យើងខ្ញុំបើកសាខាស្រុកថ្មីពីរដើម្បីបំរើអតិថិជន ឲ្យបានកាន់តែច្រើន
30/Aug/2019
ជាមួយនឹងការតាំងចិត្ត ក្នុងការនាំយកនូវសេវាធនាគារទំនើបជូនដល់អតិថិជននៅក្នុងប្រទេសកម្ពុជា ធនាគារ ABA សូមប្រកាសបើកសាខាស្រុកពីរថ្មីទៀតជាផ្លូវការ ដែលមានទីតាំងនៅក្នុងស្រុកចំការលើ ក្នុងខេត្តកំពង់ចាម និងស្រុកកោះធំ ខេត្តកណ្តាល។
ការបើកសាខាស្រុកថ្មីពីរនេះ ផ្តល់ជូនប្រជាជន ក៏ដូចជាអ្នករស់នៅក្បែរស្រុកចំការលើ និងស្រុកកោះធំទាំងអស់ នូវផលិតផលនិងសេវាធនាគារ ABA ជាច្រើនប្រភេទដូចជា កម្ចីអាជីវកម្មខ្នាតតូច និងកម្ចីសហគ្រាសខ្នាតតូចនិងមធ្យម គណនីបញ្ញើនិងសន្សំ សេវាផ្ទេរប្រាក់ កាតធនាគារ សេវាធនាគារតាមទូរស័ព្ទ និងអនឡាញ និងការចូលប្រើប្រាស់គណនីរបស់ពួកគេតាមម៉ាស៊ីន ATM និងម៉ាស៊ីនដាក់ប្រាក់ 24ម៉ោង លើ 24ម៉ោង។ បុគ្គលិកជំនាញរបស់យើងខ្ញុំ ក៏មានវត្តមាននៅនឹងកន្លែងរួចជាស្រេច ដើម្បីស្វាគមន៍និងជួយដល់អតិថិជន ក្នុងករណីដែលពួកគេមានសំណួរផ្សេងៗផងដែរ។
យើងខ្ញុំសូមគោរពអញ្ជើញអតិថិជនទាំងអស់ មកស្វែងយល់ពីផលិតផលនិងសេវាធនាគារទំនើបរបស់យើងខ្ញុំ នៅអាសយដ្ឋានដែលបានផ្តល់ជូនខាងក្រោម៖
- សាខាស្រុកចំការលើ៖ ភូមិថ្នល់បែកកើត ឃុំស្វាយទាប ស្រុកចំការលើ ខេត្តកំពង់ចាម។ ទូរស័ព្ទលេខ៖ 081 204 053។
- សាខាស្រុកកោះធំ៖ ភូមិព្រែកថ្មី ឃុំព្រែកថ្មី ស្រុកកោះធំ ខេត្តកណ្តាល។ ទូរស័ព្ទលេខ៖ 081 204 186។
គិតមកត្រឹមខែសីហា ឆ្នាំ 2019 ធនាគារ ABA មានសាខាចំនួន 70 បំរើការជូនអតិថិជនទូទាំងប្រទេស និងមានគម្រោងបើកសាខាចំនួន 7 បន្ថែមទៀតមុនដំណាច់ឆ្នាំនេះ។
