ធនាគារ ABA ឧបត្ថម្ភពិធី សំណេះសំណាល និងពិសាភោជនាយហារសាមគ្គី របស់សមាគម FASMECដើម្បីជំរុញសហគ្រាសធុនតូច និងមធ្យមក្នុងស្រុក
30/Jun/2025
ធនាគារ ABA ដែលជាធនាគារពាណិជ្ជធំជាងគេនៅកម្ពុជា បានគាំទ្រដល់សមាគមមូលនិធិសម្តេចតេជោ និងសម្ព័ន្ធសមាគមសហគ្រាសធុនតូច និងមធ្យមកម្ពុជា (FASMEC) ក្នុង ពិធីសំណេះសំណាល និងពិសាភោជនាហារសាមគ្គី មហាគ្រួសារសហគ្រាសធុនតូច មធ្យម និងសិប្បកម្មកម្ពុជា 2025។ កម្មវិធីនេះបានធ្វើឡើងនៅរាជធានីភ្នំពេញនៅថ្ងៃទី២៧ ខែមិថុនា ឆ្នាំ២០២៥។
កម្មវិធីនេះបានរៀបចំឡើងដើម្បីពង្រឹងទំនាក់ទំនងរវាងរដ្ឋាភិបាល និងវិស័យឯកជន ដែលបានប្រព្រឹត្តណ៍ទៅដោយជោគជ័យយ៉ាងខ្លាំង។ កម្មវិធីនេះបានផ្តល់ជាផ្លែតហ្វមមួយសម្រាប់ម្ចាស់អាជីវកម្មបង្កើតទំនាក់ទំនង ភាពជាដៃគូថ្មី និងស្វែងរកឱកាសដើម្បីបង្កើនគុណភាពនៃផលិតផលក្នុងស្រុក និងឈានដល់ស្តង់ដារអន្តរជាតិ។
ព្រឹត្តិការណ៍ដ៏មានកិត្យានុភាពនេះ ធ្វើឡើងដោយវត្តមានដ៏ថ្លៃថ្លារបស់សម្តេច ធីបតី ហ៊ុន ម៉ាណែត នាយករដ្ឋមន្ត្រីនៃប្រទេសកម្ពុជា រួមជាមួយនឹងសហគ្រាសក្នុងស្រុកជាច្រើន ដែលបង្ហាញពីការប្តេជ្ញាចិត្តរបស់រដ្ឋាភិបាលក្នុងការជួយដល់ការរីកចម្រើននៃវិស័យសហគ្រាសធុនមីក្រូ តូច និងមធ្យម ដ៏សំខាន់របស់កម្ពុជា។
ធនាគារ ABA មានរៀបចំបញ្ជរក្នុងព្រឹត្តិការណ៍នេះ ជាមួយនឹងក្រុមការងារ ដែលបានផ្តល់ព័ត៌មានបន្ថែម អំពីសេវាកម្ម និងផលិតផលរបស់ធនាគារដល់សហគ្រាស និងបុគ្គលពាក់ព័ន្ធផ្សេងៗ ដោយផ្តោតសំខាន់ទៅលើកម្ចីឥណទាន ដែលត្រូវបានបង្កើតឡើងជាពិសេសដើម្បីបំពេញតម្រូវការរបស់សហគ្រាសធុនមីក្រូ តូច និងមធ្យម ។
ធនាគារ ABA នៅតែបន្តប្តេជ្ញាចិត្តគាំទ្ររដ្ឋាភិបាលកម្ពុជា និងសហគ្រាសក្នុងស្រុក ដោយផ្តល់នូវដំណោះស្រាយហរិញ្ញវត្ថុនវានុវត្ត និងការណែនាំចង្អុលបង្ហាញពីក្រុមការងារជំនាញ ដែលអនុញ្ញាតឲ្យពួកគាត់អភិវឌ្ឍអាជីវកម្មបានរីកចម្រើនពេញលេញ។
