ ធនាគារក៏មានគម្រោងបើកសាខាថ្មីចំនួន 6 បន្ថែមទៀតក្នុងអំឡុងឆ្នាំនេះផងដែរ។