ធនាគារ ABA បើកសាខាចំនួន បួន បន្ថែមទៀតនៅរាជធានីភ្នំពេញ និងខេត្តត្បូងឃ្មុំ
01/Aug/2024
ធនាគារ ABA សូមប្រកាសបើកសាខាថ្មីជាផ្លូវការ ដែលពីរសាខាស្ថិតក្នុងរាជធានីភ្នំពេញ និងពីរសាខាទៀតស្ថិតក្នុងខេត្តត្បូងឃ្មុំ។ ការពង្រីកសាខានេះ បានឆ្លុះបង្ហាញឲ្យឃើញពីការប្តេជ្ញាចិត្តរបស់ធនាគារ ក្នុងការឆ្លើយតបទៅនឹងតម្រូវការអតិថិជន និងការផ្តល់សេវាកម្មធនាគារប្រកបដោយភាពងាយស្រួល និងគុណភាពខ្ពស់។
សាខាថ្មីទាំងបួន ស្ថិតនៅ ខណ្ឌកំបូល ខណ្ឌចំការមន ក្នុងរាជធានីភ្នំពេញ និង ស្រុកពញ្ញាក្រែក ស្រុកអូរាំងឪ ក្នុងខេត្តត្បូងឃ្មុំ ដែលមានការដំណើរការរៀងរាល់ថ្ងៃច័ន្ទ ដល់ថ្ងៃសុក្រ ចាប់ពីម៉ោង 8 ព្រឹក ដល់ ម៉ោង 4 ល្ងាច។
សាខាទាំងបួននេះ ក៏ផ្តល់ជូនអតិថិជននូវផលិតផលនិងសេវាកម្មរបស់ធនាគារ ABA ជាច្រើនដូចជា សេវាបង្កើតគណនីបញ្ញើនិងសន្សំ សេវាកម្ចីនិងកាតទូទាត់ និងសេវាកម្មធនាគារអនឡាញ។ បុគ្គលិកធនាគារដែលមានវិជ្ជាជីវៈខ្ពស់ ក៏បានត្រៀមខ្លួនរួចជាស្រេចបម្រើប និងពន្យល់ណែនាំអតិថិជនអំពី សេវាកម្មធនាគារផងដែរ។
អតិថិជននឹងធានាបាននូវដំណើរការរហ័សនិងងាយស្រួល ជាមួយនឹងម៉ាស៊ីនស្វ័យសេវាទំនើបៗដូចជា ម៉ាស៊ីនដាក់ប្រាក់ ម៉ាស៊ីន ATM ម៉ាស៊ីនដក-ដាក់ប្រាក់ (CRM) ម៉ាស៊ីនបើកកាត និងម៉ាស៊ីនដាក់មូលប្បទានប័ត្រ នៅសាខាទាំងនេះ។
ព័ត៌មានលម្អិតរបស់សាខាថ្មីមានដូចខាងក្រោម៖
- សាខាខណ្ឌកំបូល – អគារលេខ 175, 177, 179 & 180 ផ្លូវជាតិលេខ 4 ភូមិព្រៃបឹង សង្កាត់កន្ទោក ខណ្ឌកំបូល ទីក្រុងភ្នំពេញ។ លេខទំនាក់ទំនង 098 205 981
- សាខាខណ្ឌចំការមន – អគារលេខ 228 មហាវិថីព្រះនរោត្តម ភូមិ 10 សង្កាត់ទន្លេបាសាក់ ខណ្ឌចំការមន ទីក្រុងភ្នំពេញ។ លេខទំនាក់ទំនង 098 205 583
- សាខាស្រុកពញ្ញាក្រែក – ផ្លូវជាតិលេខ 7 ភូមិកណ្តោលកោង ឃុំកោងកាង ស្រុកពញ្ញាក្រែក ខេត្តត្បូងឃ្មុំ។ លេខទំនាក់ទំនង 098 205 871
- សាខាស្រុកអូរាំងឪ – អគារលេខ 499 & 511 ផ្លូវជាតិលេខ 11 ភូមិទំនាប ឃុំគងជ័យ ស្រុកអូរាំងឪ ខេត្តត្បូងឃ្មុំ។ លេខទំនាក់ទំនង 098 205 619
យើងខ្ញុំសូមស្វាគមន៍អតិថិជនទាំងអស់គ្នានៅសាខាថ្មីទាំង 4 របស់ធនាគារ ABA!
