ទីតាំងស្វ័យសេវា ABA 24/7 បើកនៅចំការដូង
21/Sep/2021
ធនាគារ ABA បន្តពង្រីកបណ្ដាញស្វ័យសេវា 24/7 ដើម្បីផ្ដល់ភាពងាយស្រួលបន្ថែមដល់អតិថិជន ក្នុងការប្រើប្រាស់សេវាធនាគារ ហើយថ្ងៃនេះ យើងខ្ញុំមានសេចក្ដីសោមនស្សរីករាយ សូមប្រកាសបើក ទីតាំងស្វ័យសេវា ABA 24/7 នៅតំបន់ចំការដូងនៃរាជធានីភ្នំពេញ។
ដោយបានដាក់ជាយុទ្ធសាស្ត្រនៅតាមបណ្តោយដងផ្លូវដ៏មមាញឹក ដែលស្ថិតនៅចន្លោះអតីតស្ពានដែកចំការដូង និងសាលាចំការដូង (សាកលវិទ្យាល័យភូមិន្ទកសិកម្ម) ទីតាំងថ្មីនេះ នឹងជួយសម្រួលបន្ថែម ដល់ផ្នែកស្វ័យសេវាប្រចាំសាខាស្ទឹងមានជ័យ និង សាខាចំការដូង។
ឥឡូវនេះ អតិថិជនដែលកំពុងរស់នៅ និងធ្វើការនៅតំបន់ខាងលើ អាចដាក់ប្រាក់/ដកប្រាក់ និង ដាក់មូលប្បទានបត្រដែលចេញដោយធនាគារនានាបាន 24 ម៉ោង លើ 24 ម៉ោង ដោយឥតគិតថ្លៃ។ ទីតាំងនេះ នឹងជួយសម្រួលដល់អតិថិជនបានយ៉ាងច្រើន ដោយពួកគាត់មិនចាំបាច់ចំណាយពេលទៅសាខា ឬ រង់ចាំតាមលេខរៀង ដើម្បីប្រើប្រាស់សេវាធនាគារទៀតនោះឡើយ។ ABA 24/7 ចំការដូង មានចំណតធំទូលាយ និងសន្តិសុខប្រចាំការគ្រប់ពេលវេលា ដែលនឹងផ្ដល់ភាពងាយស្រួល និងសុវត្ថិភាពដល់ការប្រើប្រាស់សេវាធនាគាររបស់អតិថិជន។
ABA 24/7 ទី 11 របស់យើង មានទីតាំងស្ថិតនៅផ្លូវ 217 ភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ។ ទីតាំងផែនទី
សម្រាប់សំណួរពាក់ព័ន្ធ នឹង ABA 24/7 សូមទាក់ទងមក 023 225 333 ឬអាចចូលទៅកាន់ ទំព័រ ABA 24/7។
សូមអរគុណសម្រាប់ការប្រើប្រាស់សេវាធនាគារយើងខ្ញុំ!