ធនាគារ ABA និងក្រុមហ៊ុន TrueMoney Cambodia បានសហការគ្នា ដើម្បីគាំទ្រដល់កម្មវិធីសង្គមរបស់អង្គការ រក្សាកុមារ
17/Jun/2025
ក្រោមការខិតខំប្រឹងប្រែងរួមគ្នា ដើម្បីផ្តល់សារៈសំខាន់ដល់សង្គមប្រកបដោយភាពវិជ្ជមាន ធនាគារ ABA និងក្រុមហ៊ុន TrueMoney Cambodia បានសហការគ្នាឧបត្ថម្ភដល់គំនិតផ្តួចផ្តើមរបស់ អង្គការ រក្សាកុមារ ដែលមានគោលបំណងជួយដល់សហគមក្នុងខេត្តកំពង់ធំ តាមរយៈការអភិវឌ្ឍប្រកបដោយចីរភាព និងបរិយាបន្នផ្នែកឌីជីថល។
ជាមួយនឹងថវិការសរុបចំនួន 160 លានរៀល ការសហការនេះនឹងគាំទ្រកម្មវិធីចំនួន 3 របស់អង្គការ រក្សាកុមារ តាមរយៈការផ្តល់ទឹកស្អាតសម្រាប់ញាំ អំពូលសូឡា និងកំព្យូទ័រដល់សិស្សានុសិស្ស និងប្រជាពលរដ្ឋ ក្នុងស្រុកប្រាសាទសំបូរ។ កម្មវិធីទាំងនេះ គឺជាស្នូលនៃបេសកម្មរបស់អង្គការ ក្នុងការផ្តល់សារៈសំខាន់ដល់ថ្ងៃអនាគតក្នុងជីវិតរបស់ពួកគេ និងបន្តលើកកម្ពស់ភាពជាសហគមតែមួយ។
នៅថ្ងៃទី 16 ខែមិថុនា ឆ្នាំ 2025 កម្មវិធីប្រគល់ថវិកា ក្រោមធិបតីភាពរបស់ លោកជំទាវបណ្ឌិត ជា សេរី ស្ថាបនិកនៃអង្គការ រក្សាកុមារ និងទេសាភិបាលធនាគារជាតិនៃកម្ពុជា លោក Zhiger Atchabarov អគ្គនាយករងប្រតិបត្តិ និងជានាយកប្រតិបត្តិការ នៃធនាគារ ABA និង លោកស្រី ឃួន ហ្វ្រង់ដារ៉ា អគ្គនាយិកាប្រតិបត្តិនៃក្រុមហ៊ុន TrueMoney Cambodia ព្រមទាំងក្រុមការងារពីភាគីទាំងបី។
ក្នុងអំឡុងពេលកម្មវិធី លោកជំទាវបណ្ឌិត ជា សេរី បានបង្ហាញការថ្លែងអំណរគុណចំពោះការគាំទ្រ ដែលឆ្លុះបញ្ចាំងអំពីសក្តានុពលនៃការផ្លាស់ប្តូររបស់កម្មវិធីទាំង 3 ក្នុងការបង្កើនសុខុមាលភាពរបស់ប្រជាជន។
លោក Zhiger Atchabarov មានប្រសាសន៍ថា “យើងខ្ញុំ មានសេចក្តីសោមន្សដែលបានគាំទ្រគំនិតផ្តចផ្តើមដែលគួរឲ្យកោតសរសើររបស់អង្គការរក្សាកុមារ។ កម្មវិធីទាំង 3 នេះ នឹងបន្តផ្គត់ផ្គង់ជីវភាពកុមារ និងគ្រួសារក្នុងសហគមក្នុងរយៈពេលវែង។ ជាផ្នែកមួយនៃការប្តេជ្ញាចិត្តលើទំនួលខុសត្រូវសង្គម យើងខ្ញុំពិតជាផ្តល់តម្លៃភាពជាដៃគូជាមួយអង្គការដែលផ្តោតលើសហគម ដូចជាអង្គការ រក្សាកុមារ ជាដើម។ ”
លោកស្រី ឃួន ហ្វ្រង់ដារ៉ា ក៏មានប្រសាសន៍ថា “នៅក្រុមហ៊ុន TrueMoney យើងខ្ញុំជឿជាក់ថានវានុវត្តភាពចាប់ផ្តើមជាមួយនឹងសមិទ្ធផល។ ការផ្តួចផ្តើមនេះ ឆ្លុះបញ្ជាំងអំពីការប្តេជ្ញាចិត្តយ៉ាងមុតមាំក្នុងការគាំទ្រអ្នកជំនាន់ក្រោយ តាមរយៈបច្ចេកវិទ្យា និងកិច្ចសហការដែលមានអត្ថន័យ ដើម្បីលើកកម្ពស់ជីវភាពប្រជាជន។”
ប្រសិនបើអ្នកមានបំណងចង់បរិច្ចាគជូន អង្គការ រក្សាកុមារ និងគាំទ្រដល់ការផ្តួចផ្តើមដ៏មានអត្ថន័យសម្រាប់សង្គម សូមចុចតាមតំណរភ្ជាប់ https://billzone.ababank.com/abamobile/aba_bill_payment/?vendor=685 ឬចូលទៅផ្នែក សប្បុរសធម៌ និងការបរិច្ចាគ ក្នុងប៊ូតុង ទូទាត់ប្រាក់ ក្នុងកម្មវិធី ABA Mobile របស់អ្នក។
អំពីអង្គការរក្សាកុមារ
អង្គការ រក្សាកុមារ ជាអង្គការមិនរកប្រាក់កម្រៃ ស្ថិតក្នុងប្រទេសកម្ពុជា ដែលមានបំណងលើកកម្ពស់កុមារកម្ពុជាដែលមានភាពខ្វះខាត ជាមួយឱកាសដូចទៅនឹងមនុស្សដទៃ សម្រាប់អនាគតភ្លឺស្វាងសម្រាប់ពួកគេ និងសហគមទាំងមូល។
អង្គការ រក្សាកុមារ មានបេសកម្មក្នុងការលើកកម្ពស់សុខភាព សុខុមាលភាព និងប្រយោជន៍កុមារកម្ពុជាពីគ្រប់មជ្ឈដ្ឋាន។ សកម្មភាពទាំងនេះ នឹងធ្វើឡើងក្រោមកិច្ចសហការជាមួយអង្គការជាតិ និងអន្តរជាតិ។
