ធនាគារ ABA បន្តពង្រីកខ្លួនជាមួយសាខាថ្មី 3 កន្លែងទៀត
26/Jul/2018
ដោយជាផ្នែកមួយនៃយុទ្ធសាស្ត្រអភិវឌ្ឍពាណិជ្ជកម្ម និងការពង្រីកភូមិសាស្ត្រប្រតិបត្តិការការងាររបស់ខ្លួន ធនាគារ ABA បានបើកជាផ្លូវការនូវសាខាចំនួន 3 ទៀតនៅក្នុងតំបន់ជ្រោយចង្វារ នៃក្រុងភ្នំពេញ ក៏ដូចជាស្រុកមុខកំពូល នៃខេត្តកណ្តាល និងស្រុកស្វាយជ្រំ នៃខេត្តស្វាយរៀង ដើម្បីពាំនាំសេវាធនាគារឲ្យកាន់តែខិតទៅជិតប្រជាពលរដ្ឋ និងអាជីវកម្មដែលមាននៅតាមបណ្តាតំបន់ទាំងនោះ។
សាខាថ្មីនីមួយៗ មានទីតាំងសម្រាប់ចំណតយានយន្ត កន្លែងរង់ចាំ និងបញ្ជរបម្រើអតិថិជនធំទូលាយ ដើម្បីធានាឲ្យបាននូវផាសុកភាព និងភាពងាយស្រួលរបស់អតិថិជន ក៏ដូចជាតម្រូវការភាពឯកជនរបស់ពួកគេផងដែរ។ បុគ្គលិករបស់យើងដែលប្រកបដោយជំនាញវិជ្ជាជីវៈ និងការយកចិត្តទុកដាក់ រង់ចាំស្វាគមន៍និងឆ្លើយតបរាល់សំណួរដែលទាក់ទងនឹងផលិតផលនិងសេវានានារបស់ធនាគារ ក្នុងនោះរួមមានគណនីបញ្ញើ, ប្រាក់កម្ចី, សេវាផ្ទេរប្រាក់, និងបទពិសោធនានាជុំវិញការប្រើប្រាស់សេវាធនាគារតាមទូរស័ព្ទដៃ។
លើសពីនេះទៅទៀត សាខាទាំងនេះ ក៏មានបំពាក់ទៅដោយម៉ាស៊ីនស្វ័យធនាគារដែលទំនើបៗ ដូចជាម៉ាស៊ីនដាក់ប្រាក់ និងទូ ATM ដែលអាចឲ្យអតិថិជនប្រើគណនីរបស់ពួកគេ 24ម៉ោង លើ24ម៉ោង។
លើកក្រោយពេលដែលអ្នកបានទៅដល់តំបន់ទាំងនោះ សូមអញ្ជើញចូលទៅកាន់សាខាថ្មីៗរបស់យើង និងរីករាយជាមួយសេវាធនាគារយើងខ្ញុំតាមអាសយដ្ឋានដូចខាងក្រោម៖
1. សាខាស្រុកមុខកំពូល – ភូមិក្រោម ឃុំព្រែកអញ្ចាញ ស្រុកមុខកំពូល ខេត្តកណ្តាល។ សាខានេះអាចទាក់ទងបានតាមលេខ 098 203 159។
2. សាខាស្រុកស្វាយជ្រំ – ភូមិធ្លក ឃុំក្រោលគោ ស្រុកស្វាយជ្រំ ខេត្តស្វាយរៀង។ លេខទូរស័ព្ទរបស់សាខានេះគឺ 098 203 349។
3. សាខាជ្រោយចង្វារ – អគារលេខ 16, 17, 18, 19, ភូមិ 3, សង្កាត់ជ្រោយចង្វារ ខណ្ឌជ្រោយចង្វារ ក្រុងភ្នំពេញ។ លេខទំនាក់ទំនងគឺ 098 203 889។
គិតត្រឹមខែកក្កដា ឆ្នាំ2018 ធនាគារ ABA មានសាខាទាំងអស់ចំនួន 59 បើកដំណើរការនៅទូទាំងប្រទេស ខណៈពេលដែល 7 សាខាទៀតកំពុងគ្រោងបើកត្រឹមដំណាច់ឆ្នាំនេះ។
