ធនាគារ ABA នាំសេវាធនាគារប្រកបដោយគុណភាពខ្ពស់ មកកាន់តែជិតនៅតំបន់ហ្គ្រេន ភ្នំពេញ!
02/Feb/2024
ធនាគារ ABA ពង្រីកបណ្តាញសាខារបស់ខ្លួន និងនាំនូវសេវាធនាគារទំនើបដ៏ទូលំទូលាយ មកឲ្យកាន់តែជិតអតិថិជនក្នុងខណ្ឌឫស្សីកែវ ជាមួយនឹងការបើកបន្ថែមសាខាថ្មី នៅសង្កាត់ច្រាំងចំរេះទី1។
សាខាថ្មីនេះផ្ដល់ជូនផលិតផល និងសេវាកម្មរបស់ ABA ពេញលេញ ដែលអនុញ្ញាតឲ្យអតិថិជននៅកតំបន់នេះងាយស្រួលប្រើប្រាស់សេវាធនាគារនានា ដូចជា គណនីសន្សំ និងគណនីបញ្ញើ, កម្ចីអាជីវកម្ម, កាតឥណពន្ធ និងឥណទាន, សេវាធនាគារអនឡាញ ដោយទទួលបានការប្រឹក្សាពីបុគ្គលិកវិជ្ជាជីវៈ ABA។
ABA ផ្តល់នូវម៉ាស៊ីនស្វ័យសេវាដ៏ទំនើបក្នុងសម័យជឿនលឿននេះ។ ម៉ាស៊ីន ATM, ម៉ាស៊ីនដាក់ប្រាក់ និងម៉ាស៊ីនដក-ដាក់ប្រាក់ អាចចូលប្រើប្រាស់បានគ្រប់ពេលវេលា 24 ម៉ោង រីឯ ម៉ាស៊ីនបើកកាត ABA ដែលមាននៅផ្នែកស្វ័យសេវា នៅសាខាផ្ទាល់ ក៏អនុញ្ញាតឲ្យអតិថិជនបើកកាត Visa, Mastercard, UPI និងកាតក្នុងស្រក CSS ដោយខ្លួនឯង ក្នុងរយៈពេលមិនដល់ពីរនាទី ដោយមិនចាំបាច់មានការជួយបើកជូនពីបុគ្គលិកសាខាផងដែរ។
ABA សាខាហ្គ្រេន ភ្នំពេញនេះ មានទីតាំងស្ថិតនៅផ្ទះលេខ 2 ផ្លូវ 307 កែងផ្លូវ 432 ភូមិ 4 សង្កាត់ច្រាំងចំរេះ1 ខណ្ឌឬស្សីកែវ រាជធានីភ្នំពេញ។ សាខានេះដំណើរការថ្ងៃច័ន្ទ ដល់ថ្ងៃសុក្រ ម៉ោង 8 ព្រឹក ដល់ 4 ល្ងាច ហើយអាចទំនាក់ទំនងបានតាមរយៈលេខ 098 206 729 សម្រាប់រាល់ចម្ងល់ផ្សេងៗ។
ជាមួយការបន្ថែមសាខាថ្មីនេះ ABA បច្ចុប្បន្នមាន បណ្តាញសាខាចំនួន 95 នៅទូទាំងប្រទេស ព្រមជាមួយនឹងទីតាំងស្វ័យសេវា ABA 24/7 ចំនួន 45 កន្លែង ដែលផ្តល់នូវភាពងាយស្រួលដល់អតិថិជន។
