ធនាគារ ABA ទទួលបានពានរង្វាន់ចំនួន 10 ពីក្រុមហ៊ុន VISA សម្រាប់ភាពឈានមុខក្នុងទីផ្សារកម្ពុជា
22/Feb/2024
ធនាគារ ABA ទទួលបានពានរង្វាន់ឈានមុខចំនួន 10 ពីក្រុមហ៊ុន VISA ដែលជាក្រុមហ៊ុនផ្តល់សេវាទូទាត់បែបឌីជីថលនាំមុខគេរបស់ពិភពលោក។ ពានរង្វាន់នេះ បានបង្ហាញពីការប្តេជ្ញាចិត្តឥតងាករេរបស់ ABA ក្នុងការជំរុញកំណើននៃការទូទាត់ដោយមិនប្រើសាច់ប្រាក់ និងបរិយាប័ន្នហិរញ្ញវត្ថុនៅកម្ពុជាក្នុងឆ្នាំ 2023។
ABA ទទួលបានពានរង្វាន់ទាំងនេះនៅក្នុងព្រឹត្តិការណ៍ VISA Client Appreciation 2023។ ព្រឹត្តិការណ៍ប្រចាំឆ្នាំនេះ ត្រូវបានរៀបចំឡើង ដើម្បីអបអរសាទរ និងអរគុណដល់ធនាគារទាំងអស់ ដែលបានចូលរួមចំណែកដល់ភាពរីកចម្រើននៃផលិតផល VISA ជាពិសេស ការដាក់ឲ្យប្រើប្រាស់ និងការលើកកម្ពស់ការទូទាត់បែបឌីជីថលនៅកម្ពុជា។
ការយកចិត្តទុកដាក់របស់ធនាគារ ABA ចំពោះឧត្តមភាពក្នុងទីផ្សារ ត្រូវបានទទួលស្គាល់តាមរយៈការទទួលបានពានរង្វាន់ចំនួន 10 ក្នុងព្រឹត្តិការណ៍របស់ក្រុមហ៊ុន VISA នេះ៖
- Leadership in Spend per Active Card for VISA Debit in Affluent Segment 2023;
- Leadership in Total Active Terminal 2023;
- Leadership in Consumer Debit Payment Volume 2023;
- Leadership in Debit Activation Rate 2023;
- Leadership in Credit Activation Rate 2023;
- Leadership in E-commerce Merchant Sales Volume 2023;
- Leadership in Active Net New Merchant Onboarded 2023;
- Leadership in Domestic Merchant Sales Volume 2023;
- Champion in Innovation 2023;
- Champion in Impactful Usage Campaign 2023.
ABA បានទទួលតំណែងជាជ័យលាភីចំនួន 2 បន្ថែមក្នុងឆ្នាំនេះ បានគូសបញ្ជាក់ពីវិធីសាស្ត្រប្រកបដោយនវានុវត្តរបស់ខ្លួន ក្នុងការអភិវឌ្ឍដំណោះស្រាយទូទាត់ថ្មី និងបង្ហាញពីយុទ្ធនាការដ៏ជោគជ័យ ដើម្បីលើកទឹកចិត្តដល់ការប្រើប្រាស់កាតនៅលើទីផ្សារកម្ពុជា។
លោក Sanzhar Abdullayev នាយកកាត និងសេវាទូទាត់អេឡិកត្រូនិក មានប្រសាសន៍ថា៖ “យើងមានកិត្តិយសណាស់ដែលបានទទួលរង្វាន់ពី VISA។ ពានរង្វាន់នេះឆ្លុះបញ្ចាំងពីការរីកចម្រើននៃដំណោះស្រាយទូទាត់ដោយមិនប្រើសាច់ប្រាក់ក្នុងទីផ្សារកម្ពុជា ក៏ដូចជាអ្វីដែលធនាគារយើងប្តេជ្ញាចិត្តយ៉ាងមុតមាំ។ ការទទួលស្គាល់នេះ ជំរុញទឹកចិត្តយើងខ្ញុំឲ្យពង្រីកការប្រើប្រាស់សេវាហិរញ្ញវត្ថុ និងបរិយាប័ន្នហិរញ្ញវត្ថុបន្ថែមទៀត"។
ថ្មីៗនេះ ABA បានក្លាយជាធនាគារដំបូងគេក្នុងប្រទេសកម្ពុជា ដែលដាក់ឲ្យប្រើប្រាស់នូវម៉ាស៊ីនកាត ដែលអតិថិជនអាចបើកកាតបានភ្លាមៗ។ ម៉ាស៊ីននេះអនុញ្ញាតឲ្យអ្នកប្រើប្រាស់ ABA Mobile ទទួលបានកាតក្នុងរយៈពេលតិចជាង 2 នាទី ដោយមិនត្រូវការជំនួយពីបុគ្គលិកសាខាឡើយ៕
