ធនាគារ ABA ពង្រីកបន្ថែមសាខាស្រុកចំនួន 4
04/Jul/2017
ដោយអនុវត្តតាមយុទ្ធសាស្ត្រនៃការពង្រីកសាខា“ស្ថិតនៅកាន់តែជិតអតិថិជន” ធនាគារ ABA បានដាបើកសាខាថ្មីចំនួន4 គឺសាខាក្រុងបាវិត, សាខាស្រុកឧដុង្គ, សាខាស្រុកស្អាង, និងសាខាស្រុកមោងឫស្សី។
ចាប់ពីពេលនេះតទៅ អតិថិជនដែលរស់នៅតាមស្រុកទាំងនេះ ពុំចាំបាច់ធ្វើដំណើរឆ្ងាយដើម្បីទទួលបានដំណោះស្រាយហិរញ្ញវត្ថុទំនើបទៀតឡើយ។ ដោយមានទីតាំងស្ថិតនៅចំទីប្រជុំជនដែលមានប្រជាពលរដ្ឋរស់នៅច្រើន សាខាក្រុងបាវិត, សាខាស្រុកឧដុង្គ, សាខាស្រុកស្អាង, និងសាខាស្រុកមោងឫស្សីរបស់ធនាគារ ABA មានផ្ដល់សេវាកម្មនិងផលិតផលធនាគារពេញលេញដែលរួមមាន កម្ចីមីក្រូអាជីវកម្ម, ប្រភេទគណនីផ្សេងៗ, កាតទូទាត់ឥណទាន/ឥណពន្ធ, សេវាកម្មផ្ទេរប្រាក់រហ័ស, ហិរញ្ញប្បទានពាណិជ្ជកម្ម, និងសេវាផ្សេងៗជាច្រើនទៀត។ បន្ថែមពីលើនេះទៀតអតិថិជនក៏អាចទទួលភាពរីករាយជាមួយសេវាស្វ័យធនាគាររបស់ ABA ដែលរួមមានម៉ាស៊ីនអេធីអឹម, ម៉ាស៊ីនដាក់សាច់ប្រាក់, សេវាធនាគារតាមអុីនធឺណិត, និងកម្មវិធីធនាគារតាមទូរស័ព្ទដៃដែលជួយបំពេញតម្រូវការសេវាធនាគារប្រចាំថ្ងៃរបស់អតិថិជន។ ដើម្បីផ្តល់សេវាកម្មដ៏ប្រសើរដល់អតិថិជន ធនាគារ ABA មានសេវាបម្រើអតិថិជន 24 ម៉ោងលើ 24 ម៉ោង ដែលអាចទំនាក់ទំនងតាមទូរស័ព្ទ និងឆាតតាមអនឡាញ។
សាខាទាំងថ្មីទាំង 4 មានបញ្ជរផ្ដល់សេវាងាយស្រួល, កន្លែងបម្រើអតិថិជនធំទូលាយ, និងបន្ទប់ វី អាយ ភី សម្រាប់ផ្តល់ផាសុកភាពដល់អតិថិជន។ បន្ថែមពីលើនេះយើងមានបុគ្គលិកដែលមានចំណេះ និងជំនាញសម្រាប់ជួយណែនាំអតិថិជនពីផលិតផល និងសេវានានារបស់ធនាគារ។
ខាងក្រោមនេះជាអាសយដ្ឋានសាខាថ្មីរបស់យើងខ្ញុំ៖
- សាខាស្រុកមោងឫស្សី៖ ភូមិគារ 3 ឃុំគារ ស្រុកមោងឫស្សី ខេត្តបាត់ដំបង។ លោកអ្នកក៏អាចទាក់ទំនងតាមទូរស័ព្ទលេខ098 203 459។
- សាខាក្រុងបាវិត៖ ផ្លូវជាតិលេខ 1 ភូមិបាវិតលើ សង្កាត់បាវិត ក្រុងបាវិត ខេត្តស្វាយរៀង។ លោកអ្នកក៏អាចទាក់ទងតាមទូរស័ព្ទលេខ098 203 389។
- សាខាស្រុកឧដុង្គ៖ ផ្លូវជាតិលេខ 5 ភូមិស្រះកែវ ឃុំវាំងចាស់ ស្រុកឧដុង្គ ខេត្តកំពង់ស្ពឺ។ លោកអ្នកក៏អាចទាក់ទងតាមទូរស័ព្ទលេខ 098 203 379។
- សាខាស្រុកស្អាង៖ ភូមិព្រែករុន ឃុំព្រែកគយ ស្រុកស្អាង ខេត្តកណ្តាល។ លោកអ្នកក៏អាចទាក់ទងតាមទូរស័ព្ទលេខ 098 203 369។
មកដល់ដើមខែកក្កដា នេះ ធនាគារ ABA មានសាខាសរុប ចំនួន49 ទូទាំងប្រទេស។ ដោយអនុវត្តតាមយុទ្ធសាស្ត្រក្នុងការពង្រីកសាខា ធនាគារ ABA គ្រោងនឹងបើកសាខា 6 បន្ថែមទៀតរហូតដល់បំណាច់ឆ្នាំនេះ ទៅដល់ទីរួមស្រុកនានាដែលមានតម្រូវការខ្ពស់ក្នុងការប្រើប្រាស់សេវាកម្មហិរញ្ញវត្ថុទំនើប។
