ធនាគារ ABA រួមចំណែកគាំទ្រ យុទ្ធនាការថែទាំសុខភាពដោយឥតគិតថ្លៃរបស់ សមាគម TYDA ក្នុងខេត្តពោធិ៍សាត់
06/May/2025
ក្នុងនាមជាសាជីវកម្មមានទំនួលខុសត្រូវសង្គម ធនាគារ ABA មានកត្តិយសជាថ្មីម្តងទៀតក្នុងការចូលរួមគាំទ្របេសកម្មផ្តល់ការពិនិត្យសុខភាព និងព្យាបាលជំងឺដោយ ឥតគិតថ្លៃ របស់សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA)។
កាលពីថ្ងៃទី3 ខែឧសភា ឆ្នាំ 2025 បេសកម្មនេះមានការដឹកនាំដោយលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អនុប្រធានក្រុមប្រឹក្សាភិបាលនៃសមាគម TYDA ស្ថិតនៅក្នុងបរិវេណវិទ្យាល័យព្រះម្លូរ ស្រុកបាកាន ខេត្តពោធិ៍សាត់។ ក្រុមគ្រូពេទ្យ TYDA បានពិនិត្យសុខភាពទូទៅ ព្យាបាលជំងឺ និងផ្តល់សេវាថែទាំសុខភាពផ្សេងៗ ជូនប្រជាពលរដ្ឋក្នុងតំបន់ ដោយឥតគិតថ្លៃ សរុបចំនួនប្រមាណ 4,000 ជាងនាក់។
ដើម្បីឆ្លុះបញ្ចាំងពីការប្តេជ្ញាចិត្តដ៏មុតមាំរបស់ធនាគារក្នុងបេសកម្មនេះ បុគ្គលិក ABA ក៏បានចូលរួមយ៉ាងសកម្មក្នុងកម្មវិធីដោយជួយយកអាសាអ្នកជំងឺ និងផ្តល់កាដូពី ABA ជូនដល់ប្រជាពលរដ្ឋដែលបានចូលរួមផងដែរ។
ឆ្ពោះទៅមុខ ធនាគារ ABA នឹង បន្តការប្តេជ្ញាចិត្តជួយគាំទ្របេសកម្មរបស់សមាគម TYDA ដើម្បីផ្តល់ការពិនិត្យសុខភាពដោយឥតគិតថ្លៃ និងធានាថាប្រជាពលរដ្ឋខ្មែរគ្រប់រូប ទទួលបានការយកចិត្តទុកដាក់ផ្នែកសុខភាពដែលពួកគេត្រូវការ។
