ទីតាំងស្វ័យសេវា ABA 24/7 បើកដំណើរការ ក្នុងតំបន់ផ្សារដើមគហើយ!
26/Oct/2021
ធនាគារ ABA បន្ដពង្រីកបណ្ដាញស្វ័យសេវា ABA 24/7 ជាបន្ដបន្ទាប់ និងសូមប្រកាសបើកដំណើរការទីតាំងស្វ័យសេវាថ្មីមួយទៀតក្នុងតំបន់ផ្សារដើមគ។
ស្ថិតនៅផ្លូវប្រសព្វរវាង មហាវិថីព្រះមុនីរ៉េត និងមហាវីថីម៉ៅសេទុង ទីតាំងនេះផ្ដល់ភាពងាយស្រួលមួយទៀតបន្ថែមលើសេវាស្វ័យធនាគារដែលមានទីតាំងក្បែរគ្នានឹងសាខាសម្ដេចមុនីរ៉េត សាខាអូរបែកក្អម និងសាខាស្ទឹងមានជ័យ។ អតិថិជនដែលរស់នៅ និងធ្វើដំណើរឆ្លងកាត់សាខាទាំងនេះអាចរីករាយជាមួយនឹងបទពិសោធសេវាធនាគារងាយស្រួលជាងមុនដោយពុំចាំបាច់អញ្ជើញទៅសាខាធនាគារទៀតឡើយ ថែមទាំងមានចំណតធំទូលាយ និងសន្ដិសុខយាមការ 24/7។
ទីតាំងស្វ័យសេវា 24/7 អាចចូលធ្វើប្រតិបត្តិការបានគ្រប់ពេលវេលា ហើយអតិថិជនអាចដាក់ ឬដកប្រាក់ និងដាក់មូលប្បទានបត្រពីធនាគារនានាដោយឥតគិតថ្លៃ។
ទីតាំងស្វ័យសេវា ABA 24/7 នៅតំបន់ផ្សារដើមគនេះស្ថិតនៅអគារលេខ 103E0 & 103E1 ផ្លូវ 245 កែងផ្លូវ 217 សង្កាត់បឹងសាឡាង ខណ្ឌទួលគោក រាជធានីភ្នំពេញ។ ស្វែងរកទីតាំង ចុច លើផែនទីនេះ។
សម្រាប់ព័ត៌មានផ្សេងៗទាក់ទងនឹងទីតាំងស្វ័យសេវា ABA 24/7 សូមទាក់ទងតាមទូរស័ព្ទ 023 225 333 ឬ ស្វែងរកនៅលើ ទំព័រ ABA 24/7។
សូមអរគុណសម្រាប់ការប្រើប្រាស់សេវាធនាគារយើងខ្ញុំ!