ទីតាំងស្វ័យសេវា ABA 24/7 បើកនៅតំបន់បឹងត្របែក
27/Jan/2022
ធនាគារ ABA មានសេចក្ដីរីករាយ សូមប្រកាសបើកដំណើរការទីតាំងស្វ័យសេវា ABA 24/7 ថ្មី នៅតំបន់បឹងត្របែក រាជធានីភ្នំពេញ។
អតិថិជនកំពុងរស់នៅ និងប្រកបការងារនៅទីតាំងនេះ គ្រាន់តែដើរចូល អាចធ្វើប្រតិបត្តិការភ្លាមៗ ដូចជា ដាក់ប្រាក់/ដកប្រាក់ និងដាក់មូលប្បទានបត្រដែលចេញដោយធនាគារនានាក្នុងប្រទេសកម្ពុជា គ្រប់ពេលវេលា ដោយឥតគិតថ្លៃ។
ទីតាំងស្វ័យសេវានេះ ក៏បំពាក់ផងដែរនូវម៉ាស៊ីនកាត ដែលអ្នកអាចបើកកាតឥណពន្ធក្នុងស្រុក និងកាតឥណពន្ធអន្តរជាតិ បានដោយខ្លួនឯង។ ដំណើរការបើក ប្រើពេលតែប៉ុន្មាននាទីប៉ុណ្ណោះ ហើយកាត ABA នេះ បើកបានដោយឥតគិតថ្លៃ។
ដោយស្ថិតនៅតាមបណ្ដោយមហាវិថីព្រះមុនីវង្ស (93) កែងផ្លូវ 484 ទល់មុខ DKSH ទីតាំងថ្មីនេះបន្ថែមភាពងាយស្រួលមួយកម្រិតទៀតដល់ផ្នែកស្វ័យសេវាប្រចាំសាខាម៉ៅសេទុង និងសាខាផ្សារដើមថ្កូវ។ ស្វែងរក ទីតាំងនៅទីនេះ។
សូមបន្ដតាមដានទីតាំងស្វ័យសេវាដែលនឹងបើកក្នុងពេលឆាប់ៗនេះ។ សម្រាប់ព័ត៌មានបន្ថែមអំពីបណ្ដាញស្វ័យសេវា ABA 24/7 សូមទំនាក់ទំនងមកលេខ 023 225 333 ឬចូលទៅកាន់ទំព័រ ABA 24/7។
