ធនាគារ ABA ស្វាគមន៍និស្សិតវិទ្យាស្ថាន CamEd ដោយបង្ហាញពីដំណើរផ្លាស់ប្តូរផ្នែកឌីជីថល
09/Mar/2023
ធនាគារ ABA បានរៀបចំទស្សនកិច្ចសិក្សា សម្រាប់ក្រុមនិស្សិតចំនួន 22 នាក់ និងសាស្ត្រាចារ្យនៃវិទ្យាស្ថាន CamEd ជាវិទ្យាស្ថានធុរកិច្ច គណនេយ្យ និងហិរញ្ញវត្ថុឈានមុខគេរបស់កម្ពុជា។ ដំណើរទស្សនកិច្ចនេះមានគោលបំណងផ្តល់ជូននិស្សិតនូវឱកាស ដើម្បីស្វែងយល់អំពីការផ្លាស់ប្តូរដំណើរឌីជីថលរបស់ធនាគារ ABA និងផ្នែកបច្ចេកវិទ្យាដែលជាដំណោះស្រាយធនាគារដ៏ទំនើប។
ទស្សនកិច្ចសិក្សានេះ លោក Zokhir Rasulov នាយកសេវាធនាគារឌីជីថលនៃធនាគារ ABA បានធ្វើបទបង្ហាញអំពីដំណើរផ្លាស់ប្តូរផ្នែកឌីជីថលរបស់ធនាគារ រួមទាំងការដំណើរការបណ្តាញឌីជីថលផ្សេងៗ ការធ្វើស្វ័យប្រវត្តិកម្មលើសេវាកម្មធនាគារ និងបច្ចេកវិទ្យាទំនើបផ្សេងទៀត។ បទបង្ហាញនេះក៏ត្រូវបានផ្សាយតាមប្រព័ន្ធអនឡាញ ដល់និស្សិតដទៃទៀតនៃវិទ្យស្ថាន CamEd ផងដែរ។
បន្ទាប់ពីការធ្វើបទបង្ហាញ និស្សិតបានទស្សនាជុំវិញអគារការិយាល័យរបស់ធនាគារ ដែលបង្ហាញឲ្យឃើញពីប្រតិបត្តិការរបស់នាយកដ្ឋានសេវាធនាគារឌីជីថល។ និស្សិតទាំងអស់ទទួលបានការយល់ដឹងកាន់តែស៊ីជម្រៅអំពីរបៀបដែលកិច្ចខិតខំប្រឹងប្រែងនៃផ្លាស់ប្តូរផ្នែកឌីជីថល ដែលបានធ្វើឲ្យ ABA អាចផ្តល់នូវដំណោះស្រាយធនាគារដ៏ទំនើប ដល់អតិថិជន។
ថ្លែងក្នុងទស្សនកិច្ចសិក្សានេះ លោក Ho Varabott សាស្ត្រាចារ្យនៃវិទ្យាស្ថាន CamEd បានថ្លែងអំណរគុណដល់បុគ្គលិកធនាគារ ដែលបានអនុញ្ញាតឲ្យលោក និងនិស្សិតទាំងអស់ទទួលបានបទពិសោធន៍ អំពីវិស័យធនាគារឌីជីថល ពីធនាគារដែលនាំមុខគេក្នុងវិស័យនេះ។
