ទីតាំង ABA 24/7 ពង្រីកដល់តំបន់សេដ្ឋកិច្ចពិសេសក្រុងព្រះសីហនុ
22/Aug/2022
ABA បន្ដពង្រីកបណ្ដាញស្វ័យសេវារបស់ខ្លួន ដោយបន្ថែមទីតាំង ABA 24/7 ថ្មីមួយទៀតនៅតំបន់សេដ្ឋកិច្ចពិសេសក្រុងព្រះសីហនុ (SEZ) ដើម្បីផ្ដល់សេវាធនាគារដ៏ទំនើបជូនអតិថិជន។
អតិថិជន នឹងចំណេញពេលវេលាច្រើនតាមរយៈការធ្វើប្រតិបត្តិការស្វ័យសេវា នៅទីតាំង ABA 24/7 SEZ ដែលអាចប្រើបានគ្រប់ពេល ជាមួយចំណតសមរម្យ និងសន្ដិសុខប្រចាំការ 24/7។
ទីតាំងស្វ័យសេវា SEZ ស្ថិតនៅភូមិពូធឿង ឃុំបិតត្រាំង និងភូមិស្មាច់ដែង ឃុំរាម ស្រុកព្រៃនប់ ខេត្តព្រះសីហនុ។ ស្វែងរកទីតាំង ទីនេះ។
អតិថិជនប្រចាំខេត្តព្រះសីហនុ អាចធ្វើប្រតិបត្តិការដូចជា ដាក់/ដកប្រាក់ បើកកាតតាម ម៉ាស៊ីនបើកកាត និងដាក់មូលប្បទានបត្រដែលចេញធនាគារនានា ដោយឥតគិតថ្លៃ និងមិនចាំបាច់អញ្ជើញទៅសាខា ABA ចាំតាមលេខរៀងទៀតឡើយ។
សម្រាប់សំណួរ ឬចម្ងល់ផ្សេងៗទាក់ទងនឹងបណ្ដាញស្វ័យសេវា សូមទំនាក់ទំនងតាមទូរស័ព្ទ 1 800 203 203 (ប្រព័ន្ធទូរស័ព្ទឥតគិតថ្លៃ សម្រាប់អតិថិជនក្នុងប្រទេសកម្ពុជា) ឬចូលទៅទំព័រវិបសាយ 24/7។
សូមអរគុណសម្រាប់ការប្រើប្រាស់សេវាធនាគារយើងខ្ញុំ!
