ABA ទទួលបាន វិញ្ញាបនបត្រអនុលោមភាពសារពើពន្ធ ប្រភេទ “មាស” ពី អគ្គនាយកដ្ឋានពន្ធដារ បួនលើកជាប់គ្នា
28/Oct/2024

ធនាគារ ABA ដែលជាធនាគារពាណិជ្ជធំជាងគេ1 និងជាប់ជាសហគ្រាសបង់ពន្ធច្រើនជាងគេនៅកម្ពុជា បានទទួល វិញ្ញាបនបត្រ អនុលោមភាពសារពើពន្ធ ប្រភេទ “មាស” ពី អគ្គនាយកដ្ឋានពន្ធដារ (GDT) រយៈពេល 2 ឆ្នាំ សម្រាប់ ឆ្នាំជាប់ពន្ធ 2025 ដល់ 2026។
វិញ្ញាបនបត្រនេះ បានគួសបញ្ជាក់ពីវឌ្ឍនភាពរបស់ធនាគារយ៉ាងខ្ជាប់ខ្ជួន តាមបទប្បញ្ញត្តិពន្ធដាររបស់ ប្រទេសដោយបង់ពន្ធជូនរដ្ឋពេញលេញ ប្រកបដោយតម្លាភាព ។
ការទទួលបានវិញ្ញាបនបត្រចំនួនប្រាំបីឆ្នាំជាប់ៗគ្នានេះ ឆ្លុះបញ្ជាំងពីការប្តេជ្ញាចិត្តឥតងាករេរបស់ ABA ក្នុងការរក្សាតម្លាភាពក្នុងអភិបាលកិច្ចពន្ធសាជីវកម្មល្អ តាមរយៈការបំពេញកាតព្វកិច្ចបង់ពន្ធដារជូនរដ្ឋ ។
ABA តែងតែជាអ្នករួមចំណែកយ៉ាងសំខាន់ដល់ថវិការជាតិតាមរយៈការបង់ពន្ធជូនរដ្ឋ។ ជាក់ស្តែង ចាប់តាំងពីឆ្នាំ 2009 ដល់ ឆ្នាំ 2024 ធនាគារបានបង់ពន្ធប្រមាណ 446 លានដុល្លារអាមេរិក ដើម្បីជំរុញកិច្ចខិតខំប្រឹងប្រែងរបស់រដ្ឋាភិបាលក្នុងការអភិវឌ្ឍន៍ហេដ្ឋារចនាសម្ព័ន្ធ និងបម្រើតម្រូវការជូនប្រជាពលរដ្ឋខ្មែរគ្រប់រូប។
1ABA គឺជាធនាគារពាណិជ្ជធំជាងគេនៅកម្ពុជា គិតលើទ្រព្យសកម្មសរុប ប្រាក់បញ្ញើ និងប្រាក់កម្ចី យោងតាមរបាយការណ៍ត្រួតពិនិត្យរបស់ធនាគារជាតិនៃកម្ពុជាឆ្នាំ 2021-2023។