ABA ណែនាំសាខាថ្មី ចំនួនពីរ ក្នុងរាជធានីភ្នំពេញ ដើម្បីបង្កើនភាពងាយស្រួលក្នុងការប្រើប្រាស់សេវាធនាគារ
05/May/2025
ធនាគារ ABA ប្រកាសបើកសាខាថ្មីចំនួនពីរជាផ្លូវការ ក្នុងតំបន់អូរបែកក្អម និងតំបន់ច្បារអំពៅ 2 (សង្កាត់និរោធ) ក្នុងរាជធានីភ្នំពេញ។ ការពង្រីកសាខានេះ បានឆ្លុះបញ្ចាំងឲ្យឃើញពីការប្តេជ្ញាចិត្តរបស់ធនាគារ ក្នុងការឆ្លើយតបទៅនឹងតម្រូវការអតិថិជន និងការផ្តល់សេវាកម្មធនាគារប្រកបដោយភាពងាយស្រួល និងគុណភាពខ្ពស់។
ដូចសព្វដង សាខាថ្មីនេះមានផ្តល់នូវសេវាកម្ម និងផលិតផលរបស់ធនាគារ ជាច្រើនរួមមានគណនីបញ្ញើ ប្រាក់កម្ចីបុគ្គល ឬកម្ចីអាជីវកម្ម សេវាផ្ទេរប្រាក់ និងសេវាកម្មធនាគារអនឡាញជាដើម។ សាខានេះផ្តល់ជូនទីតាំងចំណតរថយន្ត និងកន្លែងអង្គុយរង់ចាំទូលំទូលាយ បន្ទប់ VIP ធំៗ និងបុគ្គលិកដែលមានជំនាញវិជ្ជាជីវៈ ដើម្បីបម្រើអតិថិជនប្រកបដោយបទពិសោធន៍ធនាគារដ៏មានគុណភាព។
បន្ថែមពីនេះទៀត សាខាថ្មីទាំងពីរក៏បានបំពាក់ជាមួយនឹងទីតាំងស្វ័យសេវា 24/7 ដែលមានម៉ាស៊ីន ATM ម៉ាស៊ីនដាក់ប្រាក់ ម៉ាស៊ីនដាក់/ដកប្រាក់ ម៉ាស៊ីនដាក់មូលប្បទានប័ត្រ និងម៉ាស៊ីនបើកកាត ដែលផ្តល់ជម្រើសដល់អតិថិជនក្នុងការប្រើប្រាស់គណនីធនាគាររបស់ខ្លួន គ្រប់ពេលវេលា ដោយមិនបាច់ត្រូវការជំនួយពីបុគ្គលិកសាខា។
អញ្ជើញមកកាន់សាខាថ្មី និងរីករាយជាមួយសេវាកម្មរបស់យើង តាមអាសយដ្ឋានខាងក្រោម៖
- ABA សាខាអូរបែកក្អម ស្ថិតនៅកែងផ្លូវ 2004 និងផ្លូវសាលារៀន Northbridge ភូមិស្លែងរលីង សង្កាត់អូរបែកក្អម ខណ្ឌសែនសុខ ទីក្រុងភ្នំពេញ។ លេខទំនាក់ទំនង 098 203 094។
- ABA សាខានិរោធ ស្ថិតនៅអគារលេខ 29A និង 29B ផ្លូវជាតិលេខ1 ភូមិបឹងឈូក សង្កាត់និរោធ ខណ្ឌច្បារអំពៅ ទីក្រុងភ្នំពេញ។ លេខទំនាក់ទំនង 098 203 045។
យើងសូមស្វាគមន៍អតិថិជនទាំងអស់គ្នាមកកាន់សាខាថ្មីទាំង 2 របស់ធនាគារ ABA!
