ទីតាំង ABA 24/7 ពង្រីកដល់តំបន់ពោធិ៍ចិនតុង និងស្តាតចាស់ហើយ!
17/Jan/2022
ធនាគារ ABA បន្តពង្រីកបណ្តាញស្វ័យសេវា 24/7 ដោយបន្ថែមទីតាំង ២ ថ្មីទៀតនៅតំបន់ពោធិ៍ចិនតុង និងស្តាតចាស់ ក្នុងរាជធានីភ្នំពេញ។
ទីតាំងស្វ័យសេវា ABA 24/7 បើកបម្រើសេវាគ្រប់ពេលវេលា ហើយអតិថិជនអាចធ្វើការដាក់/ដកប្រាក់ និងដាក់មូលប្បទានបត្រដែលចេញដោយធនាគារនានាដោយឥតគិតថ្លៃ។
ទីតាំងពោធិ៍ចិនតុង និងស្តាតចាស់ ក៏ដាក់ដំណើរការផងដែរនូវសេវាបើកកាត តាមរយៈម៉ាស៊ីនកាតស្វ័យសេវា។ ជាបច្ចេកវិទ្យាថ្មីដំបូងគេមួយទៀតនៅកម្ពុជាដែលណែនាំដោយ ABA ម៉ាស៊ីនកាតនេះ អនុញ្ញាតឱ្យអតិថិជនជ្រើសរើសរវាងកាតឥណពន្ធ Classic/Standard ឬ កាត CSS ហើយអាចបើកភ្លាមៗនៅទីតាំងផ្ទាល់ ត្រឹមតែប៉ុន្មាននាទីប៉ុណ្ណោះ។
ទីតាំង ABA 24/7 ពោធិ៍ចិនតុង ស្ថិតនៅលើផ្លូវ 2005 មហាវិថី សហព័ន្ធរុស្ស៊ី និងនៅក្បែរសាខា ABA ទឹកថ្លា និង សាខាចោមចៅ។ ទីតាំង ABA 24/7 ស្តាតចាស់ ស្ថិតនៅរង្វង់មូលសួនច្បារស្តាតចាស់ ចម្ងាយប្រមាណ ១០០ ម៉ែត្រពី សាខា ABA ស្តាតចាស់។ អតិថិជនរបស់សាខាទាំងនេះ កាន់តែចំណេញពេលវេលា ក្នុងការចូលប្រើសេវាធនាគារនៅទីតាំង ABA 24/7 ថ្មី ដែលមានចំណតធំទូលាយ និង មានសន្តិសុខប្រចាំការ 24/7 ។
សូមអញ្ជើញមកកាន់ទីតាំង ABA 24/7 ថ្មី ហើយទទួលយកបទពិសោធស្វ័យសេវាធនាគារដ៏ទំនើប នៅអាសយដ្ឋានខាងក្រោម៖
- ABA 24/7 ពោធិ៍ចិនតុង - អគារលេខ10 & 11 មហាវិថី សហព័ន្ធរុស្ស៊ី កែងផ្លូវ 2005 ភូមិប៉ប្រកខាងជើង សង្កាត់កាកាបទី1 ខណ្ឌពោធិ៍សែនជ័យ រាជធានីភ្នំពេញ។ លោកអ្នកអាចស្វែងរកទីតាំងដោយចុចលើ ផែនទីនេះ។
- ABA 24/7 ស្តាតចាស់ - អគារលេខ A01 ផ្លូវ 93 ភូមិ 19 សង្កាត់ស្រះចក ខណ្ឌដូនពេញ រាជធានីភ្នំពេញ។ លោកអ្នកអាចស្វែងរកទីតាំងដោយចុចលើ ផែនទីនេះ។
សូមបន្តតាមដានទីតាំងស្វ័យសេវា ដែលនឹងបើកបន្ថែមក្នុងពេលឆាប់ៗនេះ! សម្រាប់ព័ត៌មានផ្សេងៗទាក់ទងនឹងទីតាំងស្វ័យសេវា ABA 24/7 សូមទំនាក់ទំនងតាមទូរស័ព្ទ 023 225 333 ឬ ស្វែងរកនៅលើទំព័រ ABA 24/7 ។
សូមអរគុណសម្រាប់ការប្រើប្រាស់សេវាធនាគារយើងខ្ញុំ!
