ធនាគារ ABA ពង្រឹងសុវត្ថិភាពនៃការទូទាត់អន្តរជាតិ តាមរយៈការវាយតម្លៃកម្មវិធីសុវត្ថិភាពអតិថិជន Swift
07/Oct/2026
ធនាគារ ABA មានមោទនភាព សូមប្រកាសអំពីការបញ្ចប់ការវាយតម្លៃឯករាជ្យដោយជោគជ័យ នៃកម្មវិធីសុវត្ថិភាពអតិថិជន Swift (CSP) ឆ្នាំ 2026 ដែលបញ្ជាក់ឡើងវិញនូវប្តេជ្ញាចិត្តរបស់ខ្លួនទៅលើប្រតិបត្តិការទូទាត់អន្តរជាតិប្រកបដោយសុវត្ថិភាព និងភាពធន់។
សម្រាប់អតិថិជន នេះមានន័យថាការផ្ទេរប្រាក់អន្តរជាតិរបស់ពួកគេត្រូវបានការពារដោយវិធានការសន្តិសុខដ៏រឹងមាំ ដែលស្របទៅតាមតម្រូវការសន្តិសុខសកលរបស់ Swift ដែលជួយការពារប្រតិបត្តិការទូទាត់ និងកាត់បន្ថយហានិភ័យសុវត្ថិភាពតាមប្រព័ន្ធអ៊ីនធឺណែត។
ការវាយតម្លៃនេះ បានធ្វើឡើងដោយក្រុមហ៊ុន AGES ដែលជាស្ថាប័នវាយតម្លៃ ដ៏ល្បីល្បាញក្នុងប្រទេសសិង្ហបុរី ដែលបានបញ្ជាក់អំពីការអនុលោមតាមយ៉ាងពេញលេញរបស់ ABA ជាមួយនឹងវិធានការចាំបាច់។ ការវាយតម្លៃឯករាជ្យនេះ នឹងធានាការការពារទៅលើធនាគារ អតិថិជន និងប្រតិបត្តិការទូទាត់ជាមួយ Swift។
ការវាយតម្លៃជាមួយលទ្ធផលវិជ្ជមាននេះ បានបន្តពង្រឹងសុវត្ថិភាព និងភាពធន់នៃប្រតិបត្តិការទូទាត់អន្តរជាតិរបស់ ABA ដោយគាំទ្រដល់ការបន្តទូទាត់ ព្រមទាំងពង្រឹងគោលការណ៍សន្តិសុខតាមប្រព័ន្ធអ៊ីនធឺណែតរបស់ធនាគារផងដែរ។
លោកស្រី ហៀន ប៉ូលីនដា ជានាយិកាធុរកិច្ចអន្តរជាតិនៃធនាគារ ABA មានប្រសាសន៍ថា “ការបញ្ចប់ការវាយតម្លៃដោយជោគជ័យ នៃកម្មវិធីសុវត្ថិភាពអតិថិជន Swift នេះ បានបញ្ជាក់អំពីការអនុលោមតាមយ៉ាងពេញលេញរបស់ ABA ជាមួយនឹងវិធានការចាំបាច់របស់ Swift ដែលបន្តពង្រឹងការប្តេជ្ញាចិត្តរបស់យើងខ្ញុំទៅលើការការពារការទូទាត់អន្តរជាតិ ការពារអតិថិជន និងពង្រឹងភាពធន់ពីហានិភ័យសុវត្ថិភាពតាមប្រព័ន្ធអ៊ីនធឺណែត។
សមិទ្ធផលនេះ គូសបញ្ជាក់អំពីគោលការណ៏សុវត្ថិភាពតាមប្រព័ន្ធអ៊ីនធឺណែតយ៉ាងរឹងមាំរបស់យើងខ្ញុំ និងការប្តេជ្ញាចិត្តក្នុងការផ្តល់សេវាធនាគារដែលមានសុវត្ថិភាព និងមានទំនុកចិត្តជូនអតិថិជនគ្រប់រូប”។ សម្លឹងទៅមុខ ABA នឹងបន្តពង្រឹងគោលការណ៍សន្តិសុខតាមប្រព័ន្ធអ៊ីនធឺណែត ការការពារព័ត៌មានអតិថិជន និងគាំទ្រការផ្តល់នូវសេវាទូទាត់អន្តរជាតិប្រកបដោយសុវត្ថិភាព។
