ធនាគារ ABA ពង្រីកសាខាបន្ថែមនៅតំបន់ព្រែកព្នៅ រាជធានីភ្នំពេញ និងស្រុកបវេល ខេត្តបាត់ដំបង
15/Jan/2024
ធនាគារ ABA ប្រកាសបើកសាខាបន្ថែមរបស់ខ្លួនជាផ្លូវការនៅសង្កាត់ព្រែកព្នៅ រាជធានីភ្នំពេញ និងស្រុកបវេល ខេត្តបាត់ដំបង ដើម្បីជាកិច្ចឆ្លើយតបទៅនឹងកំណើនដែលបន្ដកើនឡើងសម្រាប់តម្រូវការសេវាធនាគារប្រកបដោយគុណភាពខ្ពស់នៅក្នុងតំបន់ទាំងនេះ។
សាខាថ្មីនេះ ផ្ដល់នូវផលិតផល និងសេវាកម្មផ្សេងៗច្រើនប្រភេទ និងបើកទទួលអតិថិជនពីថ្ងៃចន្ទ ដល់ថ្ងៃសុក្រ ចាប់ពីម៉ោង 8 ព្រឹក ដល់ 4 រសៀល។ អតិថិជនដែលរស់នៅក្បែរតំបន់ទាំងពីរខាងលើ ឥឡូវ អាចចូលប្រើប្រាស់ផលិតផល និងសេវាកម្មនានារបស់ ABA បានយ៉ាងងាយស្រួល ដូចជាគណនីសន្សំ, គណនីដាក់ប្រាក់, កម្ចីអាជីវកម្ម, កាតឥណទាន និងឥណពន្ធ, សេវាធនាគារអនឡាញ ព្រមទាំងប្រឹក្សាជាមួយបុគ្គលិកជំនាញរបស់ ABA សម្រាប់ជំនួយផ្សេងៗផងដែរ។
សាខា ABA ខណ្ឌព្រែកព្នៅ និងស្រុកបវេល មានបំពាក់នូវឧបករណ៍ស្វ័យសេវាទំនើបៗ ដូចជា ម៉ាស៊ីន ATM, ម៉ាស៊ីនដាក់ប្រាក់ និងម៉ាស៊ីនដាក់/ដកប្រាក់ ដើម្បីសម្រួលដល់ការចូលប្រើសេវាធនាគាររបស់អតិថិជនបានគ្រប់ពេលវេលា។ សាខាក៏មាន ម៉ាស៊ីនបើកកាត ដែលអតិថិជនអាចបើកកាត Visa, Mastercard, UPI និងកាត CSS ដោយខ្លួនឯង។ ដំណើរការបើកកាតចាយពេលមិនដល់ពីរនាទី ហើយមិនចាំបាច់មានការបើកជូនដោយបុគ្គលិកឡើយ។
សាខា ABA ខណ្ឌព្រែកព្នៅ មានទីតាំងនៅលើផ្លូវជាតិលេខ 5 ភូមិ ពោធិ៍មង្គល សង្កាត់ព្រែកព្នៅ ខណ្ឌព្រែកព្នៅ រាជធានី ភ្នំពេញ។ លេខទំនាក់ទំនងសម្រាប់សាខាគឺ 098 206 328។
សាខា ABA ស្រុកបវេល មានទីតាំងនៅលើផ្លូវជាតិលេខ 57B ភូមិស្ពានកណ្ដាល ឃុំបវេល, ស្រុកបវេល ខេត្តបាត់ដំបង។ លេខទំនាក់ទំនងសម្រាប់សាខាគឺ 098 206 977។
គិតមកទល់បច្ចុប្បន្ន ធនាគារ ABA មានសាខាសរុបចំនួន 94 និង ទីតាំងស្វ័យសេវា 24/7 ចំនួន 45 នៅទូទាំងប្រទេស។ គួរបញ្ជាក់ផងដែរថា ធនាគារបម្រើអតិថិជនជារូបវន្ដបុគ្គល និងអតិថិជនជាសាជីវកម្មសរុប 3.3 លាននាក់ នៅទូទាំងប្រទេសកម្ពុជា។ ABA គឺជាធនាគារពាណិជ្ជកម្ពុជាដ៏ធំបំផុតគិតលើទ្រព្យសកម្ម, ប្រាក់បញ្ញើ, កម្ចីដុល, ប្រាក់បញ្ញើអតិថិជននិងប្រាក់ចំណេញ ផ្អែកលើរបាយការណ៍ត្រួតពិនិត្យប្រចាំឆ្នាំ 2021 និង 2022 របស់ធនាគារជាតិនៃកម្ពុជា។
