ធនាគារ ABA គាំទ្រការប្រកួតកីឡាតេនីសយុវជន លើកដំបូង
08/Nov/2016
ធនាគារ ABA និងក្រុមហ៊ុនក្នុងស្រុកមួយចំនួនទៀត បានចូលរួមសហការណ៍ឧបត្ថម្ភការប្រកួតកីឡាតេនីស យុវជនលើកដំបូងក្នុងប្រទេស។ ការប្រកួតនេះបានចាប់ផ្តើមចាប់ពីថ្ងៃទី24 រហូតដល់ ថ្ងៃទី29 ខែតុលា ឆ្នាំ2016 ស្ថិតនៅក្នុងមជ្ឈមណ្ឌលកីឡាតេនីសជាតិ។នេះជាលើកទីមួយហើយដែលសហព័ន្ធកីឡាតេនីសកម្ពុជាបានរៀបចំការប្រកួតនេះឡើងហើយនេះជាជំហានថ្មីនៃវិស័យតេនីសកម្ពុជា។
អ្នកចូលរួមប្រកួតសរុបមាន 93នាក់ ប្រុសសរុប 58នាក់ និងស្រីចំនួន 35នាក់ ហើយកីឡាករដែលចូលរួមប្រកួតមានអាយុចាប់ពី13 ដល់ 18ឆ្នាំ។ អ្នកឈ្នះផ្នែកបុរសឈ្មោះ ឌីហ្គូ ហ្គាសៀ អាយុ 17ឆ្នាំ មកពីប្រទេស ហ្វីលីពីន ចំពោះនារីអ្នកឈ្នះមានឈ្មោះ ចាមមែន សៀ អាយុ 16ឆ្នាំ មកពីប្រទេសសង្ហបុរី។ អ្នកដែលទទួលជ័យលាភីនឹងទទួលបានពិន្ទុកសរុប 30ពិន្ទុ ដើម្បីទៅចូលរួមការប្រកួតនៅលំដាប់ថ្នាក់អន្តរជាតិកម្រិតយុវជន។
លោក អីហ្ក័រ ហ្សីម៉ារ៉េវ ប្រធានផ្នែកទីផ្សារ របស់ធនាគារ ABA បានលើកឡើងថា នេះជាក្តីសោមនស្សរីករាយបំផុតក្នុងការចូលរួមឧបត្ថម្ភព្រឹត្តិការណ៍នេះ ព្រោះថាកីឡានាំមកនូវសុខភាពល្អ មិត្តភាព និងការគោរពវិន័យ។ ធនាគារតែងតែគោរពគោលការណ៍របស់ខ្លួនដែលជួយជ្រោមជ្រែង និងគាំទ្រ សកម្មភាពទាំងឡាយណាដែលផ្តល់ផលប្រយោជន៍រីកលូតលាស់ដល់ ជីវភាព ជីវិតរស់នៅប្រចាំថ្ងៃ និងការអភិវឌ្ឍន៍របស់ប្រទេសកម្ពុជាទាំងមូល។
ព្រឹត្តិការណ៍នេះមិនត្រឹមតែផ្តល់ជាបទពិសោធន៍ដល់ប្រទេសកម្ពុជាជាម្ចាស់ផ្ទះទេវាថែមទាំងផ្តល់បទពិសោធន៍ថ្មីដល់កីឡាករកម្ពុជា 7នាក់ ទទួលបទពិសោធន៍ក្នុងការប្រកួតបែបអន្តរជាតិដូចនេះផងដែរ។ ការប្រកួតកីឡាតេនីសយុវជនលើកដំបូងនេះនឹងជាមធ្យោបាយមួយទៀតដើម្បីឈានដល់ការប្រកួតនានាក្នុងស្រុក។
លោក ទេព រិទ្ធីវិត ប្រធានសហព័ន្ធកីឡាតេនីកម្ពុជាមានប្រសាសន៍ថា ការកើនឡើងនូវការប្រកួតកីឡានានាបានបង្កើតជាព្រឹតិ្តការណ៍ដ៏សំខាន់មួយព្រោះថាវាបង្កើតឲមានការយល់ដឹងបន្ថែម អំពីសុខភាព និង ការរស់នៅដ៏មានខ្លឹមសារ។លោកក៏បានបន្ថែមថា ការប្រកួតនេះក៏ពង្រឹងនូវតួនាទីរបស់កីឡាមានសារះសំខាន់ ហើយមិនត្រឹមតែប៉ុណ្ណោះការប្រកួតក៏បន្ថែម កិតិ្តស័ព្ទរបស់ប្រទេសកម្ពុជាទៅដល់សកលលោកផងដែរ។ការលេងកីឡាគួរចាប់ផ្តើមពីវ័យកុមារ ហើយយើងរាល់គ្នាគួរតែមានទម្លាប់ក្នុងការលេងកីឡាជាប្រចាំ។
